18. Et omnes vicecomites faciant inbreviari omnes fugitivos, qui fugerint de suis comitatibus; et hoc faciant coram comitatibus, et illorunl nomina scripta portabunt ante Justitias cum primo ad illos venerint, ut illi quaerantur per totam Angliam, et eorum catalla capiantur ad opus regis.
19. Jit vult dominus rex quod ex quo vicecomites susceperint summonitiones Justitiarum errantium, ut ipsj cum comitatibus suis sint ante illos, ipsi congregabunt comitatus suos et inquirent omnes qui de novo venerint in suos comitatus post hanc assisam; et illos mittent per plegios, quod erunt coram Justitias, vel illos custodient, donec Justitiae ad eos venerint, et tunc habebunt coram Justitias.
20. Prohibet etiam dominus rex ne monachi vel canonici vel aliqua domus religionum recipiant aliquem de populo minuto in monachum vel canonicum vel fratrem, donec sciatur de quali testimonio ipse fuerit, nisi ipse fuerit infirmus ad mortem.
21. Prohibet etiam dominus rex, quod nullus in tota Anglia receptet in terra sua vel soca sua vel domo sub se, aliquem de secta illorum renegatorum qui excommunicati et signati fuerunt apud Oxeneforde. Et si quis eos receperit, ipse erit in misericordia domini regis; et domus, in qua illi fuerint, portetur extra villam et comburatur. Et hoc jurabit unusquisque vicecomes quod hoc tenebit, et hoc jurare faciet omnes ministros suos, ct dapiferos baronum, et omnes milites ct franco-tenentes de comitatibus.
22. Et vult dominus rex quod haec assisa teneatur in regno suo quamdiu ei placuerit.
