Migne Patrologia Latina Tomus 101
Liber sacramentorum (Alcuinus), J. P. Migne
CAPUT PRIMUM. Die Dominico, missa de sancta Trinitate [S. Gregor., in Octava Pentecostes ]. (0445B)
Omnipotens sempiterne Deus, qui dedisti famulis tuis in confessione verae fidei, aeternae Trinitatis gloriam agnoscere, et in potentia majestatis adorare unitatem; quaesumus, ut ejusdem fidei firmitate ab omnibus semper muniamur adversis. Per.
Secreta. Sanctifica, quaesumus, Domine Deus, per tui nominis invocationem [ Idem, per Unigeniti tui virtutem], hujus oblationis hostiam, et cooperante Spiritu sancto per eam nosmetipsos tibi perfice munus aeternum. Per.
Praefatio. Dignum et justum est, usque, aeterne (0445C)Deus. Qui cum unigenito Filio tuo et Spiritu sancto, unus es Deus, unus es Dominus, non in unius singularitate personae, sed in unius Trinitate substantiae. Quod enim de tua gloria revelante te credimus, hoc de Filio tuo, hoc de Spiritu sancto sine differentia discretionis [ Idem, sine differentiae discretione] sentimus; ut in confessione sempiternae [ Idem, verae sempiternaeque] Deitatis, et in personis proprietas, et in essentia unitas, et in majestate adoretur aequalitas. Quem laudant.
7 Postcommun. Proficiat nobis ad salutem corporis et animae, Domine Deus, hujus sacramenti susceptio et sempiternae Trinitatis confessio [ Idem, sempiterna sanctae Trinitatis, ejusdemque individuae Unitatis confessio]. Per.
(0445D)Alia. Domine Deus Pater omnipotens, famulos tuae majestati subjectos per unicum Filium tuum in virtute sancti Spiritus benedic et protege, ut ab omni hoste securi in tua jugiter laude laetemur. Per eumdem.
Lectio Epistolae beati Pauli apostoli ad Corinth. Fratres, gratia Domini nostri Jesu Christi et charitas Dei, et communicatio sancti Spiritus sit cum omnibus nobis.
(0446B)Sequentia sancti Evangelii secundum Joannem. In illo tempore, dixit Jesus discipulis suis: Cum venerit Paracletus, quem ego mittam vobis a Patre Spiritum veritatis.
Missa de gratia sancti Spiritus postulanda. Deus, cui omne cor patet, et omnis voluntas loquitur, et quem nullum latet secretum, purifica per infusionem sancti Spiritus cogitationes cordis nostri, ut perfecte te diligere, te digne laudare mereamur. Per.
Secreta. Haec oblatio, Domine Deus, cordis nostri maculas emundet, ut sancti Spiritus digna efficiatur habitatio. Per. . . in unitate ejusdem Spiritus sancti.
Praefatio. Dignum et justum est, usque, aeterne (0446C)Deus. Qui inspicis cogitationum secreta, et cui omnis nostrae mentis intentio providentiae tuae patescit intuitu, respice propitius arcana cordis nostri cubilia, et sancti Spiritus rore nostras purifica cogitationes, ut tuae majestati digna cogitemus et agamus. Per Christum.
Postcomm. Sacrificium salutis nostrae tibi offerentes, concede nobis, Domine Deus, purificatis mentibus saepius tuae pietatis celebrare mysterium. Per.
Alia. Concede, quaesumus, omnipotens Deus, sanctum nobis Spiritum votis promerere sedulis, quatenus ejus gratia ab omnibus liberemur tentationibus, et peccatorum nostrorum indulgentiam consequamur. Per . . . in unitate ejusdem Spiritus sancti.
Item missa sancti Augustini. (0446D) Da mihi, Domine, peccatori confessionem, quae tibi sit placita; parturi in corde meo enarrationis gemitus, qui aures possint pulsare tuas. Da mentis intentionem, qua suscipiam profundam bonitatem tuam in humilitate cordis. Ipsum mihi, Domine, da precari, quod te audire delectet, ut praestes. Ipsum animae meae insere, ut jugis delectatio mea ipse sis. (0447A)Da mihi lacrymas ex tuo affectu internas, quae peccatorum meorum possunt exsolvere vincula. Audi, Deus meus, audi lumen oculorum meorum, audi quae peto, et da quae petam ut audias. Si enim dispexeris, pereo; si respexeris, vivo. Si juste me intenderis, mortuus feteo. Si misericordiam respexeris, fetentem suscitas de sepulcro. Si mala respexeris mea, tartarea tormenta vix sufficiunt. Si pietate intendas solita, poteris commutare in melius. Quid non mali ego? Aut quid non boni tu? Quid non mali ego corruptibilis creatura? Quid non boni tu Creator et creaturae auctor? Cecidi de manu tua vitio meo: potens es artifex tibi iterum placitum figurare. Corripe me in misericordia, ne deseras, neque in ira corripias. Quod odis in me, procul fac a me, (0447B)et in tua voluntate intende in me. Hostem libidinis repelle a me, et castitatis spiritum insere in me. Vitium omne mortifica in me, et animam meam vivifica in me. Per Dominum.
Secreta. Haec tibi, Domine Pater sancte, licet manibus meis indignis offerantur munera, qui nec invocatione tui nominis dignus sum; tamen quia per sanctum atque sanctificatum Filii tui nomen oblationes offeruntur, sicut incensum in conspectu tuo cum odore suavitatis ascendant. Per.
Praefatio. Dignum et justum est, usque, aeterne Deus. Sed quid tibi dignum offerat minister indignus, nisi hoc ipsum, quod tanto indignus habetur [ Forte, haberi] officio fidei poenitentiam [ Forte, per poenitentiam] fateatur? Sed tu multae misericordiae Deus, (0447C)ne nos, quaesumus, oris proprii testimonio damnes, sed paternae indulgentiae consolatione corrobores, atque a peccatorum praecipitio tuis semper manibus renoves et reformes. Invocat te anima mea, qui fecisti me, ut non obliviscaris oblitum tui, et exquirentem te ne deseras, vita quae nunquam morieris. Qui novit te, novit 8 aeternitatem. Charitas novit te. O aeterna veritas, et vera charitas! Deus une, Deus Trinitas, in cujus valde confido misericordia: salus esto infirmitati meae, et verus resuscitator animae meae. Doce me patientiam ad sustinendum adversa. Doce me scientiam Scripturarum, ut sic loquar ne superbiam, sic taceam ne torpescam. Sic contine, ut non cadam. Sic stringe, ut non dimittam. Tu es enim honor meus, et laus mea, et fiducia mea. Deus (0447D)meus, gratias ago tibi de donis tuis, sed tu mihi ea serva. Ita enim servabis me, et augebuntur et perficientur, quae dedisti mihi. Et eris mecum in omnibus; quia et ut sim, et quod sum, tu dedisti mihi. Per Christum Dominum nostrum.
Postcommun. Vota nostra Dominus clementer intendat, et peccata dimittat. Quae optamus, tribuat; et quae pavemus, procul repellat; ut cum universitate fidelium vovendo, et reddendo Deo sacrificium laudis, ad fructum justitiae pervenire possimus, concedente clementia divinitatis ejus. Per Dominum nostrum Jesum Christum ejus unigenitum Filium, cum quo in unitate Spiritus sancti vivit et regnat Deus. Per omnia saecula saeculorum.
