Migne Patrologia Latina Tomus 89
JoaVii.EpAdEpB 89 Joannes VII Parisiis J. P. Migne 1850 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin
Epistola ad episcopos Britanniae
Joannes episcopus archiepiscopis, presbyteris, et diaconibus, et universis clericis per Anglorum patriam constitutis.
Congregatis omnibus Anglorum proceribus, qui tunc ad beatum Petrum degebant apostolum, post alterutrarum partium congruas ratiocinationes, apostolicae sententia usque adeo sedis praevaluit, ut voluntarie omnes Anglorum clerici sub ipsis vigiliis sancti Gregorii laicalem et sinuosum, sed et cunctum habitum deponentes, talares tunicas secundum Romanum morem induerent. Hujus rei gratia, quia et vos pari modo in sanctae Ecclesiae nostrae corpore veluti propria membra amplectimur, pro deponendis laicalibus vestimentis et sumendis clericalibus infulis secundum Romanae Ecclesiae morem auctoritate apostolica monemus.