Migne Patrologia Latina Tomus 138
Obsequium circa morientes (Auctor incertus), J. P. Migne
cc_id: cps_2.AucInc.ObCiMo, cc_idno: 9634
c
INCIPIT OBSEQUIUM CIRCA MORIENTES.(Ex cod. Vind. theol. 685, saec. X.) 138.1159D|
Quando aliquis ad mortem adpropinquaverit, primitus fiat litania, et antequam anima exeat de corpore, dicat sacerdos hanc orationem:
Oremus. Deus misericors, Deus clemens, qui multitudine indulgentiarum nulla temporum lege concluderis, sed pulsantibus misericordiae tuae januam aperis, poenitentes etiam sub ipso vitae hujus termino non repelles, respice propitius super hunc famulum tuum remissionem sibi omnium peccatorum tota cordis confessione poscentem. Renova in eo piissime 138.1160D| Pater, quod actione, quod verbo, quod ipsa denique cogitatione diabolica fraude vitiatum est, et unitate corporis Ecclesiae membrorum tuae redemtionis adnecte. Miserere gemituum, miserere lacrimarum, et non habentem fiduciam nisi in misericordia tua ad sacramentum reconciliationis admitte. Per. Post excisam paginam leguntur sequentia S. Evangelii secundum Joannem: Litigabant ergo Judaei etc. Offert. Domine convertere. Secreta. Propitiare quaesumus Domine animae famuli tui, pro qua tibi hostias placationis offerimus, et quia in hac luce in fide mansit catholicae Ecclesiae, in futura vita ei retributio 138.1161A| condonetur. Per. Praefatio. VD. usque per Xpm Dnm nrm. In cujus adventu cum genuinam jusseris sistere plebem, jubeas famulum tuum a numero discerni malorum, quem tribuas poenae aeternae evadere flammas, et justae potius adipisci praemia vitae: inducique jubeas devicta morte vigorem, semperque inextinctam habere luminis auram. Dignare perpetuam praeclaro in corpore tribuere vitam, ubi nox nullas suas defendit atras tenebras securus de salute, placidus laetetur in honore semper victurus, semperque in luce futurus per Xpm.
Infra act. Hanc igitur oblationem quam tibi pro requie animae famuli tui offerimus, quaesumus Domine placatus accipias, et tua pietate concedas, ut mortalitatis nexibus absoluta inter fideles tuos annumerari 138.1161B| mereatur. Per. Tuam Deus deposcimus. Ad Compl. Prs qs omps Deus ut animam famuli tui ab angelis susceptam in praeparata habitacula deduci facias beatorum. Alia. Annue nobis Domine ut anima famuli tui remissionem quam semper optavit mereatur percipere peccatorum. Per. Antequam ipsum corpus elevetur dicat sacerdos orat. Oremus. Omnipotentis Dei misericordiam deprecemur, cujus judicio aut nascimur, aut finimur, ut spiritum fratris (sororis) nostri, quem Domini pietas de incolatu mundi hujus transire praecepit, requies aeterna suscipiat, ut cum beata resurrectione repraesentet, et in sinibus Abrahae, Isaac et Jacob collocari mereatur, per eum qui venturus est judicare vivos et mortuos. Tunc incipiat cantor responsorium. R\. Subvenite 138.1161C| Sancti Dei. V\. Suscipiat te. Hic dicant simul omnes Kyrie eleison ter. Sequitur oratio. Oremus. Deum judicem universitatis, Deum coelestium, et terrestrium, et infernorum. Deum deprecemur pro spiritu cari nostri, ut eum Dominus in requiem collocare dignetur et in parte primae resurrectionis resuscitare, qui venturus. R\. Antequam nascer. V\. Commissa mea. Et dicant simul Kyrie eleison. Sequitur oratio. Oremus. Deus qui universorum es creator et conditor, qui, cum sis Sanctorum beatitudo, praesta nobis petentibus ut spiritum fratris nostri a corporis nexibus absolutum in Sanctorum tuorum resurrectione facias praesentari. Per.