CAPUT II. Feria II, missa pro peccatis. (0448A) Exaudi Domine, quaesumus, supplicum preces, et confitentium tibi parce peccatis ut pariter nobis indulgentiam tribuas benignus et pacem. Per.
Lectio Jeremiae prophetae. Si iniquitates nostrae contenderint contra nos, Domine, libera nos, quaesumus, fac propter nomen tuum.
Lectio sancti Evangelii secundum Lucam. In illo tempore. dixit Jesus discipulis suis: Petite, et dabitur vobis; quaerite, et invenietis; pulsate, et aperietur vobis.
Super oblata. Hostias tibi, Domine, placationis offerimus, ut et delicta nostra miseratus absolvas, et nutantia corda tu dirigas. Per.
(0448B)Praefatio. Dignum et justum est, usque, aeterne Deus. Salva nos ex ore leonis saevissimi, qui rugiens circuit, quaerens de unitate Ecclesiae tuae, quem rapiat atque devoret. Sed tu, fortissime Domine, de tribu Juda contere contrariam virtutis suae nequitiam, nos ab ignitis ejus impugnationibus liberatos, corpore nos conserva, et corde purifica. Per Dominum.
Infra actionem. Hanc igitur oblationem, Domine, quam tibi offerimus pro peccatis atque offensionibus nostris, ut omnium delictorum nostrorum remissio. nem consequi mereatur, quaesumus Domine, ut.
Ad Complendum. Praesta nobis, aeterne Salvator, ut percipientes hoc munere veniam peccatorum, (0448C)deinceps peccata vitemus. Per.
Alia. Deus, cui proprium est semper misereri et parcere, suscipe deprecationem nostram, ut quos delictorum catena constringit, miseratio tuae pietatis absolvat. Per.
Item pro petitione lacrymarum. Omnipotens mitissime Deus, qui sitienti populo fontem viventis aquae de petra produxisti, educ de cordis nostri duritia compunctionis lacrymas, ut peccata nostra plangere valeamus, remissionemque te miserante mereamur accipere. Per.
Infra actionem. Hanc oblationem, quaesumus, Domine Deus, quam tuae majestati pro peccatis nostris offerimus, propitius respice, et produc de oculis (0448D)nostris flumina, quibus debita flammarum incendia valeant exstingui. Per.
Praefatio. Dignum et justum est, usque, per Christum Dominum nostrum. Qui beatum Petrum apostolum pietatis respexit intuitu, ut trinae negationis peccatum amarissimis dilueret lacrymis, per infusionem sancti Spiritus pro peccatorum nostrorum pondere lacrymas nobis elice poenitentiae, ut amare defleamus, quae inique gessimus: quatenus fructuosus in conspectu pietatis tuae nostrae petitionis perveniat effectus, atque per eum nobis veniam sperare liceat, qui traditus est pro delictis nostris, ut redimeret nos in sanguine suo, Christus Salvator noster. Quem laudant angeli.
9. Ad Complendum. Sacrificium quod tuae, Domine, (0449A)obtulimus majestati, nobis ad veniam nostrorum proficiat peccatorum, et tuae miserationis tribuat solatium. Per.
Alia. Gratiam sancti Spiritus, Domine Deus, cordibus nostris clementer infunde, quae nos gemitibus efficiat lacrymarum maculas nostrorum diluere peccatorum, atque optatae nobis, te largiente, indulgentiae praestet effectum. Per Dominum, etc., in unitate ejusdem.
Item missa sancti Augustini. Ignosce mihi, quaesumus, Domine, quem maculatae vitae conscientia trepidum, et criminum meorum confusio facit captivum. Et qui pro me veniam obtinere non valeo, pro aliis rogaturus assisto; profero ad te, si audire digneris, Domine, captivorum (0449B)gemitus, tribulationes plebium, pericula populorum, necessitates peregrinorum, inopiam debilium, desperationes languentium, defectus senum, suspiria juvenum, vota virginum, lamenta viduarum. Sed quoniam me eadem, quae populi peccati catena constringit, ideo communes lugeo passiones. Non obsit, Domine, populo tuo oratio conjugata [ Al., subjugata] peccatis. Per me tibi offertur votum, per te meum compleatur officium. Per.
Super oblata. Memores sumus, aeternae Deus Pater omnipotens, gloriosissimae passionis Filii tui, resurrectionis etiam, ascensionisque in coelum. Petimus ergo majestatem Deus, ut ascendant preces humilitatis nostrae in conspectum tuae clementiae, (0449C)et descendat super hunc panem, et super hunc calicem plenitudo tuae divinitatis. Descendat etiam, Domine, illa sancti Spiritus tui incomprehensibilis invisibilisque majestas, sicut quondam in patrum hostias descendebat. Per eumdem Dominum.
Ad Complendum. Gratias tibi, Domine, referentes oramus, ut mundes propitius cor nostrum a vitiis, et repleas jugiter spiritalibus donis. Per Dominum nostrum.
CAPUT III. Feria III, missa ad postulanda angelica suffragia. Perpetuum nobis, Domine, tuae miserationis praestat subsidium, quibus et angelica praestitisti suffragia non deesse. Per Dominum nostrum.
(0449D)Secreta. Hostias tibi, Domine, laudis offerimus, suppliciter deprecantes ut easdem angelico pro nobis interveniente suffragio, et placatus accipias, et ad salutem nostram provenire concedas. Per Dominum.
Postcommum. Repleti, Domine, benedictione coelesti suppliciter imploramus, ut quod fragili celebramus officio, sanctorum archangelorum nobis prodesse sentiamus auxilio. Per Dominum nostrum.
Super populum. Plebem tuam, quaesumus, Domine, perpetua pietate custodi, ut secura semper et necessariis adjuta subsidiis, spirituum tibimet placitorum pia semper veneratione laetetur. Per Dominum nostrum Jesum.
Lectio Apocal. beati Joannis apostoli. In diebus (0450A)illis, dixit mihi angelus: Scribe: Beati qui ad coenam nuptiarum.
Sequentia sancti Evangelii secundum Joannem. In illo tempore, ascendit Jesus Hierosolymam. Est autem Hierosolymis probatica piscina.
Item alia pro tentationibus cogitationum. Omnipotens mitissime Deus, respice propitius preces nostras, et libera corda nostra de malarum tentatione cogitationum, ut sancti Spiritus dignum fieri habitaculum mereamur. Per Dominum.
Secreta. Has tibi, Domine Deus, offerimus oblationes pro salute nostra, quatenus animas nostras sancti Spiritus gratia illuminare digneris. Per Dominum nostrum.
Praefatio. Dignum et justum est, usque, aeterne (0450B)Deus. Humiliter tuam deprecantes clementiam, ut gratiam sancti Spiritus animis nostris clementer infundere digneris, ut te perfecte diligere, et te digne laudare mereamur. Per Christum.
10 Ad Complendum. Per hoc, quaesumus, Domine, sacrificium, tuae quod obtulimus pietati, ab omnibus corda nostra emundes tentationibus. Per Dominum nostrum.
