ia terram suam vel socam suam, ad capiendum illos qui rettati fuerint vel publicati quod sint robatores vel murdratores vel latrones vel receptores eorum, vel utlagati vel rettati deforesta; sed praecipit quod juvent illos ad capiendum eos.
12. Et si aliquis fuerit captus qui fuerit saisiatus de roberia vel latrocinio, si ipse fuerit diffamatus et habeat malum testimonium de publicamento, et non habeat warantum, non habeat legem. Et si non fuerit publicatus, pro saisina quam habet, eat ad aquam.
13. Et si aliquis fuerit recognoscens coram legalibus hominibus vel hundredis de roberia vel murdro vel latrocinio vel de receptione eorum, et postea negare voluerit, non habeat legem.
14. Vult etiam dominus rex quod ipsi qui facient legem suam et mundi erunt per legem, si ipsi fuerint de pessimo testimonio, et publice et turpiter diffamati testimonio multorum et legalium hominum, foras jurent terras regis, ita quod infra viii. dies mare transibunt, nisi aura eos detinuerit; et cum prima aura quam habebunt postea mare transibunt, et ultra in Angliam non revertentur nisi per misericordiam domini regis: et ibi sint utlagati et si redierint; et si redierint capiantur sicut utlagati.
15. Et prohibet dominus rex ne aliquis vaivus, id est vagus vel ignotus, hospitetur alicubi nisi in burgo, et ibi non hospitetur nisi una nocte, nisi ibi infermetur, vel equus ejus, ita quod monstrare possit monstrabile essonium.
16. Et si ibi fu erit plusqqam una nocte, capiatur illo et teneatur donec dominus ejus venerit ad eum plegiandum, vel donec ipse habeat salvos plegios; et ille similiter capiatur qui hospitatus fuerit.
17. Et si aliquis vicecomes mandaverit alii vicccomiti quod homines fugerint de comitatu suo in alium comitatum pro roberia vel pro murdro vel latrocinio vel receptione eorum, vel pro utlagia vel pro retta forestae regis, ille capiat eos: et etiam si per se vel per alios sciat quod tales homines fugerint in comitatum suum, capiat eos et custodiat donec de eis habeat salvos plegios.
