Ordo Romanus (XXII)

by 0

Sine Nomine

Ordo Romanus (XXII)

saeculo IX

editio: incognita
fons: []

[De quadragesima]

I.

Feria IV initium quadragesimæ collegunt se omnes ad ecclesiam anctæ Anastasiæ circa horam septimam.

II.

Ingreditur pontifex in secretario, induit se vestibus; scola vero canet antiphonam ad introitum.

III.

Tunc adveniens pontifex ascendit ad altare.

IV.

Ut autem finita fuerit antiphona, stans pontifex altaris, directus ad populum, dicit: Dominus vobiscum; deinde regirat se ad orientem, dicit: Oremus; diaconus: Flectamus ienua, deinde: Levate. Sequitur oratio.

V.

Deinde incipitur antiphona per viam.

VI.

Ut autem prope ecclesiam venerint, incipient letaniam.

VII.

Ut autem ingressi fuerint ecclesiam, pontifex ingreditur in secretarium. Scola pergit decantando usque ad altare.

VIII.

Ut autem finierint letaniam, post paulolum incipiunt antiphonam ad introitum.

IX.

Deinde veniens pontifex ascendit ad sedem, dicit: Oremus; diaconus: Flectamus ienua, et Levate.

X.

Postquam autem dixerit communionem, a diacono dicitur: Humiliate capita vestra Deo. Clerus respondit: Deo gratias, et dicitur oratio super populum.

XI.

Postquam autem dixerit communionem, a diacono dicitur: Humiliate capita vestra Deo. Clerus respondit: Deo gratias, et dicitur oratio super populum.

XII.

Finita oratione, dicit diaconus: Ite, missa est.

XIII.

Simili modo agitur secunda feria, quarta feria, VI feria et sabbato per totam quadragesimam. Nam sabbato tempore Adriani institutum est ut flecteretur pro Carlo rege; antea vero non fuit consuetudo.

XIV.

Tertia feria seu quinta feria, ut ad missas, intraverint, dicit: Dominus vobiscum; et diaconus: Flectamus ienua, et Levate. Missa finita, dicit diaconus: Humiliate capita vestra Deo. Et inclinant se omnes ad orientem. Et dicit pontifex orationem super populum; diaconus: Ite missa est.

XV.

Ceteri vero episcopi aut presbiteri qui collectam non faciunt vel statio non fuerit in ipsa æcclesia, per totam ebdomadam similiter faciunt quomodo isti in duobus diebus peragunt.

XVI.

Item de eo quod Gloria in excelsis Deo usque in caput quadragesimæ in dominicis diebus cantatur. A presbtiteris vero Gloria in excelsis Deo minime cantatur, nisi solum in pascha. Ab episcopis autem omni tempore in dominicis seu festis diebus cantatur. Nam, quando letania agitur, nec Gloria in excelsis Deo, nec Kyrie eleison post introitum nec Alleluia cantatur, excepto letania maiore.

XVII.

Item de responsorio gradali: ab incipiente usque ad finem canta tur et versus similiter.

XVIII.

Item candelabra tenentur in manibus usquedum ad repetitionem incipiunt; postea deponuntur in pavimento; et, post primam orationem missæ datam, deportantur ante altare.

XIX.

Item candelabra tenentur in manibus usquedum ad repetitionem incipiunt; postea deponuntur in pavimento; et, post primam orationem missæ datam, deportantur ante altare.

XX.

Item Gloria dividitur, sed tantum festis diebus; ad repetendum vero, sive festis diebus seu cottidianis, semper incipitur tantum semel.

XXI.

De offertorio seu et versu ipsius duobus vicibus ad unam missam domno pape cantatur.