Postquam elevetur cantetur ista antiphona. A. In paradisum. Ps. Ad te Domine levavi. Oratio. Inclina 138.1161D| Domine aurem tuam ad preces nostras, quibus misericordiam tuam supplices deprecamur, ut animam famuli tui, quem de hoc saeculo migrare jussisti, in pacis ac lucis regione constituas, et Sanctorum tuorum coetui jubeas esse consortem. Per. Oratio ante sepulcrum priusquam sepeliatur. Oremus. Obsecramus misericordiam tuam aeterne omnipotens Deus, qui hominem ad imaginem tuam creare dignatus es, ut spiritum et animam famuli tui quem hodierna die rebus humanis eximi et ad te accersire jussisti, blande et misericorditer suscipias non ei dominentur umbrae mortis, nec tangat eum chaos et caligo tenebrarum, sed exutus omnium criminum labe in sinu Abrahae collocatus locum lucis ac refrigerii se 138.1162A| adeptum esse gaudeat et cum dies judicii advenerit cum Sanctis et electis tuis eum resuscitari jubeas. Per. Aperite illi. Ps. Confitemini Domino. Sequitur oratio. Deus apud quem mortuorum corpora vivunt, et in quo electorum animae deposito carnis onere plena felicitate laetantur; preces ( l. praesta) supplicantibus nobis, ut anima famuli tui, quae temporali per corpus hujus luminis caruit visu, aeterne illius lucis solatio potiatur. Non eum tormenta attingant, non dolor horrendae visionis inficiat, non poenalis timor excruciet, non reorum proxima catena constringat, sed concessa delictorum omnium venia obtentae quietis consequatur gaudia repromissa. Hic deponatur in sepulcrum, et dicat sacerdos. Ant. Egrediar. Ps. Quemadmodum. Oremus fratres karissimi 138.1162B| pro spiritu cari nostri, quem Dominus de laqueo hujus saeculi liberare dignatus est, cujus corpusculum hodie sepulturae traditur, ut eum Domini pietas in sinu Abrahae, Isaac et Jacob collocare dignetur, et cum dies judicii advenerit inter Sanctos et electos suos eum in parte dextera collocandum resuscitari faciat. Praestante Dno nro. Ant. De terra plasmasti me. Ps. Domine probasti me. Sequitur orat. Oremus. Deus qui justis supplicationibus semper praesto es, qui pia vota dignaris intueri, da famulo tuo, cui depositionis hodie officia per humanitatem exhibemus, cum sanctis atque fidelibus tuis beati muneris portionem. Per eum qui vent. Haec requies mea. Ps. Memento Domine. Alia oratio. Debitum humani corporis sepeliendi officium fidelium more complentes, 138.1162C| Deum cui omnia vivunt fideliter deprecemur, ut hoc corpus cari nostri a nobis in infirmitate sepultum in ordine Sanctorum suorum resuscitet, et ejus spiritum sanctis et fidelibus aggregari jubeat, cum quibus inenarrabili gloria perenni felicitate perfrui mereatur. Per. Ant. Requiem aeternam. Ps. Miserere mei Deus. Alia oratio. Temeritatis quidem est Domine, ut homo hominem, mortalis mortuum, cinis cinerem tibi Dno Deo nro audeat commendare; sed quia terra suscepit terram et pulvis convertitur in pulverem, donec omnis caro in suam redigatur originem inde tuam Deus, piissime Pater, lacrymabiliter quaesumus, pietatem, ut hujus famuli tui animam, quam de hujus mundi voragine ducis ad patriam, Abrahae amici tui sinu recipias + et refrigerii 138.1162D| rore perfundas, sit ab aestuantis gehennae truci incendio segregatus, et beatae requiei, te donante, conjunctus. Et si quae illi sunt, Domine, dignae cruciatibus culpae, tu eas gratia mitissimae lenitatis indulge, nec peccati recipiat vicem, sed indulgentiae tuae piam sentiat bonitatem, cumque finito mundi termino, supernum cunctis illuxerit regnum, omnium Sanctorum coetibus aggregatus cum electis resurgat in parte dextera coronandus. Per. Alia. Tibi Domine commendamus animam famuli tui, ut defunctus saeculo tibi vivat, et si qua per fragilitatem mundanae conversationis peccata admisit, tu venia misericordissimae pietatis absterge Per. Alia. Inveniant quaesumus Domine animae famulorum famularumque 138.1163A| tuarum omnium in Christo quiescentium lucis aeternae consortium, qui in hac luce positi tuum consecuti sunt sacramentum. Alia. Multiplica Domine super animas famulorum famularumque tuarum misericordiam tuam et quibus donasti baptismi sacramentum da eis aeternorum plenitudinem gaudiorum. Per. Alia. Partem beatae resurrectionis obtineat, vitamque aeternam mereantur in coelis. Per te Jhu Xpe.
In eodem codice bibliothecae Coes. Vindob. qui fuit olim monasterii S. Margarethae in silva Nigra sub tit. in agenda mortuorum habetur officium deff. omnino ut hodie obtinet, tantum quod nona lectio non sit ex Job, sed lectio epistolae B. Pauli ap. ad Thessalon.
138.1164A| Fratres nolumus vos ignorare de dorm. . . . itaque consolamini invicem in verbis istis.
R\. Libera me Domine de viis inferni.
In matutinis Laudib. Ps. Miserere.
Ant. Requiem aeternam dona eis Domine, et lux perpetua luceat eis.
Ant. Ne intres in judicium cum servo tuo Dne.
Ps. Domine exaudi.
II. Ant. Me suscepit dextera tua Domine.
Ps. Deus Deus meus.
Ant. Eruisti Domine animam meam ne periret.
Ps. Ego dixi etc.
Ant. Omnis spiritus laudet Dominum.
Ps. Laudate etc. V\. Requiem aeternam.
In Evangel. Ant. Ego sum resurrectio et vita etc.