RUPES Maura, vulgò Roque Maure, in diœceſi Nemauſenſi, Caſtrum Galliæ, rupi Rhodano imminenti impoſitum, inter Caſtelum novum, & Villam Novam Avenioni adverſam, prope Rupem Fortem, Roque-fort. Altera eſt ad eandem Rhodani ripam dextram, in pago Vivarienſi vel Helvico, vulgò Rochemore. Uterque locus à Mauris nomen accepit, qui utramque Rhodani ripam, ac Provinciam ipſam, ætate Caroli Martelli, & poſteà incurſionibus vexaverunt. His ergo oppoſita rupibus castella Galli Rupes Mauras dixêre. Rupes Maura ad Rhodanum, à Ludovico IX. deditione capta eſt. A. C. 1248. Hadr. Valeſ. Notit. Gall.
LexUniv:Rupes Maura