Alia. Deus, qui illuminas omnem hominem venientem in hunc mundum, illumina, quaesumus, corda nostra gratiae tuae splendore, ut digna majestati tuae cogitare et diligere valeamus. Per Dominum nostrum.
Item missa sancti Augustini. (0450C)Offerentes tibi, Domine, hostiam jubilationis pro delictis nostris, pietatem tuam exposcimus, ut placabili pietate petitionibus nostris aurem accommodes, votum nostrum pia dignatione acceptes, tribulationes cordis nostri multiplici miseratione laetifices, et quod in oratione lingua nostra enarrare non sufficit, tu, qui cordis cogitationes agnoscis, et renum scrutator es, quae desiderat mens devota, per tuam misericordiam consequatur. Per Dominum.
Secreta. Acceptare digneris, terribilis et piissime Deus, hoc sacrificium, quod tibi pro remissione peccatorum nostrorum, vel pro requie defunctorum fratrum offerimus, quia vota nostra, dona sunt tua. Nec tibi quidquam melius, nisi quod dederis, offerimus: (0450D)hoc est imprimis in commemoratione, ut justum est, Dominicae institutionis offerre, in honore et gloria Domini nostri Jesu Christi Filii tui, regis judicisque venturi. Per eumdem Dominum nostrum Jesum Christum.
Postcommun. Omnipotens Deus vota nostra dignanter suscipiat, et nos famulos suos propitiatus intendat, desideria nostra in bonis operibus compleat, et ab insidiis inimicorum nos defendat. Per Dominum.
CAPUT IV. Feria IV, missa de sancta sapientia. Deus qui per coaeternam tibi sapientiam hominem, cum non esset, condidisti, perditumque misericorditer (0451A)reformasti; praesta, quaesumus, ut eadem pectora nostra, inspirante te, tota mente amemus, et ad te toto corde curramus. Per Dominum.
Lectio Epistolae beati Pauli apostoli. Fratres, scientes quod fidei vestrae patientiam probatio operatur.
Sequentia sancti Evangelii secundum Matthaeum. In illo tempore, respondens Jesus dixit: Confiteor tibi, Pater, Domine coeli et terrae, quia abscondisti.
Secreta. Sanctificetur, quaesumus, Domine Deus, hujus nostrae oblationis munus, tua cooperante sapientia, ut tibi placere possit ad laudem, et nobis proficere ad salutem. Per Dominum.
Ad Complendum. Infunde, quaesumus, Domine, per haec sancta quae sumpsimus, tuae cordibus nostris lumen sapientiae, ut te veraciter agnoscamus, (0451B)et fideliter diligamus. Per eumdem.
Super populum. Deus qui misisti Filium tuum, et ostendisti creaturae Creatorem; respice propitius super nos famulos tuos, et praepara agiae sophiae dignam in cordibus nostris habitationem. Per eumdem.
Missa ad postulandam humilitatem. Deus qui superbis resistis et gratiam praestas humilibus, auge in nobis verae humilitatis virtutem, cujus in se formam fidelibus unigenitus Filius tuus exhibuit, ut nunquam indignationem tuam provocemus elati, sed potius semper pietatis tuae capiamus dona subjecti. Per eumdem.
Secreta. Haec oblatio, Domine, quaesumus, nobis remissionem (0451C)omnium peccatorum et verae humilitatis obtineat gratiam, simulque a cordibus nostris concupiscentiam carnis et oculorum, atque ambitionem saeculi auferas, quatenus coram te sobrie, juste pieque viventes, praemia consequamur aeterna. Per Dominum.
Postcommun. Hujus, Domine, sacramenti perceptio, peccatorum nostrorum maculas tergat, et nos ad coelestia regna perducat. Per Dominum.
11 Item missa sancti Augustini. Domine, Deus incomprehensibilis, aeterne, perpetue, benedicte, qui dixisti: Non veni vocare justos, sed peccatores ad poenitentiam; et cum profectu (0451D)nostro non egeas, gaudes tamen super uno peccatore poenitentiam agente, magis quam supra nonaginta novem justis qui non indigent poenitentia: quia tu es Deus solus, et praeter te non est alius; qui non vis mortem peccatoris, sed ut convertatur et vivat: converte nos, Domine, ad te, et convertemur. Converte nos, Deus salutaris noster, et averte iram tuam a nobis. Ne perdas nos cum peccatis nostris, ne tradas bestiis animas confitentes tibi, ne derelinquas nos in finem. Ne intres in judicium cum servis tuis, neque in ira furoris tui corripias. Miserere nobis, Domine, miserere nobis. Opera manuum tuarum sumus, ne pereamus. Memento congregationis tuae, quam creasti ab initio. Dirige nos in via recta, doce (0452A)nos facere voluntatem tuam, quia tu es Deus noster. Per Dominum nostrum Jesum Christum.
Secreta. Hanc quoque oblationem, Domine, digneris, quaesumus, misericorditer benedicere, et clementer sanctificare, quam tibi pro remissione peccatorum nostrorum, vel pro requie defunctorum fratrum offerimus, ut tua sanctificatio salus sit et defensio omnium animarum. Per.
Praefatio. Dignum et justum est, usque, aeterne Deus, rex coelorum, rex regum, Deus deorum, Dominus dominorum, tibi gratias agere et laudis hostias immolare. Exaudi orationem et deprecationem famulorum famularumque tuarum, omnium orthodoxorum; auribus percipe lacrymas eorum. Abba Pater, imple nominis tui officium super hanc congregationem (0452B)tuam, atque super universam Ecclesiam tuam catholicam, quae est super universum orbem terrarum in pace diffusa. Tu eos rege, omnipotens Pater, tu protege, tu conserva, tu sanctifica, tu guberna, tu castiga, tu consolare. Sicut non es dedignatus congregare, et vocare eos, ita tuo inflammentur amore, ut a te non despiciantur clementissime et piissime Pater. Oramus te, Domine, non pereat a nobis factura redemptionis et vocationis tuae, Sicut vocare dignatus es errantes, ita custodire digneris in hoc ovili habitantes atque convenientes. Per Christum Dominum.
Ad Complendum. Quos coelesti, Domine, dono satiasti, praesta, quaesumus, ut sicut piissima misericordia tua dedisti nobis voluntatem veniendi ad te, (0452C)ita nobis servis tuis donare digneris sapientiae intellectum, virtutem, et possibilitatem, ut tibi secundum voluntatem tuam servire mereamur. Per Dominum.
CAPUT V. Feria V, De charitate. Omnipotens sempiterne Deus, qui justitiam tuae legis in cordibus credentium digito tuo scribis, da nobis fidei, spei, et charitatis augmentum, et ut mereamur assequi quod promittis, fac nos amare quae praecipis. Per.
Alia. Deus qui diligentibus te facis cuncta prodesse, da cordibus nostris inviolabilem charitatis affectum, ut desideria de tua inspiratione concepta, nulla possint tentatione mutari. Per Dominum.
(0452D)Lectio libri Epistolae beati Pauli apostoli ad Corinthios. Fratres, charitas patiens est, benigna est; charitas non aemulatur.
Sequentia sancti Evangelii secundum Matthaeum. In illo tempore, dixit Jesus discipulis suis: Filioli, adhuc modicum vobiscum sum, quaeritis me.
