Migne Patrologia Latina Tomus 90
Hisperica famina
1. (1187C)Ampla pectoralem suscitat vernia cavernam, maestum extrico pulmone tonstrum, sed gaudifluam pectoreis arto procellam artheriis; cum insignes sophiae speculator arcatores, qui egregiam urbani tenoris propinant faucibus lynpham, vipereosque litteraturae plasmant syllogismos; cui mundano triquadrae telluris articorhetorum florigera flectit habenas caterva, et qui remota vasti fundaminis deseruere competa, utrum fabulosas per ora depromunt gazas? Num trucida altercaminum inter soboles pubescunt litigia? An placorea abucant proles sceptra? Utrum saevus armatorum coetus toxica corruit certandi in acie, ut furis ostrei cruoris rivis candida olivarent madiada? Seu spumaticum bombosi tithis flustrum inertes oppressit naufragio remiges? An horridum communi stragi rapuit acculas letum? Quos edocetis fastos? Cuique adhaeretis rhetori? Huic lectorum sollertem invito obello certatorem, qui sophicam plasmaverit avide palaestram. Et trinos (1187D)antea dimicavi athletas, inertes mactavi duelles, ac robustos multavi coaevos, fortioresque prostravi in acie cyclopes. Hinc nullum subterfugio aequevum. Dum truculenta me vellicant opicula, protinus versatilem evagino spatham qua almas trucidat statuas. Arboream capto iduma peltam quae carneas cluit tutamine pernas. Ferralem vibro pugionem, cujus (1188C)pitheum assiles macerat rostrum cidones, ob cunctos lastro in agonem coaevos.
2. Haec compta dictaminum fulget sparsio, ut nullo vitioso aggere glomerat logos, ac sospitem lecto libramine artat vigorem, et aequali plasmamine mellifluam populas, Ausonica faminis per guttura spargine: velut innumera apium concavis discurrunt examina apiastris, melchillentaque sorbillant fluenta alveariis, ac solitos stemicant rostris favos. Hic comptus arcatorum exomicat coetus, cui dudum per lapsa temporum stadia parem non crevimus phalangem, nec futura temporalis globi per pagula aequiperatam fulgidi rumoris speculabimur catervam. Sed praesto horrendus adstat chelydrus, qui talem vipereo ictu sauciabit turbam, nisi vasti exigerint rectorem poli, qui florigerum agmen reguloso solverit discrimine. Novello temporei globaminis cyclo Hispericum arripere tonui sceptrum: ob hoc rudem stemico logum, ac exiguus serpit per ora rivus. Quod (1188D)si amplo temporalis aevi stadio Ausonica me alligasset catena, sonoreus faminis per guttura popularet haustus, ac inmensus urbani tenoris manasset faucibus tollus. Quod propriferum plasmas orgium? utrum alma scindis securibus robora, utico quadrigona densis stemicares oratoria tabulatis? An flammigero coctas obrizum clibano auriferas solidis crudere (1189A)lunulas marthellis? Seu tinolam tensis suscitas odam chordis? Forte concavas sonoreis proflas cicutas harmoniis?
3. Sed non intelligibili mentis acumine praestulor, quod lanigerosas odorosa observas per pascua bidentium turmas, cui obessa arcatorum assiduo tramite sectaris concilia, ac cicniam gemellis bailas curvanam scapulis rutulantem alboreis artas calamide madiadis, pexamque carneis tolibus amplecteris caminam. Nec sophica ingenioso acumine abscultas mysteria, sed doctoreas effoeto conamine comitaris historum turmas. Hinc mirificum tibi ingenioso libramine palo consultum, proprigenum natalis fundi irruere solum, ut agrica robusto gestu plasmaveris orgia, et pantia raptis astant septa thermopylis. Pubescentes pecorea depascunt segetes agmina, veternas maesta genetrix lacrimosis irrigat genas guttis, et infantilis murmurat invagitus, ac florigera resonat clangore per arva. Externum proprifera editrix abucat (1189B)marem, placoreasque blandis concelebrat nuptias thalamis. Haec pantia natalem testigant orgia adire limitem.
