Migne Patrologia Latina Tomus 132
Epitaphium
Epitaphium (Hucbaldus S. Amandi), J. P. Migne 132.1049B
I.
132.1049B|
Dormit in hac tumba simplex sine felle columba,
Doctor, flos et honos tam cleri quam monachorum,
Hucbaldus, famam cujus per climata mundi
Edita sanctorum modulamina gestaque clamant.
Hic Cyrici membra pretiosa, reperta Nivernis,
Nostris invexit oris, scripsitque triumphum.
II.
Praecluis orator, sudans opobalsama cosmo,
Archas mellifluus rhetor super aethera notus,
En Hucbalde Pater, salve per saecla verenter.
132.1050B| Tu lampas monachis, tu flos et doxa peritis:
Te plebs aeternum lugens sibi deflet ademptum.
Vige juge, sophista, vale, theophile chare.
Ediderat stylo examussim certamen honesto
Matris Julitae, Cyrici prolisque venustae,
Ceu doctor celeber gnavus per cuncta magister.
Laudetur, vigeat, quod quaeso, legatur, ametur.
Haec quisquis legis, Requiem dic det Deus illi
Palmam cum superis gestet super astra choreis,
Gloria pauper haec peregit metra clienter,