Secreta. Mitte, Domine, quaesumus, Spiritum sanctum, qui et haec munera praesentia nostra tuum nobis efficiat sacramentum, et ad hoc percipiendum, nostra corda purificet. Per. . . in unitate ejusdem Spiritus sancti.
Deus qui nos ad imaginem tuam sacramentis renovas et praeceptis, perfice gressus nostros in semitis tuis, et charitatis donum, quod fecisti a nobis sperari, (0453A)per haec quae offerimus, facias sacrificia apprehendi. Per Dominum nostrum.
Praefatio. Dignum et justum est, usque, aeterne Deus. Qui fideles tuos mutua faciens lege concordes, pacem tuam [ Forte, per pacem tuam] tali foedere nexuisti, ut nec alteri 12 quisquam moliretur infligere, quid sibi nollet inferri, et bona quae suis utilitatibus cuperet a consorte natura, haec idem ipse quoque praestaret; quatenus dum per alterutram pietatem se reperiunt [ Forte, deperiunt], communis in singulis fuerit [foret] semetipsam diligens, essetque mens una cunctorum. Per Christum.
Postcommun. Spiritum nobis, Domine, tuae charitatis infunde; ut quos uno coelesti pane satiasti, una [tua] facias pietate concordes. Per Dominum. . . (0453B)ejusdem.
Sancti Spiritus gratia, quaesumus, Domine, corda nostra illuminet, et perfectae charitatis dulcedine abundanter reficiat. Per Dominum. . . in unitate ejusdem Spiritus sancti.
Deus, vita fidelium, gloria humilium, beatitudo justorum, propitius accipe supplicum preces, ut animae, quae promissiones tuas sitiunt, de tuae semper charitatis abundantia repleantur. Per Dominum.
Item alia contra tentationes carnis. Ure igne sancti Spiritus renes nostros et cor nostrum, Domine, ut tibi caste et corpore serviamus, et corde [ Suppl., et mundo corde] placeamus. Per.
Secreta. Disrumpe, Domine, vincula peccatorum nostrorum, ut sacrificare tibi hostiam laudis absoluta (0453C)libertate possimus; retribue quae ante tribuisti; et salva nos per indulgentiam, quos dignatus es salvare per gratiam. Per Dominum.
Ad Complendum. Domine, adjutor et protector noster, quaesumus, refloreat caro nostra vigore pudicitiae, et sanctimoniae novitate, ereptamque de manu tartari, in resurrectionis gaudio jubeas praesentari. Per Dominum,
Item missa sancti Augustini. Domine, Deus omnipotens, qui salvos facis sperantes in te; tu clementissime, qui revocas errantes; tu misericors, qui non despicis confitentes; tu, Domine Pater, cum ceciderit justus, manum apponis; tu excelsus in coelis, habitatorem te promisisti (0453D)in terris, ubi fuerint congregati in tuo nomine duo vel tres, esse in medio eorum, te, Domine, tenemus promissorem, ut des veniam poenitentibus, te inveniant omnes qui quaerunt te. Te enim perscrutatorem conscientiarum nostrarum scimus, ideo veniam petimus delictorum. Tu magnus Dominus et laudabilis valde. Te deprecamur, et petimus, ut sis nobis propitius. Tibi confitemur mala nostra, ut mereamur consequi bona tua. Per.
Secreta. Unde nos, Domine, de tua pietate confisi et tua laude devoti, hanc hostiam immaculatam singularis sacrificii tibi deferimus, ut servis tuis nobis viventibus, peccatorum nostrorum veniam concedas, et defunctis fratribus nostris requiem sempiternam tribuas. Per Dominum nostrum.
(0454A)Praefatio. Dignum et justum est, usque, aeterne Deus. Implorantes clementiam tuam, ut qui te auctore subsistimus, te dispensante dirigamur. Non nostris sensibus relinquamur, sed ad tuae adducti semper tramitem veritatis, haec studeamus exercere, quae praecipis, ut possimus dona percipere, quae promittis. Per Christum.
Postcommun. Gratias, tibi, Domine, referentes oramus, ut mundes propitius cor nostrum a vitiis, et repleas jugiter spiritalibus donis. Per Dominum.
CAPUT VI. Feria VI, missa de sancta Cruce. Deus, qui unigeniti Filii tui pretioso sanguine vivificae crucis vexillum sanctificari voluisti, concede, quaesumus, eos qui ejusdem sanctae crucis gaudent (0454B)honore, tua quoque ubique protectione gaudere. Per.
Lectio Epistolae beati Pauli apostoli ad Philippenses. Fratres, Christus factus est pro nobis obediens Patri usque ad mortem.
Sequentia sancti Evangelii secundum Matthaeum. In illo tempore, ascendens Jesu Hierosolymam, assumpsit.
Secreta. Haec oblatio, Domine, ab omnibus nos purget offensis, quae in ara crucis etiam totius mundi tulit offensas. Per Dominum nostrum.
13 Praefatio. Dignum et justum est, usque, aeterne Deus. Qui salutem humani generis in ligno crucis constituisti, ut unde mors oriebatur, inde vita (0454C)resurgeret, et qui in ligno vincebat, in ligno quoque vinceretur. Per Christum.
Ad Commun. Adesto nobis, Domine Deus noster, et quos sanctae crucis laetari honore fecisti, ejus quoque perpetuis defende subsidiis. Per.
Item missa de tribulatione et necessitate, eodem die. Omnipotens sempiterne Deus, respice propitius preces nostras, et da capiti nostro abundantiam aquae et oculis nostris fontem lacrymarum, ut peccati macula abluti, ultrices poenarum flammas fletus ubertate vincamus. Per Dominum nostrum.
Secreta. Per has oblationes, quaesumus, Domine, ut non tantum oculis nostris lacrymas infundas, sed et cordi nostro nimium peccatorum luctum tribuas. Per.
(0454D)Praefatio. Dignum et justum est, usque: aeterne Deus. Audientes divini sermonis sonum dicentis: Beati qui lugent nunc, quoniam ipsi consolabuntur, multum nostra flere peccata desideramus; sed non possunt oculi nostri lapidei, et propter cordis duritiam lacrymare non valemus. Ideo rogamus te, Domine, ut fontem duritiae cordis nostri primum per nostram poenitentiam emollias, et postmodum per donum gratiae tuae nostris flumina lacrymarum oculis largiter infundas. Per Christum Dominum.
Postcommun. Corpore et sanguine tuo, quaesumus, Domine, satiati, ut pro nostris semper peccatis nobis compunctionem cordis et luctum fluminaque lacrymarum largiaris, quatenus coelestem in futuro consolationem mereamur. Per.
Missa sancti Augustini. (0455A) Omnipotens sempiterne Deus, respice propitius ad preces Ecclesiae tuae; da nobis fidem rectam, charitatem perfectam, humilitatem veram. Concede, Domine, ut sit in nobis simplex affectus, patientia fortis, obedientia perseverans, pax perpetua, mens pura, rectum et mundum cor, voluntas bona, conscientia sancta, compunctio spiritalis, virtus animae, vita immaculata, consummatio irreprehensibilis, ut viriliter currentes, in tuum feliciter mereamur introire regnum. Per.