4. Ceu montosus scropias tranat tollus, per macides frondeos fluctivaga eradicat hornos devoratio: inormia evolvit murmure crepita, limosam fluminio mactat crepidinem alveo, concretas evellit vortice glarias; pari ausonicum exubero pululamine fluvium. Veluti rosea aestivi laris veternas cremat pyram rubigine amarcas, ac aruca favellosis minorat robora tumulis, ciboneus torridum spirat clibanus ructum, flangosas flectit per laquearia flammas; aequali doctoreas torreo fervore catervas. Ceu truculentus pecorea terret bovencus armenta saginatum stricta mactet juvencum, ligituria horribilem visceria complet ingluviem arvina, sanguineum trucido hiatu sorbellat fluentum; pari aerumnosos perturbo pavore historum logos. Quatinus vitreum tetigeris patula poli samum cuba, gemella praecipui alboris astra (1189C)septemplicis Olympi lustraverunt Boreales limites, sabulosas litorei calculaveris micas planeti, tithicum stellato viserit seminarium in termino, mundanique vividum censuerint coloni ponti spiraculum, haud Hispericum propinabis avido gutture tollum. In quantum Eous ab occiduo limite distat, articus tineus sidereis ampliori rutilo praecellit arotuste, dissonoreusque certantium fragor militum mellisono antecedit apium strepitu, ac furibundus teneram superat Ursus bidentem; in tantum nostri loquelosi tenoris segregantur altrinsecus numina.
5. Bis senos exploro vechros, qui Ausonicam lacerant palatham. Ex his gemella astant facinora, quae verbalem sauciant vipereo tactu struem. Alterum barbarico auctu loquelarem inficit tramitem, ac gemello stabilitat modello, quaternaque nectit specimina; inclytos litteraturae addit assiduae apices; statutum toxico rapit scriptum dampno; litterales urbanae movet characteres facundiae; stabilem picturae venenoso obice transmutat tenorem. Alius (1189D)clarifero ortus est vechrus solo, quo Hispericum reguloso ictu violatur eulogium, sensibiles partiminum corrodit domescas. Cetera notantur piacula, quae Italicum lecti faminis sauciant obrizum, quod ex his propriferum loquelosi tenoris in hac assertione affigis facinus. INCIPIT LEX DIEI. (1190A)
6. Titaneus Olympium inflammat arotus tabulatum, thalassicum illustrat vapore flustrum, flammivomo sectat polum corusco supernum, almi scandit camaram firmamenti. Alboreum Phoebeus suffocat Mene proritus, cibonea Pliadum non exomicant fulgora, merseum solifluus eruit naevum tractus, densos Phetoneum extricat sudos incendium, roscida aret rubigine stillicidia, nec olivatus frondea olivat nimbus robora, faenosas dividuat imber uvas, micras uricomus apricat lacunas rogus, mundanumque torret jubar gyrum. Aligera placoreum reboat curia concentum, tinulas patulis murmurant harmonias rostris, concavos aurium refoculant mulcedine clivos, frondicomas avitica orbat latebras turma, campaneas aculeant glevas, vermia sorbellant picis frustra, oleda pungunt stercolinia, fameas esciferis replent vesiculas sucis. Pecoreus vasta lustrat coetus pascua, calastreas meant calcibus pessas, campanea (1190B)variis serunt praedia conciliis, interna glaucis saturant exta serpellis, holerosa sennosis motibus ruminant pabula, insontes dividuant ovilia ides, arboreos pontes pedestri tramite tranant, fraenosos lanigerae intrant agnos catervae, herbosas carpunt dentibus uvas. Hirsutus suum deseruit gurgitia coetus, terrestres suffodiunt rostris sablones, stabiles filicum sorbent radices, holerosumque gustant sucum. Tabulosa flagrantes esuum orbant sonipedes stabula, attritas frangosis motibus meant arrigas, ferreosque solvunt sessores cruribus sigillos, concavos sennosis motibus replent thoraces. Amens ferinae prolis cohors almos calcat epimnos, asperrimum involvunt gressibus ruscum, gibrosos petulco prospectant vernaculos scroplo. Inormes spumaticum verrunt delphines pontum, salsas apertis sorbellant paulas gutturum claustris, squameosque vorant gurgustos.
