Haec pagina nondum emendata est
167Sed Latinarum et Latinorum inpuberum tutela non omni modo ad manumissores eorum pertinet1, sed ad eos quorum ante manumissionem ex iure Quiritium (fuerunt: unde si ancilla ex iure Quiritium) tua sit, in bonis mea, a me quidem solo, non etiam a te manumimissa, Latina fieri potest, et bona eius ad me pertinent, sed eius tutela tibi conpetit: nam ita lege Iunia cauetur; itaque si ab eo cuius et in bonis et ex iure Quiritium ancilla fuerit, facta sit Latina, ad eundem et bona et tutela pertinent.
168Agnatis, qui legitimi tutores sunt, item manumissoribus permissum est feminarum tutelam alii in iure cedere;
§ 167. Ср. Ulp. XI. 19. Gaj. III. 56.
§ 168. Ср. Ulp. XI. 6. 8. 17. Gaj. I. 157.
1) Пелла: — tutela non omni modo ad manumissores pertinet — кратко и ясно.
