Migne Patrologia Latina Tomus 139a
Juramentum (Arnulfus Remensis), J. P. Migne cc_id: cps_2.ArnRem.Jurame4, cc_idno: 9759
Juramentum
¶
139.1543C| Ego Arnulfus, gratia Dei praeveniente, Remorum archiepiscopus, promitto regibus Francorum Hugoni et Roberto me fidem purissimam servaturum, consilium et auxilium secundum meum scire et posse in omnibus negotiis praebiturum; inimicos eorum nec consilio, nec auxilio ad eorum infidelitatem scienter adjuturum. Haec in conspectu divinae majestatis et beatorum spirituum, et totius Ecclesiae assistens 139.1543D| promitto, pro bene servatis laturus praemia aeternae benedictionis: si vero (quod nolo, et quod absit) ab his deviavero, omnis benedictio mea convertatur 139.1544C| in maledictionem, et fiant dies mei pauci, et episcopatum meum accipiat alter; recedant a me amici mei, sintque perpetuo inimici. Huic ego chirographo, a me edito in testimonium benedictionis, vel maledictionis meae subscribo, fratresque et filios meos, ut subscribant, rogo.
Ego Arnulfus archiepiscopus subscripsi.
Actum Remis in palatio, anno Verbi incarnati 139.1544D| 989, indictione II anno III ordinationis domni Arnulfi archiepiscopi.