7. Pantes solitum elaborant agrestes orgium caeteri tellatas strictis plasmant fossas trullis, spinosis (1190C)densant septa prunis, lapidias saxea mole glomerant macereas: alteri multigenas pecorum agitant in pascua turmas, sonoreasque reboant uchas, truculentos agrico mugitu perturbant melodios. Innumerae frondicomum crebro tramite adeunt saltum turmae, almaque cudunt framis robora, erutas securibus torquent astellas, edictasque strictis scindunt hornos arietum machinis, refertaque robustis ansportant plaustra jugis. Hic sonoreus soporeis nos excitat tumultus expergesci thalamis, vestiles corporeis colligere strues mediadis. Hinc molliformes artate tolibus trabias, alboreas rudi bysso pelliceis stipate camisas baltheis, argentea fulvis figite lunulas stolis, blanda evolvite motatoria, mollesque lanigero amplexu aptate tapetes.
8. Sophicam stemicate coloniam, ac litterales speculamini apices. Nonnulli cerimonicat arcatori trophea, si salubrem pectoreo carperit soporem claustro, ni rutilante Phoebei Orientis ardore somniosum (1190D)evellerit palpebris oblectamentum, tritamque aptaverit lumbis stragulam, lectoralem cudere industriam. Ut quid nos tonitruoso sermonum obruis clangore, et internas loqueloso tumore perturbas aurium cavernas? Totum namque nocturni ligonis lectriceis censuimus stadium excubiis; vos soporea oblectastis pernas tabe: ob hoc nunc somnolentus non stigat tactus. Quidam de hoc doctoreo congelamine spumantem adeat mancipator laticem, ut vitreum (1191A)scaloreis propinaverit fluentum idumis nocturna fontana tergere luem unda. Stornos concavis solvite factos archimis, ac sophicam auscultate industriam: murmureus suscitetur in aethra plausus, verbalisque robeat clangor, si unita cunctus steterit in aula coetus. Ob hoc talem segregate cohortem. Hinc caeteri apricas adeant casas: alteri frondosa lustrent sub nemora, alii in hoc amplo stabilitent tugurio.
9. Phoebeos supernum secat arotus poli centrum, mediumque diei appropinquat spatium. Hinc fame flagranti aestuat pectus. Ob hoc continua visitemus territoria, ut mellitum cerimonicaverint flagrantibus pabulum. Quis gnarus decoream ducet per trivia catervam? Has clandestinas frequenter lustravi Thermopylas, ac remota hujus artici penetravi praedia: venustosque exploro acculas, qui vagos arcatorum pascunt choros. Stricto densate tramitem colligio, ageas astrifero statuite infolas sulco, Nepitheis (1191B)truces maceraverint mediada spiculis crudeles: non talia viperei obvallant trivia latrunculi: multigenas degestis spoliant viatorum turmas inspillis, collectasque rapiunt praedas, armigera trucidant ensibus agmina. Ob hoc stricto discriminosas irruamus cuneo per pesas, aspera calcamus gressibus praedia, quae saxeas torrida mole glomerant statuas, spinosasque parturiunt rumices. Haec florigena exomicant arva, quae porporeas glomerant scaltas. Nec lapidea artant crepita, sed glaucicomas herbarum copulant uvas.
10. Caninus urbana murmurat sonitus inter nemora: forte externus adhaeret moenibus latrunculus, aut lustrantis concipiunt auribus strepitum agminis. Sonoreum gemellae suscitant barritum alapae, ut ovans vagantem flectit mansorius deversorio cohortem. Adunca strictim trahite clavi sigullum. Haec concava scopatum amplectitur aula tolum, quod betuleis tergitur assidue fasciculis, nec ulla (1191C)glomerat ciscilia. Hoc coenosum aethrae astat tolum, quod concretas sordium arictat micas, nec frondeae degestum elimant scopae vestibulum. Aquoso stabilem implete hydore luterem, squaloreasque fluctivagis lavate bases fluentis, ac limosas vitreo licumine tergite plantas. Arboreas figite in pariete curvanas, liniaremque comptis statuite tramitem archinis, ut amplum censuerint agrestibus spectaculum. Pelliceis cluite sessa pratis, roseum laricomi torriminis alite in aremulo clibanum, minutas aprici graminis glomerate astellas, ut flammivomum eructavit incendium, caloreum libraverit tactum, algidum eruerit focum. Quis tales poscet possores, ut melchillentum concesserint opiminium?
