Migne Patrologia Latina Tomus 138
Epistola canonica (Auctor incertus), J. P. Migne
cc_id: cps_2.AucInc.EpiCan, cc_idno: 9610
Epistola canonica
- I.
¶
138.0443C| Primum omnium fidem catholicam omnes presbyteri, et diaconi, seu subdiaconi memoriter teneant; ut si quis hoc faciendum praetermittat, XL diebus a vino abstineat: et si post abstinentiam neglexerit, ad emendandum replicetur in eo sententia.
- II.
Ut nullus presbyter, diaconus aut subdiaconus cum mulieribus habitare aut conversari praesumat; et si inventus fuerit hoc faciens, de gradu dejiciatur: insuper et exsilio destinatus, dies suos in poenitentia finiat.
- III.
Ut ea quae a Deo conservandis Christianis principibus amore illata sunt vel fuerint ecclesiis vel titulis, nullus exinde subtrahere praesumat, ne sacratae res depopulentur. Et si quispiam praesumpserit, res quae fraudatae sunt, quadruplo restituantur; 138.0443D| aut si non habuerit unde, ipsa loca amittant; et res ipsae quae fraudatae sunt, ab episcopo ipsius recolligantur, et in ipso loco unde ablatae sunt refirmentur.
- IV.
De presbyteris qui eos ad communionem recipiunt, qui incestas nuptias contrahunt, id est matriniam, 138.0444C| cognatam, vel socrum, aut filiastram, vel proxima agnatione conjunctam in conjugio sibi sociant, et ad eos pervenerint, admoneantur ut separentur; qui si distulerint, communione priventur, et oblationes eorum in sacro altari non recipiantur. Et si presbyter sciens hoc neglexerit, distringendo, aut amicitiam temporalem attendendo, ad communionem eum receperit sine emendatione aut poenitentia, canonicae subjaceat sententiae.
- V.
De his presbyteris qui post primam vel secundam correptionem seu admonitionem recipiunt idola colentes, vel insipientes homines, qui ad fontes atque ad arbores sacrilegium faciunt, necnon dies Jovis ac Veneris propter paganorum consuetudinem observant [vel cerbolum aut anniculas faciunt, hoc 138.0444D| est suffitores et cornua incantant], et eos post primam aut secundam admonitionem communicaverint, aut oblationes eorum susceperint, XL dierum spatio in pane et aqua sint contenti.
- VI.
Ut nulli sacerdotum extra jussionem episcopi sui procurationes saeculares liceat suscipere, excepta 138.0445A| jussione pontificis sui, religiosas causas, ecclesiarum videlicet, aut clericorum, pauperum vel viduarum, sicut sacri praecipiunt canones. Si quis contempta hac observatione in talibus causis se implicasse inveniatur, canonicae sententiae de ausu praesumptionis subjaceat.
- VII.
Ut si cui sacerdoti ex qualibet muliere denuntiatum fuerit, ut exinde suspectio malae opinionis efficiatur, nullam cum ipsa habeat conversationem, neque in secreto, neque in praesenti: si deinceps inventus fuerit post secundam et tertiam contestationem, ut contemptor, gradus sui periculum substineat.
- VIII.
Ut in nulla ecclesia cujuslibet dioeceseos ubi baptismus sit, presbyter absque diacono esse reperiatur. 138.0445B| Unde omnis presbyter non habens diaconum, eligat sibi personam, et plebi suae innotescat; tunc ad pontificem suum consignans deducat, cujus vitam probatam habeat, et diaconus consecretur. Quod si distulerit presbyter dicens, eo quod non habeat talem clericum, episcopus suus provideat ex ecclesia sua aut unde voluerit bonam personam: tantum est, ut sine diacono non sit. Constituimus enim ut diaconus in uno cubiculo cum presbytero suo maneat, deferens ei honorem ut dignum est; ante quorum lecta clerici simili modo manere videantur, ut semper absque suspectione sint, et Deus propitietur. Non existente presbytero intra domum, si ubicunqne abierit, diaconus post ejus egressum locum ejus obtineat, ad suscipiendum vel ordinandum quod utilitas domui 138.0445C| est: ita demum ut non presbytero suo superbiat; nam si hoc attentaverit, ab episcopo suo de contemptu superbiae judicetur: et de accessu ecclesiae quod supra altare ponitur, seu undecunque accedere potest sub amborum sigillo sit; et non unus sine alterius notitia expendere ubi necessarium fuerit praesumat. 138.0446A|
- IX.
Ut nullus presbyter, diaconus vel clericus in dioecesi constitutus praedia ecclesiae, hoc est terras, potestatem habeat venundandi, sed nec cuiquam parentum suorum donandi. Et qui hoc egerint, sub omni celeritate reddito pretio ad loca sacra quibus competunt, revertantur. Si autem hac observatione contempta quis hoc praesumpserit, res proprias in ipsa ecclesia relinquat, et ipse foras ejiciatur, eo quod divinae congruat rationi ut qui ecclesias accipiunt, ad regendum, non ad dispergendum accipiant. Simili modo nullam habeant potestatem quolibet modo ad alienandum neque infiduciandum neque venundandum; sed nec sine voluntate pontificis sui vicarios dandum aut liberos dimittendum. Qui hoc praesumpserit, ut superius censuimus, si habet proprietatem 138.0446B| suam, aliud tantum restituat; si non habuerit, exspoliatus omnibus foris ejiciatur; ipsae tamen res ad ecclesiam cujus res sunt revertantur.
- X.
Ad nos perlatum est eo quod quidam conjugati habentes titulos in quibus deserviant, de sacris vestibus mulierum vel filiarum suarum ornamenta faciant, et proprietario jure sibi defendant, quod Christianis hominibus nec loqui convenit, ut res sacras vel quae in sacro loco offeruntur, mulieribus suis usurpent vel filiis aut parentibus: et si hoc probatum fuerit, superiorum feriatur sententia.
- XI.
Omnes presbyteri, diaconi, subdiaconi, vel cunctus clerus qui sub episcopo esse noscuntur, si causas habuerint, et minime potuerint inter se deliberare, tunc ad pontificem suum conveniant ad 138.0446C| causam suam dicendam. Nam per nulla saecularia judicia adire praesumant; et qui hanc praeceptionem contempserint, superioribus poenis subjaceant, ita ut in poenitentia sint abstinentes a vini potatione vel ab esu carnium, donec ad metropolitanum suum accedant.