Secreta. Oblatis tibi, Domine, libaminibus sacrificiorum, respice humilitatis nostrae confessionem, ut haec oblata sanctifices, quae tibi offerimus pro remissione peccatorum nostrorum, vel defunctorum fratrum (0455B)requie, et ut sumentium ariditatem tuae benedictionis ubertas sustentet. Per Dominum.
Postcommun. Deus, apud quem est misericordia copiosa, efficiat nos sibi vasa mundissima, et spiritalibus deliciis reficiat infirmitatem nostram, ut corda nostra eum semper esuriant atque sitiant, et vota nostrae humilitatis clament. Per Dominum nostrum Jesum Christum.
CAPUT VII. Sabbato missa de sancta Maria. Concede nobis famulis tuis, quaesumus, Domine Deus, perpetua mentis et corporis prosperitate gaudere, et gloriosa beatae Mariae semper virginis intercessione a praesenti liberari tristitia, et futura (0455C)perfrui laetitia. Per Dominum nostrum.
Lectio libri Sapientiae. Ab initio et ante saecula creata sum, et usque in.
Sequentia sancti Evangelii secundum Lucam. In illo tempore, intravit Jesus in quoddam castellum, et mulier.
Secreta. Tua, Domine, propitiatione, et beatae Mariae semper virginis intercessione, ad perpetuam atque praesentem haec oblatio nobis proficiat prosperitatem. Per Dominum nostrum.
Postcommun. Sumptis, Domine, salutis nostrae subsidiis, da, quaesumus, ejus patrociniis nos ubique protegi, in cujus veneratione haec tuae obtulimus majestati. Per.
14 Super populum. Omnipotens Deus, famulos (0455D)tuos dextera potentiae tuae a cunctis protege periculis, et beata Maria semper virgine intercedente, fac nos praesenti gaudere prosperitate et aeterna. Per.
Item missa in commemoratione sanctae Mariae. Famulorum tuorum, quaesumus, delictis ignosce, et qui placere de actibus nostris non valemus, genitricis Filii tui Domini nostri Jesu Christi intercessione, quae tibi sunt placita semper meditantes, mundo corde jugiter et dictis exsequamur et factis.
Secreta. Oblationibus nostris, quaesumus, Domine, precibusque susceptis, intercedente beata Maria semper virgine, peccata nostra mundentur, et ad te nostras etiam rebelles compelle propitius voluntates, vitamque nobis largire aeternam. Per.
(0456A)Ad Commun. Quaesumus, Domine Deus noster, ut sacrosancta mysteria, quae pro reparationis nostrae munimine contulisti, et praesens nobis remedium esse facias et futurum.
Item ad Commun. Fideles tuos, quaesumus, Domine, intercedente beata Maria semper virgine, corpore pariter et mente purifica, ut tua inspiratione compuncti noxias delectationes vitare valeant; et ut earum non capiamur illecebris, tua jugiter pascamur dulcedine. Per.
Item missa sancti Augustini. Domine Deus noster, magne et omnipotens, qui sanas contritos corde, eorumque alligas contritiones, tua te pietas nobis efficiat placabilem, quos conditio fragilitatis humanae constituit in moerore. Exaudi, (0456B)Domine, preces nostras, et dimitte nobis cunctas offensiones. Manus tuae fortitudine a cunctis angustiis liberemur, ut cum tuis sanctis hic et in aeternum laetemur. Per Dominum nostrum.
Secreta. Hanc quoque oblationem, Domine, dignare, quaesumus, misericorditer benedicere et clementer sanctificare, quam tibi obtulimus pro vivorum salute et mortuorum requie; ut tua sanctificatio sit salus et defensio animarum. Per Dominum.
Praefatio. Dignum et justum est, usque, per Christum Dominum nostrum. Per ipsum te, omnipotens Deus Pater, supplices exoramus, ut hoc sacrificium acceptes quod tibi offerimus, et nobis famulis tuis pietatis tuae solatium concedas propitius. Tuum est, Domine, sanare contritos corde, tuum est consolari (0456C)moerentes. Placeat jam tuae pietati, eripere oppressos, revocare captivos, laetificare in angustiis constitutos. Per ipsum te oramus, summe Pater, quem tecum et cum sancto Spiritu collaudant coelestia pariter ac terrena, et hunc hymnum dulci modulatione proclamant, dicentes: Sanctus, Sanctus, Sanctus, Domine Deus Sabaoth.
Postcommun. Omnipotens Deus, propitius cordis nostri adspiciat gemitus, et petitionibus nostris suae pietatis aurem inclinet, atque ab omni defensos moerore nos laetificet; mentem nostram miserationis suae subsidio muniat, et remedia gaudii sempiterna nobis clementer attribuat. Per Dominum nostrum Jesum Christum.
CAPUT VIII. Missa in veratione unius Apostoli. (0456D) Deus, qui fidelium mentes unius efficis voluntatis, intercessione beati apostoli tui, da nobis id amare quod praecipis, id desiderare quod promittis, ut inter mundanas varietates ibi nostra sint fixa corda, ubi vera sunt gaudia. Per Dominum.
Lectio Epistolae beati Pauli apostoli, ad Ephesios. Fratres, jam non estis hospites et advenae, sed estis cives sanctorum, et domestici Dei.
Sequentia sancti Evangelii secundum Joannem. In illo tempore, dixit Simon Petrus ad Jesum: Ecce nos reliquimus omnia, et secuti sumus te.
15 Secreta. His nobis, Domine, mysteriis supplicatione beati apostoli tui conferatur, quo terrena (0457A)desideria mitigantes, discamus amare coelestia, et de die in diem ad coelestis vitae transferamur, purificatis mentibus, actionem. Per Dominum.
Postcommun. Tribue nobis, Domine, intercedente beato apostolo tuo, coelestis mensae virtutis societatem, et desiderare quae recta sunt, et desiderata percipere. Per Dominum.
CAPUT IX. Missa in veneratione plurimorum apostolorum. Beatorum apostolorum nos, Domine, quaesumus, continua oratione custodi, ut iisdem suffragatoribus dirigatur Ecclesia, quibus principibus gloriatur. Per.
Lectio Epistolae beati Pauli apostoli ad Romanos. Fratres, corde enim creditur ad justitiam, ore autem (0457B)confessio fit ad salutem.
Sequentia sancti Evangelii secundum Joannem. In illo tempore, dixit Jesus discipulis suis: Hoc est praeceptum meum, ut diligatis invicem, sicut dilexi vos. Majorem.
Secreta. Respice, Domine, quaesumus, munera, quae in sanctorum tuorum apostolorum N. commemoratione deferimus, ut quorum tibi grata sunt honore, eorum nobis intercessione sint salubria. Per Dominum.
Praefatio. Dignum et justum est, usque aeterne Deus. Suppliciter exorantes, ut gregem tuum pastor aeterne non deseras, sed per beatos apostolos tuos N. continua protectione custodias, ut iisdem rectoribus dirigatur, quos operis tui vicarios, eidem contulisti (0457C)praeesse pastores. Per Christum Dominum.
Postcommun. Pignus vitae aeternae capientes humiliter imploramus, apostolicis ut fulti patrociniis, quod in imagine contingimus, sacramenti manifesta perceptione sumamus. Per.
