Migne Patrologia Latina Tomus 121
Epigrammata
Epigrammata (Cyprianus Cordubensis), J. P. Migne 121.0568A
I.
121.0567A|
Hoc opus illustri comitis clarescit Adulfi,
Qui sumptis propriis librorum teca novavit;
Qua novi habentur, veteresque in ordine libri
Testamenti veri inhianti ad aethera victum
Pergere mansurum parat, et tollere clamat;
Hoc cibo quis fuerit pastus, haud aggravat exta,
Nec ventrem farcit, sed crebre spiritum alit.
Hinc fons perspicuis paradisi surgit a limphis:
Hic dulcis haustus effluit in pectoris antro,
Hic largos latices per mundi compita mittit
Haec forisque renidet argenti claro metallo,
Et intus cluit spiritalis gratiae dono.
Obtulit nempe Deo praedictus comes Adulfus
Memoriam penes Aciscli martyris almi,
Cordoba sacrata conditus qua sistit in aula.
Vernulus patronus jam fastus testis alumnus,
Ut tantillo tantus dignetur impendere martyr,
Obtineat meritis Christus ut scelera sua
Tergat, atque animam carnali claustra relicta,
121.0567B| Coelicolis glomeret felici in sede beata.
Oblatis bonis fueris dum lector adeptus,
Adsis pro me Deo acclinis posco Adulfus:
Suscipe nunc, nate Fredenande Kare, tuendam
Tecam, quam ipse tuus comptam patravit Adulfus,
Ut legens relegas, et puro pectore serves,
Si illius praeceptis libens consenseris ipse,
Securus ad aulam poteris conscendere coeli.
II. Item ejusdem ad petitionem Zoy' i sui in fidem Bibliothecae , quam scripserat Saturnino archidiacono.
Laudum vota tibi Zoylus gratus persolvere nitor
Christo Redemptori auctori, et Domino meo:
Cujus fultus ope tantum explevi laborem.
Dum finem adieris istius thecae legendo,
Pro me Deum preceris, lector, intente deposco;
Sic valeas Christo post aevum frui securus.
III.
121.0567C| Terge luctum moerens, parta virentia vides,
Alesque pipant, diverso modulamine voces.
Et liquor meri currat in ore temeti.
IV. Ejusdem Cypriani cujus supra.
121.0568A|
Renidet in manu flabellum comitis almi,
Litteris conscriptum aureis, ut competit illi,
Nomine Guifredus ex sacro gurgite dictus.
Ut pellat aestum aura suadente flabello,
Trade libens comes gloriosae conjugi illud,
Simili ut modo incumbentem dissipet aestum
Guisindae dictae, et tuo in latere nexae.
V. Item alii ejusdem in flabello.
Guisindis dextram illustris adorna flabelle,
Praebe licet falsos ventos, ut temperet aestum
Tempore aestivo defluxa membra refovens.
Pansus et officium implens per omnia tuum.
VI. Epitaphium quod isdem in sepulcro domini Samsonis edit metro heroico.
121.0568B|
Quis quantusve fuit Samson clarissimus abba,
Cujus in urna manent hac sacra membra in aula,
Personat Hesperia illius famine fota.
Flecte Deum precibus, lector, nunc flecte peroro
Aethera ut culpis valeat conscendere tersis.
Discessit longe notos plenusque dierum.
Sextilis namque mensis die vicesima prima.
Sextilis namque mensis primo et vicesimo sole.
Aera DCCCCXXVIII.
VII. Item epitaphium ab eodem editum.
Nobilis hic exstat Hermildis in busto locata,
Quae Christo famulans temnendo saeculi pompam.
Hic jubilans plaudensque heroum conscendit in aulam.
VIII. Epitaphium super tumulum sancti Joannis confessoris.
121.0568C|
Carceres et diva Joannes ferrea vincla
Christi amore tulit: hac functus in aula quiescit.