Migne Patrologia Latina Tomus 43
Notitia ex libro II Rectractationum
Notitia ex libro II Rectractationum (Augustinus Hipponensis), JP Migne
Notitia ex libro II Rectractationum
Librum etiam scripsi grandem, satis, quantum esistono, diligenter ad ipsos Donatistas, post Collationem quam cum episcopis eorum habuimus, ne ab eis seducerentur ulterius. Ubi risponde etiam quibusdam vanitatibus eorum, quae ad nos pervenire potuerunt, quas victi, ubi poterant et quomodo poterant, jactitabant; praeter illa quae dixi de gestis Collationis, unde quid actum sit, breviter nosceretur. Multo autem brevius id egi in quadam ad eosdem rursus epistola. Sed quia in concilio Numidiae, omnibus qui ibi eramus hoc fieri placuit, non est in epistolis meis. Sic quippe incipit: Silvanus senex, Valentinus, Innocentius, Maximinus, Optatus, Augustinus, Donatus, et caeteri episcopi de concilio Certensi ad Donatistas. Hic liber sic incipit: Quid adhuc, Donatistae, seducimini.