Migne Patrologia Latina Tomus 78
Ordo Romanus IV (Auctor incertus), J. P. Migne
(0983B)61 . . . . . . . . . . . . . . . grege numerari. Per Christum Dominum nostrum. Hic erigit se sursum. Oblatam solam hic benedicit, Quam oblationem tu Deus in omnibus, quaesumus, benedictam, ascriptam, ratam, rationabilem, acceptabilemque facere digneris (Hic ambo signat, id est oblatam et calicem), ut nobis corpus et sanguis, usque Omnipotentem, tibi gratias agens, benedixit, fregit, deditque discipulis suis dicens, usque Item tibi gratias agens, benedixit. Hic quatuor vicibus solam oblatam signat, in quinta vice super calicem solum crucem faciens: Hostiam puram, Hostiam sanctam, Hostiam immaculatam, panem sanctum vitae aeternae, et calicem salutis perpetuae, usque Immaculatam Hostiam. Hic inclinat se iterum juxta altare, dicens, Supplices te (0983C)rogamus, omnipotens Deus. Hic orat apud se quod voluerit. Deinde dicit, Jube haec perferri per manus, usque in conspectum. Hic se erigit haec verba dicens, Ut quotquot ex hac altaris participatione, usque per Christum. Hae Orationes duae dicuntur, una super depticios, altera post lectionem nominum; et hoc quotidianis, vel in agendis tantummodo diebus: Memento etiam, Domine, et eorum nomina, qui nos praecesserunt cum signo fidei, et dormiunt in somno pacis. Et recitantur nomina. Deinde postquam recitata fuerint, dicat: Ipsis, Domine, et omnibus in Christo quiescentibus, locum refrigerii, lucis et pacis ut indulgeas deprecamur, per eumdem. Nobis quoque peccatoribus, usque Sed veniae, quaesumus, largitor admitte. Per. Hic erigens se archidiaconus veniet, et involvens (0983D)calicem mappula, levat illum contra domnum papam. Per quem haec omnia, Domine, semper bona creas. Hic ambo signat, id est oblatam et calicem, (0984B)62 tribus vicibus, singulis singulas faciens cruces: Sanctificas, vivificas, benedicis et praestas nobis. Hic levat domnus papa oblatas duas usque ad oram calicis, et tangens eum de oblationibus, tenente illum archidiacono, dicit: Per ipsum, et cum ipso, et in ipso est tibi Deo Patri omnipotenti in unitate Spiritus sancti omnis honor et gloria. Tunc dicit in altum Per omnia saecula saeculorum. Tunc reponit oblatam in altari, et dicit in altum Oremus. Deinde dicit Praeceptis salutaribus moniti, usque Sed libera nos. Tunc dicit domnus papa, interveniente nullo sono, hanc Orationem: Libera nos, quaesumus, Domine, usque Petro, Paulo atque Andrea. Hic nominatim quales voluerit sanctos, vel quantos commemorat. Deinde infert, Cum omnibus sanctis da propitius, usque Per (0984C)omnia saecula saeculorum. Respondetur Amen. Deinde dicit Pax Domini sit semper vobiscum. Non mittit partem de sancta in calicem, sicut caeteris sacerdotibus mos est. Dum confringit, Agnus Dei dicit, et expleta confractione, quando communicat domnus apostolicus, partem sibi mordet, et reliquam in calice mittit, faciens crucem de ea tribus vicibus super calicem, nihil dicens. Et sic confirmatur de calice, tenente calicem archidiacono. Quando vero domnus apostolicus descendit ab altari, incipit communicare populus, et dicitur Antiphona ad Communionem. Et expleta Communione et Antiphona, tunc surgit domnus papa; et veniens ad altare, salutat altius dicens Dominus vobiscum. Respondetur Et cum spiritu tuo. Deinde dicit Orationem: Quod (0984D)ore sumpsimus, Domine, mente capiamus, et de munere temporali fiat nobis remedium sempiternum. Per, etc.