11. Non Ausonica me subligat catena: ob hoc Scottigenum haud cripitundo eulogium; sed furibundos perculam amite amiclios. Venusti excusant acculae parcas amplecti sub numine alimonias. Haec concessa acutis findite edulia framis, ac arboreas escifero onerate mensas acervo. Doctoreum quaternis (1191D)segregate chorum rithmis. Aquatico lavate idumas nitro, ut lotae innotescant cubae. Ageum esciferas roboate concentum in copias, ut salubrem propinaverit in praecordiis suxum. Arunca flammigenis crinibus calificate edulia, ut dulciorem rigaverint faucibus saborem. Micas fragmentorum concavis recondite canistris. Almum herum poscite poli, ne ciboneum Cocyti irruerint acculae follum, sed supernum septemplicis poli adierint samum. Qui dulciferos cibaminum concessere acervos, quislibet comptam exactor poscet editricem, ut salsas lixae tripudiaverint per cinerem lithias, ut crispantes salsugena (1192A)spumaverint trices paula. Statutum adeamus oppidum, ubi densum conclientibus fiximus placitum. Quae dulciora sorbuistis solamina: farriosas sennosis motibus corrosimus crustellas, quibus lita Scottigeni pululavit conditura olei, carniferas pressis dentibus ruminavimus pernas, lacteus populavit haustus, quamvis gaudifluam bibulo ore gustavimus caeliam.
12. Titaneus occiduum rutilat arotus pontum, roseos imam curvat radios sub speram: lunaticum vasto exhomicat sidus polo: fulgoria Pliadum variant specula horanum. Nocturnus gravat serpella nimbus: arboreas olivat vaporribas, tetraque mundanum obumbrat mersa gyrum. Incalculatae pecudum turmae calastreas meant ageas, septaque irruunt bovella: quadrigonas idium concilia scandunt aulas: attritas hirti lustrant suistas porci: ferreos sonipedum fulcris nectunt aurigae sigillos: innumerae agrestium turmae solitum laborandi eruunt de curribus nexum, ac solitis aprici tegminis quiescunt (1192B)in aulis. Ob hoc alma civilis globi adeamus moenia, apta benignis poscere filoxinia colonis: sonoreo instigate aditum barrito, ut hunc doctoreum collegerit diversorio coetum. Statuta pelliceis statuite sedilia pratis: torridum alite grimite caminum, rutilantemque accendite foco lampadem: arboreo vitreum propinate olipo fructum, squaloreaque lavate fulcimina: mensium solito dividite mancipatum collegio. Caeteri arboreum concito flexu irruant collem, strictisque debaelant grimina loris. Alteri aquosum adeant olympum, refertamque devehant scapulis hydriam. Alii caneas cocant enopernas, ac farreosas plasment rotas. Statutas cibaminum findite framis strues, ligneas escifera onerate tabulas copia, melchillentaque pexis glomerate fragmina fiscillis.
13. Interimis concavi pectoris opto latebris, uti honorificam protelaverint acculae mansiam, qui melchillenta largiti sunt opimina, qui dulciferos (1192C)cibaminum concessere acervos. Tinctas conditura accendite clibano taedas, ac lectoralem scrutamini fastis industriam. Sopiferam artant palpebrae gravidinem. Ob hoc blanda pecoreis velate cubilia pratis, rudesque serite motatoris tapetes, molliferos assilibus plicate pulvellos gigris. Carboneas cinereo tegite strumas tumulo, ne attigua succenderint ciscilia, amploque arserint pyrici fornacis incendio. Stricta quadratum cludite regia ostium, ne atroces eruperint praedones, clandistinas rapere furtim gazas. Caeteri lectoralem mentis acumine ascultent sophiam. Alteri somniosum abucent pernis fotum. Alii nocturnas librent excubias, quatinus roseus Phoebei orientis rutilaverit proritus.
