Migne Patrologia Latina Tomus 138
Leges ecclesiasticae (Alfredus Magnus; Guthurnus Anglodanorum), J. P. Migne
cc_id: cps_2.AlMaGuA.LegEcc2, cc_idno: 9580
c
TITULI LEGUM ECCLESIASTICARUM. 138.0455C|
I. De dilectione Dei et pace Ecclesiae (LL. Sax. cap. 1).
II. De negligentibus legem Christi et paganismum venerantibus (LL. Sax. cap. 2).
III. De ornatis male viventibus (LL. Sax. cap. 3).
IV. De presbyteris falso pronuntiantibus festum vel jejunium (LL. Sax. cap. 3).
V. De presbyteris rectis terminis chrisma non perquirentibus, vel baptismum negantibus (LL. Sax. cap. 3).
VI. De fratribus vel cognatis in una fornicantibus (LL. Sax. cap. 4).
VII. De ordinato qui vitam forisfaciat (Desideratur in Sax.).
138.0455D|
VIII. De reo mortis qui confiteri desiderat sacerdoti (LL. Sax. cap 5).
IX. De decimis Dei retentis, et aliis ecclesiae rectitudinibus (LL. Sax. cap. 6).
X. De illis qui mercandisant diebus Dominicis (LL. Sax. cap. 7).
138.0456C|
XI. De operantibus diebus Dominicis (LL. Sax. cap. 7).
XII. De jejuniis infractis (LL. Sax. cap. 8).
XIII. De diebus in quibus ordalium et jusjurandum prohibeantur (LL. Sax. cap. 9).
XIV. Ne die Diminica homo forisfactus occidatur (LL. Sax. cap. 10).
XV. . . . . . LL. Sax. cap. 10.
XVI. De sortilegis, incantatoribus, veneficis, perjuris, et his similibus (LL. Sax. cap. 11).
XVII. De ordinatis vel alienigenis in aliquo de pecunia vel vita seductis (LL. Sax. cap. 12).
PRAEFATIO
I.
138.0456D| Hoc est concilium quod Alfredus rex et Godrun rex elegerunt et condixerunt, cum Angli et Dani ad pacem et concordiam plene convenerunt, et sapientes, et qui postea successerunt. saepius hoc et assidue renovantes in bonum semper adduxerunt.
LEGES ECCLESIASTICAE ALFREDI ET GUTHURINI REGUM.
138.0457A|
I.
In primis est ut unum Deum diligere velint, et omni paganismo sedulo renuntiare. Et instituerunt saecularem justitiam pro eo quod sciebant quod non poterant multi aliter castigari, plures vero nolebant ad Dei cultum, sicut deberent, aliter inclinare. Et saecularem emendationem instituerunt communem Christo et regi, ubicunque recusabitur lex Dei juste servari secundum dictionem episcopi. Et hoc est primum edictum Ecclesiae, pax inter parietes suos, et regis Hangrid semper inconvulsa permaneat.
II.
Si quis Christianitatem suam male mutat, ut paganismum veneretur verbis vel operibus, reddat 138.0457B| sic weram, sic witam, sic lashlite, secundum quod factum sit.
III.
Et si quis ordinatus furetur, vel praelietur, vel perjuret, vel fornicetur, emendat sicut factum erit, sic weram, sic witam, sic lashlite, et erga Deum saltem emendet juxta sanctorum canonum doctrinam, et plegium faciat inde, vel mittatur in carcerem.
IV.
Et si presbyter populum suum misdoceat de festo vel jejunio, reddat XXX solidos cum Anglis, et cum Dacis III dimidias marcas.
V.
Si presbyter ad rectum terminum sanctum chrisma non perquirat, vel baptismum perneget ei cui necesse sit, reddat witam cum Anglis et cum Dacis lashlite, id est XII oras. Et de sublegereis 138.0457C| sapientes instituerunt, ut rex habeat superiorem, et episcopus inferiorem, nisi dignius emendetur pro Deo et pro saeculo juxta modum facti, sicut episcopus docebit.
VI.
Si duo fratres vel duo cognati cum una aliqua fornicentur, emendent in omni mansuetudine, sicut eis permittetur: sit wita, sit lashlite, secundum modum facti.
VII.
Et si ordinatus homo se forisfaciat, in morte plectendus actibus exsuperetur, et episcopi judicio reservetur.
VIII.
Et si quis reus mortis profiteri desideret sacerdoti, nunquam negetur ei, et omnes rectitudines Dei pacificentur sedulo per Dei misericordiam, et per witam quam sapientes addicent. 138.0457D|
IX.
Et si quis decimam contra teneat, reddat lashlite cum Dacis, witam cum Anglis. Si quis Rofeil 138.0458A| superteneat, reddat lashlite cum Dacis, witam cum Anglis. Si quis non reddat symbolum luminis, reddat lashlite cum Dacis, witam cum Anglis. Si quis Dei rectitudines aliquas disforciet, reddat lashlite cum Dacis, witam cum Anglis. Si contra stet, ut hominem vulneret, de wita componat. Si aliquem dejiciat in mortem, sit utlaga ut exlex, et persequetur eum cum clamore omnis qui rectum amat. Et si faciat ut occidatur pro eo quod contra rectum, et regis imperium stet, si hoc probetur jaciat egilde.
X.
Si quis in die Dominica negotiationem facere praesumat, perdat ipsum capitale, et XII oras cum Dacis, et XXX solidos cum Anglis.
XI.
Si liber diebus festis operetur, perdat libertatem 138.0458B| suam, witam vel lashlite, servus corium perdat vel hidgildum. Si dominus servum suum cogat festis diebus operari, reddat idem dominus lashlite cum Dacis, et witam cum Anglis.
XII.
Si liber homo rectum jejunium frangat, reddat witam vel lashlite; si servus hoc faciat, perdat corium suum vel hidgildum.
XIII.
Ordalium et jusjurandum festis diebus et legitimis jejuniis legibus est interdictum. Et qui hoc fregerit, reddat lashlite cum Dacis, witam cum Angelis.
XIV.
Si fieri possit, nunquam occidatur aliquis in festo Dominicae diei, quidquid peccaverit: sed capiatur et servetur donec transeat festa 138.0458C| dies.
XV.
Si quis foris factus, et de membris disfactus dimittatur, et idem post afflictionem per quatuor noctes vivat; potest ei deinceps per episcopi licentiam subveniri, si quis ejus doloribus et animae condescendat.
XVI.
Si sortilegae vel incantatrices, perjuri et venefici, foedae, fetidae, vel meretrices alicubi compereant, relegentur de patria, desperent omnia, nisi cessent, et profundius emendent.
XVII.
Si ordinatus vel alienigena seducatur in aliquo de pecunia, vel wita, tunc debet ei adesse rex, vel comes illius terrae, et episcopus gentis illius pro cognatione et advocato, si penitus alium non habeat, et emendet sedulo juxta modum facti Christo, 138.0458D| et regi, sicut docebit, vel illud factum profunde nimis vindicet, qui rex sit in populo.
Quotation analysis