In positione & consecratione primarij lapidis pro monasterio novo venerabilium et devotissimorum Dei servorum fratrum ordinis Sancti Francisci Cappucinoroum in suburbanis Labaci
Designavit Dominus Jesus septuaginta duos etc.
Quando Rex quispiam vexillum suum erigit, solent multi eius nomini devoti et obedientes accurere, dare nomina, in signo Regio iucundari ac triumphare. Rex Regum et Dominus dominatium Dominus Jesus Christus. Quoniam ipse est Deus magnus & Rex super omnem terram. Vexillum eius signum vivificum Sancti Crucis in qua liberati et salvati sumus. Vexilla Regis prodeunt fulget Crucis mysterium, Hoc defigitur hodie in hoc loco benedictum ut adoremus. Sanctificatur autem per verbum. Dei omnis creatura Dei bona & per orationem. Verbum autem caro factum est, per quod creavit sanctificavit & restauravit Deus omnia pacificans per sanguinem Crucis filij eius omnia sive quae in coelis sive quae in terris sunt. Venite quo adoremus.
Quia signum signati maiestatem & gloriam iunxit nobis.
Ut serviant in hoc loco servi Dei Deo. Cui servire regnare est exclsuo per hoc triumphale signum inimico.
Ut sit patriae et totius civitatis propugnaculum & praesidium. Templum Salomonis.
Et quid sibi volunt tam celebres et sacrosanctae caeremoniae. Audivistis de cruce.
- Quia Dominus salutem humani generis in ligno crucis constituit, ut unde mors oriebatur: inde vita resurgeret. Et qui in ligno vincebat in ligno quoque vinceretur, per Christum Dominum nostrum.
- Excluditur potestas inmici et exinanitur. Si quo inimicus debilitatur: quam laetandum est huic civitati in hoc trophaeo. Non turra, non diabolus ipse praevalebit, non aereuae potestas.
Ponitur in fundamento lapis primarius et benedicitur. Hic Christum Dominum signum.
Lapis sine manu de monte abscissus: quia Dominus per suam misericordiam de monte suo sancto et coelis dignatus est ad nos descendere: carnem absque virili semine sine peccato assumpsit in similtudinem hominem factus est habitu inventus ut homo.
Hic lapis angularis est, quem licet reprobaverunt aedificatores primi sicut Iudaei factus est tamen in caput anguli. Et super quaecumque coriderit, conteret eum qui autem super ipsum coriderit, confringetur. Lapis angularis, electus & pretiosus in fundamentum Ecclesiae Petra pretiosa Christus Jesus Dominus noster: qua inventa demum omnia vendamus et comparemus eam.
Ponitur in fundamento et desuper aedificatur. Quia fundamentum aliud nemo potest ponere praeter id quod positum, quod est Christus Jesus omnis Ecclesiastica in hoc consurgit aedificatio. Quidquid extra aedificatur eradicabitur. Omnis enim plantatio, quam non plantavit pater coelestis eradicatur.
Benedicuntur fundamenta omnia. Quoniam unctus est Dominus a Deo patre et repletus omni beneditione. Quia ipse est qui solvit maledictionem et confundens morteem donavit nobis vitam sempiternam.
Oleum et vinum imponuntur in lapide primario. Figuratum fuit in Jacob. Oleum spiritus sancti unctionem ... Et vinum laetitiam spiritus designat. Quia vinum laetificat cor hominis.
Incensum orationis devotionem. Litterae. Chirographum illud, quod fuit affixum cruci: quod delevit Christus morte sua. Quia erat contrarium nobis.
Aurum et argentum imponitur. Nam est tres reges eadem munera detulerunt. Haec maiores nostri passim in hac patria, ubi plurimae ecclesiae constructae sunt cogitabant, opere adimplebant.
Et nos quoque tali die Sancto Marco Evangeliste sacrata faciamus. Fuit Apostolus harum partium. Recita historiam. Per ipsum cognovimus Deum.
Nota † Lada: Plejn: Poberin, Idola et dij antea Carniolae.
Trinae:
- Simus grati Domino Deo propter lumen fidei acceptum.
- Imitemur vestigia Serenissimi Pincips Ferdinadi matris Mariae & nostri principi quia ipse est Fundator loci.
Date eleemosynas, vendite omnia quae posidetis date et dabit vobis. Sola misericordia comes est pauperum morientium constat extra sepulchrum usque ad thronum Domini.
Mementote quomodo malignus daemon suo veneno curavit destrui per sua membra Beatae Mariae Virginis et Sancti Joannis Ecclesias. Ecce restaurantur omnia. Estote ergo grati.