DE COELO.
14. De hoc amplo Olympi firmamento loquelosas depromam lento murmure strues. Haec polica assili situ plasmata est spera, quae umbriferos vago (1192D)tegmine stipat sudos, ignicomaque vasta mole amplectitur astra. Gemellos torridi alboris pastricat arotos: Titaneus diurnas rutilat Orion metas: pallida merseum illustrat gansia pomerium. Quinos vitreus artat baltheos horanus. Caeterae caloreum artant zonae fotum, mundanaque coctant rubigine climata. Alterae algidum spirant ructum, niviamque evolvunt sparginem, gelidas horrendo fluvore spargunt brumas, procellosum proflant turbine motum Multiformis solifluis praetenui nubium vapore stemicatur arcus radiis: volubilem policus se torquet in vertiginem gyrus: stabilem discurrunt cardines erga (1193A)axem. Angelicas Olympius suffulcit catervas thronus, eximia glauco arctat camaram naevo. Septemplicem horani asserunt cyclum physici. Innumera coeli cacuminis astant stemata, quae temporeo propriamine explicare non famulor.
DE MARI. 15. De hoc amplo Amphitrites lucumine loquelosum cudere nitor tornum. Hoc spumans mundanas obvallat Pelagus oras, terrestres anniosis fluctibus cudit margines, saxeas undosis molibus irruit avionias, infimas bomboso vortice miscet glarias, astrifero spargit spumas sulco, sonoreis frequenter quatitur flabris, ac garrula fatigat Nothus flustra, tithica aetherium irrigat stillicidia gyrum, calastrea glaucicomus verberat competa pontus, periclitantes mactat naufragio puppes. Alias sereno compaginat tithis situm, nec horrida tempestivi murmuris proflat susperia, sed garrulae tranquello tabescunt undae (1193B)fomento. Gemellum Neptunius collocat ritum fluctus; protinus spumaticam pollet in littora adsisam, refluamque prisco plicat recessam utero, geminum solita flectit in orgium discurrimina, afroniosa luteum vellicat mallina terminum, marginosas trahat pululamine metas, vastaque tumente dodrante inundat freta, arboreos tellata flectit hornos in arva, assiduas littoreum glomerat algas in sinum, patulas eruit a cautibus marmas, illitas punico evellit conchas, belbicinas multiformi genimine harenosum evolvit effigies ad portum, fluctivagaque scropheas vacillant aequora in Thermopylas, ac spumaticum fremet tumore bromum. Interdum tumentem pastricat tenerius lidonem, nec solita marginosi tramat limina fundi, rostratas torvis fluctibus fulcit carinas, roboreas undisono baelat rates fluastro, inmensasque marmoreo gurgite gestat scaphas, ac ingentes thalassicum navigant Liburnae gremium. Delfinum glaucis sub fluctibus ludicat seminarium, inormia vastum (1193C)litigant coetia per itnum, aerumnosos ruminant gurgustos, vitreumque sugillant faucibus salum, ac tornos guttoricant piscellos, Neptunia spumeis verrunt caerula gigris, salsugenum gustantibus infestat Pelagi unda saporem. Si pantes mundani orbis acculae internum aequoris spectarent uterum, repentina mortiferum irruerent voragine claustrum.