Super populum. Protector in te sperantium, Deus, familiam tuam propitius respice, et per beatos apostolos N. a cunctis etiam adversitatibus potentiae tuae nos brachio defendas. Per Dominum nostrum.
CAPUT X. Missa in veneratione unius martyris. Deus, in te sperantium fortitudo, martyris tui intercessione praeclara adesto propitius invocationibus nostris, et quia sine te nihil potest mortalis infirmitas, (0457D)praesta nobis auxilium gratiae tuae, ut exsequendis mandatis tuis, et voluntate tibi et actione placeamus. Per Dominum nostrum.
Super oblata. Suscipe, Domine, fidelium preces cum oblationibus hostiarum, ut orationibus gloriosi martyris tui per haec piae devotionis officia remissionem omnium peccatorum percipiamus, et ad coelestem gloriam transeamus. Per Dominum nostrum.
Postcommun. Sumptis, Domine, muneribus, quaesumus, ut beato martyre tuo intercedente, sancti nominis tui timorem pariter et amorem facias nos habere perpetuum, ut cum frequentatione mysterii, crescat nostrae salutis effectus. Per Dominum.
CAPUT XI. Missa unius apostoli sive martyris vel confessoris. (0458A) In vigilia. Concede nobis, quaesumus, omnipotens Deus, venturam beati N. apostoli, confessoris vel martyris solemnitatem congruo praevenire honore, et venientem digna celebrare devotione. Per Dominum.
Secreta. Accepta tibi sit, Domine, nostrae devotionis oblatio, et ad apostolicam puriores faciat nos venire festivitatem. Per.
Postcommun. Benedictionis tuae, Domine, gratiam, intercedente beato apostolo tuo, confessore, vel martyre N. suscipiamus; ut cujus praeveniendo gloriam celebramus, ejus supplicando auxilium sentiamus. Per.
16 Item missa in die. (0458B) Deus, qui es omnium sanctorum tuorum splendor mirabilis, quique hunc diem apostoli tui N. martyrio consecrasti, da Ecclesiae tuae de natalitia tanti pontificis festivitate laetari, ut apud misericordiam tuam exemplis ejus protegamur et meritis. Per Dominum.
Lectio libri Sapientiae. Beatus vir qui inventus est sine macula, et qui post aurum non abiit.
Sequentia sancti Evangelii secundum Matthaeum. In illo tempore, dixit Jesus discipulis suis: Amen, amen, dico vobis: Nisi granum frumenti.
Secreta. Beati apostoli tui N., Domine, solemnia recensentes [ Forte, recensentes quaesumus], ut ejus auxilio tua beneficia capiamus, pro quo tibi hostias (0458C)laudis offerimus. Per Dominum.
Postcommun. Perceptis, Domine, sacramentis suppliciter exoramus, intercedente beato N. apostolo tuo, ut quae pro illius veneranda gerimus passione, nobis proficiant ad medelam. Per Dominum nostrum.
Alia. Da nobis, Domine, quaesumus, Deus noster, beati apostoli tui N. intercessionibus sublevari, ut per quos Ecclesiae tuae superni muneris rudimenta donasti, per eos subsidia perpetuae salutis impendas. Per Dominum nostrum.
CAPUT XII. Missa plurimorum martyrum. Deus qui sanctis martyribus ad sempiternam gloriam veniendi copiosum munus gratiae contulisti, (0458D)da nobis famulis tuis nostrorum veniam peccatorum, ut sanctorum tuorum intercedentibus meritis, ab omnibus mereamur adversitatibus liberari, quatenus ad eorum nos facias gaudia aeterna pertingere, de quorum nos virtute tribuis quotidiana solemnitate gaudere. Per.
Lectio libri Apocalyp. beati Joannis apost. In diebus illis, vidi turbam magnam, quam dinumerare.
Sequentia sancti Evangelii secundum Matthaeum. In illo tempore, videns Jesus turbas, ascendit in montem. Et cum sedisset, accesserunt ad eum discipuli ejus; et aperiens os suum, docebat eos, dicens: Beati pauperes spiritu, quoniam.
Super oblata. Suscipe, Domine, munera, quae tibi (0459A)in honore sanctorum martyrum tuorum de tua largitate deferimus, ut eorum intercessionibus haec sacrosancta mysteria, gratiae tuae operante virtute, praesentis vitae nos conversatione sanctificent, et ad gaudia sempiterna perducant. Per.
Postcommun. Sit nobis, Domine, reparatio mentis et corporis coeleste mysterium, cujus operatione precamur, ut vitia nostra purgentur, et intercedentibus sanctis martyribus tuis, justa desideria compleantur. Per.
Alia. Omnipotens sempiterne Deus, qui abundantia pietatis tuae et merita supplicum excedis et vota, effunde super nos misericordiam tuam, ut meritis martyrum tuorum dimittas nobis omnia quae conscientia metuit, et adjicias quae oratio non praesumit. (0459B)Per.
CAPUT XIII. Missa in ecclesia sanctorum martyrum Propitiare, Domine, nobis famulis tuis per horum martyrum tuorum, qui in praesenti requiescunt ecclesia, merita gloriosa, ut eorum pia intercessione ab omnibus protegamur adversis. Per Dominum.
Lectio libri Sapientiae. Lingua sapientium ornat scientiam, os fatuorum ebullit stultiam.
Sequentia sancti Evangelii secundum Lucam. In illo tempore, dixit Jesus discipulis suis: Sint lumbi vestri praecincti, et lucernae ardentes.
Secreta. Suscipiat Ecclesia [clementia] tua, Domine, quaesumus, de manibus vestris [nostris] munus oblatum, et per horum beatorum martyrum tuorum (0459C)orationem, ab omnibus nos emundet peccatis. Per.
17 Ad Complendum. Divina libantes mysteria, quae pro sanctorum martyrum tuorum veneratione tuae obtulimus majestati, praesta, quaesumus, Domine, ut per ea veniam mereamur peccatorum, et coelestis gratiae donis reficiamur. Per Dominum.
Alia. Da, aeternae consolationis Pater, per beatorum martyrum tuorum preces populo tuo pacem et salutem, ut tuis tota dilectione inhaereant praeceptis et quae tibi placita sint, tota perficiant voluntate. Per Dominum nostrum.
CAPUT XIV. In natal. sanctorum, quorum reliquiae in una domo sunt. Concede, quaesumus, omnipotens Deus, ut sancta (0459D)Dei Genitrix, sanctique tui apostoli, martyres, confessores, virgines atque omnes sancti, quorum reliquiae in ista continentur ecclesia, patrocinia [ Forte, patrociniis] nos ubique adjuvent, quatenus hic illorum praesenti suffragio tranquilla pace in tua laude laetemur. Per.
Item alia. Auxilium tuum nobis, Domine, quaesumus, placatus impende, et intercedentibus sanctis tuis, quorum in hac praesenti Ecclesia patrocinia colligere curavimus, fac nos ab omni adversitate liberari, et in aeterna laetitia gaudere cum illis. Per.
Munera tuae, misericors Deus, majestati oblata benigno, quaesumus, suscipe intuitu, ut eorum nobis precibus fiant salutaria, quorum sacratissimae in (0460A)hac basilica reliquiae sunt reconditae. Per Dominum.
