 Carmen CV |
Carmen CVIII  |
Sicui quid cupido optantique optigit umquam
insperanti, hoc est gratum animo proprie.
quare hoc est gratum nobis quoque, carius auro,
quod te restituis, Lesbia, mi cupido,
restituis cupido atque insperanti, ipsa refers te 5
nobis: o lucem candidiore nota!
quis me uno vivit felicior, aut magis hac rem
optandam in vita dicere quis poterit?
| Carmen CV |
Carmen CVIII |