DE IGNE. 16. Hic roseus laricomi torriminis crepitat rogus, qui torridum proflat ardore furium, flammeas plicat rubigine spathas, flexosos flammeo torret ramos incendio, assida invadit fomite sarmenta, fumantem rapida evomit vaporem pyra, cineream spargit aestibus favillam, innumera ciboneus plasmat servitia aestus. Protinus farriosas carboneo fotu assat crustellas, cruda concavis coctat trementia lebetis, argenteos mollificat fornace metallos, auriaeque rubreo liquescunt massae in camino. Pantia viricomis calificat (1193D)licumina fomentis, natalemque flammivomi laris depromit lento murmure rigorem. Duro jam viguit silicis in utero, ferriale sollerti nisu torsit inflammator focile, aprica scintillosus exarsit in spungia tactus, collectamque flexit incentor stuppam, ac micrum mutuo vertigine eructavit scintilla fumum, veternas in facem glomeravit astellas, inmensaque turgidis crevit pyra flammis. Umbrifera latebrosis extricat velamina tegulis, infestaque flammisonis depellit frigora clibanus, ac torrida involvit incendia. Saltim pantes truncarent acculae stipitem, uricomo concremaret focus ructu. Hic floreus amplo nitore exomicat drimus, urbana inmensi amplectitur moenia globi, in quibus turrita multiformi compage (1194A)astant tuguria. Ardua campaneus collocat septa situs: maturas frugifero tegmine parturit segetes, odorosa glomerat vineta, quae rapidos micris nectunt acinos ramis. Spinosis degestum verrunt astitiae praedium: aquosi luteas irrigant fluvii venas: erumpantes fontanos tumores eructat tellus latices, faenosaque scaltis pollent praedia roseis, ac delicatas copulant homestas: caeruleasque gignit serpellas, quae pecoreas saturant turmas. Sublimes degestum ambiunt celles drimum, saltosaque extremis castat robora in oris. Incalculata congellat frondium genimina, quae dispares patulis stipant fruges ramis, holerosa profundae separant rura foveae, quae herbosas glaucis arictant uvas ansis; innumeras pecudum tellatus pascit cat rvas terminus; inmensaque terrenum gestat saxa fundamentum: plurifica campaneus nectit stemicamina fundus: quae loquelari tramite haud explicare nitor, ne doctoreas rhetorum gravavero venas.
DE VENTO. (1194B) 17. Hic sonoreus alma mactat zephyrus robora, aniosas terrestribus plicat ilices sulcis, turrita robustis spoliat tuguria flabris, superna cacuminum frictat laquearia, tithica flectit telluri caerula, ac marinas exaltat in astra spumas. Glaucicomantem fatigat Auster Tithonem. Bis senos physici et ferunt Zephyros, et quaternos ibi explorant Euros: quis alterni inhaerent crepitu Noti, et velut subjectas opacant alas: mundanum vasto aethere proflant in follum: trina murmureus pastricat trophaea Notus, quod spumaticum rapuit tolo diluvium, pollentemque tonuit rapere dodrantem, ac corporeas perculit tactu effigies. Nec sibilans intueri queat procella, altusque poli rector murmurantibus degesti de pennis euri gibrorum reanime censebit logum. DE PLURIMIS. 18. Haec egregia floreis fulget caterva pompis, (1194C)quae fulvas congelat extrinsecus stragulas, ac vestiles multigeno ligone nectunt strues. Caeteri purpureas acrictant blemmos: alii cicinias castant mediadis stolas: alteri hyacinthinas corporeis stipant trabias pernis: plurifici stornos carnali compage globant amictus: ostreas pastricant armellosas, gilvas verticibus alunt mitras, crispososque sedant cincinnos, ac libosas copulant tricarias: nitentes cervicibus gestant curvanas. Innumeri quadrigonas captant scutilibus peltas, ferriales vibrant idumis pugiones, ac altera glomerant plasmamina, quae temporali propriamine non exprimo.