Postcommun. Divina libantes mysteria, quaesumus, Domine, ut eorum nos ubique intercessio protegat, quorum hic sacra gaudemus praesentia. Per Dominum.
Super populum. Exaudi, Domine Deus, clementer in hac domo tua preces servorum tuorum, quatenus illorum meritis tuam consequamur gratiam, quorum hic patrocinia veneramur. Per.
CAPUT XV. Missa quotidiana sanctorum. Deus, qui nos beatae Mariae semper virginis, et beatorum apostolorum, martyrum, confessorum, virginum atque omnium simul sanctorum continua laetificas solemnitate; praesta, quaesumus, ut quos (0460B)quotidiano veneramur officio, etiam piae conversationis sequamur exemplo. Per.
Secreta. Munera tibi, Domine, nostrae devotionis offerimus, quae et pro tuorum tibi grata sint honore sanctorum, et nobis salutaria, te miserante, reddantur
Postcommun. Praesta, quaesumus, Domine, nobis, intercedentibus omnium sanctorum tuorum meritis, ut quae ore contingimus, puro corde capiamus. Per Dominum nostrum.
Super populum. Fac nos, Domine Deus, sanctae Mariae semper virginis subsidiis attolli, et gloriosa beatorum apostolorum, martyrum, confessorum, virginum, omniumque simul sanctorum protectione (0460C)defendi, ut dum eorum pariter quotidie festa celebramus, eorum pariter quotidie ab omnibus adversis protegamur auxilio. Per.
CAPUT XVI. Missa pro inimicis. Deus pacis charitatisque amator et custos, da omnibus inimicis nostris pacem charitatemque veram, cunctorumque eis remissionem tribue peccatorum, nosque ab eorum insidiis potenter eripe. Per.
Secreta. Oblatis, Domine, quaesumus, placare muneribus: et nos ab inimicis nostris clementer eripe, eisque indulgentiam tribue delictorum. Per Dominum nostrum.
Ad Complendum. Deus qui famulos tuos, Moysen, Samuel, et Stephanum protomartyrem virtute patientiae (0460D)donasti, ut pro suorum delictis inimicorum aequanimiter exorarent; da nobis, quaesumus, omnium meritis sanctorum, ut inimicos nostros verae dilectionis amore diligamus, eorumque pro excessibus tota mentis intentione preces assiduas in conspectu majestatis tuae fundamus. Per. 18
CAPUT XVII. Missa pro confitente peccata sua. Omnipotens sempiterne Deus, qui es verus, sanctus, et sanctorum omnium protector, tibi pio Domino devotis mentibus hostias laudis offerimus, suppliciterque pro famulo tuo N. deprecamur, ut ei indulgentiam tribuas omnium delictorum suorum, et (0461A)ne iterum ad voluntatem peccati redeat, propitius eum custodire digneris. Per Dominum nostrum.
Secreta. Suscipe, clementissime pater, hostiam placationis et laudis, quas ego indignus et peccator famulus tuus tibi offerre praesumo ad honorem gloriae nominis tui, et pro incolumitate famuli tui N. ut omnium delictorum suorum veniam consequi mereátur. Per Dominum nostrum.
Postcommun. Precamur, Domine, ut intercedentibus sanctis tuis pro famulo tuo N. indulgentiam ei tribuas omnium peccatorum, opus ejus in bonum perficias; nam et gratiam tuam ei concedas, fide, spe et charitate eum repleas, mentem ejus ad coelestia desideria erigas, et ab omni diversitate eum defendas, et ad bonam perseverantiam perducas. (0461B)Per Dominum.
CAPUT XVIII. Missa pro salute vivorum et requie mortuorum. Omnipotens sempiterne Deus, qui vivorum dominaris simul et mortuorum, omniumque [ Adde, misereris] quos tuos fide et opere futuros esse praenoscis, te suppliciter exoro, ut pro quibus effundere preces decrevi; quosque vel praesens saeculum adhuc in carne retinet, vel futurum jam exutos corpore suscepit, pietatis tuae clementia, delictorum suorum veniam consequantur. Per Dominum nostrum Jesum Christum.
Secreta. Deus, cui soli cognitus est numerus electorum in superna felicitate locandorum, tribue, (0461C)quaeso, ut universorum, quos in oratione commendatos suscepi, vel omnium fidelium nomina, beatae praedestinationis liber ascripta retineat. Per Dominum.
Postcommun. Divinae largitor [ Forte, Deus veniae largitor] et humanae salutis amator, quaesumus clementiam tuam, ut nomina famulorum famularumque tuarum, quae hic pio dilectionis officio pariter conscripsimus, in libro vitae, miserationis tuae gratia, jubeas conscribi. Per Dominum nostrum Jesum Christum.
BENEDICTIONES DIVERSAE. Benedicat te Dominus ex Sion, qui fecit coelum et terram, in sapientia sua benedictione aeterna, qui (0461D)benedixit omnes sanctos patres nostros et patriarchas nostros, Abraham, Isaac et Jacob, et multiplicet in te gratiam suam spiritalem, sicut multiplicavit semen eorum tanquam stellas coeli, et velut arenam quae est in littore maris, ipse protegat atque defendat omnibus diebus vitae tuae, et perducat te in regnum gloriae suae. Amen.
Aspiciat in te Creator aeternus, conservet in te gratiam suam, quam super te infudit, mentem tuam regat, vias tuas dirigat, cogitationes tuas in bono (0462A)illustret, roboret ac confirmet, praeterita peccata indulegat, praesentia ac futura protegat ac defendat: sit manus Domini auxiliatrix tui, et brachium sanctum ejus tibi auxilium concedat omnibus diebus vitae tuae. Amen.
Benedicat Dominus corda et corpora nostra, et det super nos benedictionem, sicut Isaac benedixit Jacob. Manus Domini super nos, mittat angelum suum custodem, qui custodiat nos in omnibus viis nostris, perficiatque gressus nostros, ut non moveantur vestigia nostra, foris nos protegat atque defendat, intus corroboret et confirmet in omni bono et felicitate. Amen.
Collecta super judicium dicenda. Omnipotens sempiterne Deus, qui tua judicia incommutabili (0462B)dispositione justus ubique judex decernis, tu clemens in hoc tuo judicio, ad invocationem 19 sancti tui nominis, quod a te fidelium intentio implorat, tua justissima examinatione declara. Per.
Item alia. Deus judex justus, fortis et patiens, qui auctor pacis es, et judicas aequitatem. Tu judica, quod justum est, Domine, et rectum judicium tuum: qui respicis super terram, et facis eam tremere. Tu, Deus omnipotens, qui per adventum Filii tui Domini nostri Jesu Christi mundum salvasti, et per sanctissimam ejus passionem genus humanum redemisti. Tu hanc aquam igne ferventem, sive ferrum calidum sanctifica, qui tres pueros, id est, Sidrac, Misac et Abdenego, jubente rege Nabuchodonosor, in camino (0462C)ignis, accensa fornace, salvasti illaesos, et per angelum tuum eduxisti. Tu, clemens sanctissime dominator, praesta, ut si innocens de hoc furto vel de stupro, in aquam hanc igne ferventem, sive ferrum calidum manum suam miserit, sicut tres pueros supra dictos in camino ignis solvisti, et Susannam de falso crimine liberasti, ita de hac aqua, igne fervente, sive ferro calido, manum salvam et illaesam educat. Si vero culpam ingravante diabolo, cor induratum praesumpserit in hanc aquam igne ferventem, sive ferrum calidum, manum suam mittere, tua justissima veritas hoc declaret, et in hujus corpore tuam veritatem manifesta, ut anima per poenitentiam salvetur. Et si culpabilis per aliqua maleficia, aut per herbas, peccata sua contueri (0462D)voluerit, tua dextera hoc evacuare dignetur. Per unigenitum Dominum nostrum Jesum Christum Filium tuum, qui tecum vivit et regnat Deus, in unitate Spiritus sancti, per omnia saecula saeculorum. Amen.
