40. De rana et boue

 39. De rustico et mustela 41. De pastore et leone 

Equari uult rana boui, tumet ergo. tumenti
Natus ait: Cessa, pre boue tota nichil.
Rana dolet meliusque tumet. premit ille tumentem:
Vincere non poteris, uicta crepare potes.
Tercius iratam uexat tumor. illa tumoris
Copia findit eam. guttura rupta patent.
Cum maiore minor conferri desinat et se
Consulat et uires temperet ipse suas.

Explicit liber secundus. Incipit tercius.

 39. De rustico et mustela 41. De pastore et leone