DE TABERNA. 19. Haec alborea exomicat taberna, quae spissas breviusculo tegmine artat setas. Quadrigono degestum sutum est figmento archimium: unitam superna amplectitur januam ora, quae stricto assilibus polygonis rotis cluditur operculo, ac bis senis alligatur adeo restibus, flexaque arcatorum cervicibus (1194D)vehitur sarcina. His inditum depromam curvanae ductum. Saginatas pecudis dudum tegebat pernas, hirtumque acuto framine decoriavit carnifex corium, densaque tensum est parieti inter vimina, ac igneo aruit fumo, obansque edictum laceravit opifex archimium: astrictis corialem pastricavit corregiis tegulam, bis binos plasmavit angulos, lectoque pellicium gestamine perfecit armarium. Caetera non explico famine stemata, ne doctoreis suscitavero fastidium castris. DE TABULA. 20. Haec arborea lectis plasmata est tabula fomen tis, quae ex altero climate ceream copulat lituram (1195A)Defidas lignifero intercessu nectit colomellas, in quis compta lusit caelatura. Aliud jam latus arboreum majusculo ductu stipat situm, varia stemicatus pictura, ac comptas oras artat. Haec olim frondea glaucicomi crevit inter robora fundi, ferrialique crescentem amputavit opifex securi stipitem, quadrigonum ligneo dolavit incrementum nervo, micram eruit ascia margeriam, ornatamque perfecit tabulam, quae dexterali historum gestatur iduma, ac sophica cereis glomerat mysteria planetis. Nunc loquelarem celeri flexu retraho tramitem, ne ingeniosas rhetorum gravavero domescas.
DE ORATORIO. 21. Hoc arboreum candelatis plasmatum est oratorium tabulis: gemellis conserta bijugis artat latera quadrigona, edicti stabilitant fundamenta templi. Quis densum globoso munimine crevit tabulatum? Supernam compaginat camaram, quadrigona comptis plextra sunt sita tectis. Ageam copulat in gremio (1195B)aram, cui collectam cerimonicant vates missam. Unitum ab occiduo limite amplectitur ostium, quod arborea strictis fotis cluditur regia. Extensum tabulosa stipat porticum collectura. Quaternas summa nectit pinnas. Innumera congellat plasmamina, quae non loqueloso explicare famulor turno. DE ORATIONE. 22. Supernum vasti posco herum poli, qui mundanam almo numine condidit molem, tithico terrestrem obvallat limbo crepidinem, humanos lecto restaurat vernaculos incremento, glaucicomas folicia strue tegit amarcas, florigeros alit de tellure culmos, almi gibrarum turmis collocat praemia throni; mihi aestivum naviganti fretum robustam concede puppim, ut furibunda evadam discrimina.
DE GESTA RE. 23. Lapsis olim annosae voraginis stadiis rutilante (1196A)Phoebei orientis aurora, quidam furibundus armatorum latrunculus externas inimicosae telluris adiit metas. Tum glaucicomantes cellium concito tramite lustrantes inter jubas setigerum porcinae indolis notat inter nemora coetum. Hinc quidam robustus ferali dolone tyrannus hirta crassi terebravit latera apri. Jamque roscidum purpureo cruore cadaver lato sollerti tractu torsit cervici, vastamque mancipatores trucidant spathis amarcam, ac ferreo cudunt silicem metallo, apricisque stemicant rogum sarmentis, flammivomusque laris frondeam fumigat clibanus silvam. Hinc quadrigona inserta veribus statuitur craticula, setosasque roseis torrent toles flammeis, ac arboreis crudas insuunt sudibus pernas: ostrea sanguinei licuminis decidunt inter faces stillicidia, assataque carnei ponderis gustant armatores frusta, suillem sorbent faucibus pastum. Hinc progeni istius telluris acculae extremas natalis soli obvallabant assidue oras, ne inimicale paternis polleret discrimen (1196B)sulcis. Jamque solitis finalis globi lustrantes anfractibus, edictum silvestrea prospectant latrunculum inter robora. Tum frondens irruente caterva frangoricat saltus, ac protervus clamat ilico coetus, quod ex crudeli strage non evaderent de agmine superstites, nusquam atroces alitum veherent in aethera ungues. Hinc strictam furibundi densant aciem tyranni, ac armitera ferunt incidones rostra. Alboreum aereo spargitur chimentum sulco: truces reciproco libramine penetrant dolones, degestaque carneis terebrant spicula toles, ac carnifera purpurei serpunt per latera rivi. Inermes ruunt in obello gigantes, ac assiles solvunt ensibus gigras, dum toxicus irruentem certandi robore frangit latrunculus phalangem, mortifera spoliant vestium strue cadavera, horrendoque jubilant crudeli tumultu. Hinc reduci tramite paternum remeantes in solum, fabulosam exprimunt accolae soriam. (n