Magníficat ánima mea Dóminum,
et exsultávit spíritus meus
in Deo, salutári meo,
quia respéxit humilitatem
ancíllae suae.
Ecce enim ex hoc beátam
me dicent omnes generatiónes,
quia fecit mihi magna,
qui potens est,
et sanctum nomen eius,
et misericórdia eius in progénies
et progénies timéntibus eum.
Fecit poténtiam in bráchio suo,
dispérsit supérbos mente cordis sui;
depósuit poténtes de sede
et exaltávit húmiles;
esuriéntes implévit bonis
et dívites dimísit inánes.
Suscépit Ísrael púerum suum,
recordátus misericórdiae suæ,
sicut locútus est ad patres nostros,
Ábraham et sémini eius in sæcula.
Glória Patri et Fílio
et Spirítui Sancto.
Sicut erat in princípio,
et nunc et semper,
et in sǽcula sæculórum.
Amen.
Precationes christianae
Actus caritatis · Actus contritionis · Actus fidei · Actus spei · Adoro te devote · Agnus Dei · Angele Dei · Angelus Domini · Anima Christi · Ave Maria · Ave Verum Corpus · Benedictus · Corona Divinae Misericordiae · Credo · Deigenitrix · Filiæ mæstæ Jerusalem · Gaude mater Polonia · Gloria Patri · Gloria in Excelsis Deo · Litaniae Sanctorum ·Magnificat · Memorare · Nunc dimittis · Oratio Fatimae · Oratio ad Sanctum Iosephum · Oratio ad Sanctum Michael · Oratio rhythmica · Ordinarium missae · Pange lingua · Pater noster · Regina Caeli · Requiem aeternam · Salve Regina · Signum Crucis · Sub tuum praesidium · Symbolum Apostolicum · Symbolum Nicænum Costantinopolitanum · Tantum ergo · Te Deum · Victimae paschali laudes ·Veni, Creator Spiritus · Veni, Sancte Spiritus