Orationes ad horas canonicas. Oratio ad Primam. Deus, qui ad principium istius diei per tuam gratiam nos pervenire fecisti, tua nos salva virtute; ut in hac die ad nullum declinemus peccatum, sed semper ad tuam justitiam faciendam nostra procedant eloquia. Per Dominum.
(0463A)Oratio ad Tertiam. Domine Deus Jesu Christe, qui hora diei tertia ad crucem passionis pro mundi salute ductus es; te supplices deprecamur ut nostra deleas peccata, et ut de praeteritis malis nostris semper inveniamus veniam, et de futuris jugiter habeamus custodiam. Qui vivis.
Oratio ad Sextam. Domine Deus Jesu Christe, qui hora sexta pro redemptione mundi crucis lignum ascendisti, ut universus mundus, qui in tenebris erat, illuminaretur; te supplices deprecamur, ut illam lucem nobis in animo et corpore nostro semper tribuas, per quam ad vitam aeternam pervenire mereamur. Qui vivis.
Oratio ad Nonam. Domine Deus Christe Jesu, qui hora nona de crucis patibulo confitentem latronem (0463B)ad gloriam paradisi transire fecisti, te supplices deprecamur, ut post obitum nostrum in paradisi portas nos facias introire gaudentes. Qui vivis et regnas.
Orationes de sancta cruce. Adesto familiae tuae clemens et misericors Deus, ut in adversis et prosperis preces exaudias, et per auxilium sanctae crucis nefas adversariorum digneris conterere, ut portum salutis tuae valeant apprehendere. Per Dominum nostrum Jesum.
Deus cui cunctae obediunt creaturae, et omnia verbi tui fecisti sapientia, supplices quaesumus ineffabilem clementiam tuam, ut quos per lignum sanctae crucis Filii tui pio cruore dignatus es redimere, tu qui es lignum vitae paradisique reparator, omnibus (0463C)in te credentibus dira serpentis venena exstingue, et per gratiam sancti Spiritus poculum salutis semper infunde. Per.
Orationes ad crucem dicendae. A cunctis nos, quaesumus, Domine reatibus et periculis clementer absolve, quos per lignum sanctae crucis redimere dignatus es. Qui vivis et regnas.
Tueatur, quaesumus, Domine, dextera tua populum supplicantem, et gloriosa Filii tui passione ab omnibus peccatis absolvat. Per Dominum nostrum.
20 Tua nos misericordia, Deus, per virtutem sanctae crucis, ab omnibus tueatur adversis, et remediis sempiternis instauret. Per Dominum.
Adesto supplicationibus nostris, omnipotens Deus, et quos triumpho crucis redemisti, ab omnibus adversitatibus (0463D)et peccatis ubique defende. Qui.
Praesta, quaesumus, omnipotens et misericors Deus, ut virtute sanctae crucis, ab omni adversitate mentis et corporis liberemur. Per Dominum nostrum Jesum.
Quaesumus, omnipotens Deus, ut ab omni tribulatione liberemur, quos Filii tui passione redemisti. Qui tecum.
Absolve, quaesumus, Domine, nostrorum vincula peccatorum, et virtute sanctae crucis nos ubique custodi. Per.
Peccata nostra, Domine, quibus impugnamur, virtute sanctae crucis expelle, et tua miseratione nos ab omni adversitate defende. Per Dominum.
(0464A)Tua nos, quaesumus, Domine, protectione custodi, et vivificae crucis vexillo ab omnibus peccatis absolve, per te, Jesu Christe, qui per tropaeum sanctae crucis mundum redimere dignatus es. Concede propitius, ut qui redemptione laetamur, aeternis gaudiis, te donante, perfrui mereamur. Qui vivis.
Orationes de sancta Maria. Concede nos famulos tuos, quaesumus, Domine Deus, perpetua mentis et corporis sanitate gaudere, et gloriosa beatae Mariae semper virginis intercessione, a praesenti liberari tristitia, et futura perfrui laetitia. Per Dominum.
Omnipotens Deus, famulos tuos dextera potentiae tuae a cunctis protegat periculis, et beata Maria semper virgine intercedente, fac eos praesenti gaudere (0464B)prosperitate et futura. Per.
Porrige nobis dexteram tuam, et per intercessionem beatae et gloriosae semperque virginis Dei genitricis Mariae, auxilium nobis supernae virtutis impende. Per Dominum nostrum Jesum Christum.
Protege, Domine, famulos tuos subsidiis pacis et beatae Mariae patrociniis confitentes a cunctis hostibus redde securos. Per Dominum.
Beatae et gloriosae semperque virginis Dei genitricis Mariae nos, Domine, quaesumus, merita prosequantur, et tuam nobis indulgentiam semper implorent. Per Dominum nostrum Jesum Christum Filium tuum, qui.
Benedictio canonicorum. (0464C)Praesta, Domine, quaesumus, famulis tuis, renuntiantibus saecularibus pompis, gratiae tuae januas aperiri, qui despecto diabolo confugiunt sub titulo Christi. Jube venientes ad te sereno vultu suscipi, ne de eis inimicus valeat triumphare. Tribue eis brachium infatigabile auxilii tui, mentes eorum fidei lorica circumda, et [ Forte, ut] felici muro vallati, mundum se gaudeant evasisse. Per Dominum nostrum.
Oratio super Hebdomadarios. Deus, cui semper humilium accepta sunt vota animarum, respice propitius super horum servorum tuorum fratrum nostrorum obsequia, et ad tuam fac eos pertingere gratiam: ut quia nunc hujus hebdomadae servitia devota mente compleverunt, plenissimam (0464D)atque largissimam veniam consequantur. Per Dominum nostrum Jesum.
Misericors ac piissime Deus, qui ubique famulos tuos tueris ac juvas, horum servorum tuorum fratrum nostrorum accumula votum, auge desiderium, ut recte fratribus suis impendant servitia. Per Dominum nostrum Jesum Christum.
Orationes ad mandatum. Adesto, Domine, officio nostrae servitutis, quia tu pedes lavare dignatus es tuis discipulis, ne despicias opera manuum tuarum, quae nobis retinenda mandasti, ut sicut hic exteriora abluuntur inquinamenta, sic a te omnium nostrorum interiora laventur peccata. Quod ipse praestare.
(0465A)Deus qui discipulorum tuorum pedes abluens, pio affectu eis exemplum praebuisti, mandatumque dedisti: concede propitius, ut per obsequium mandatorum (0466A)tuorum, eorum obtentu de tuo sine fine laetemur aspectu. Qui vivis et regnas.
(no ap