Elegia Nobilis Transilvani, GEORGII SINKAI de Eadem, AA. LL. Philos. et SS. Theolo. Doctoris Romani, in Magno Transilvaniae Principatu Scholarum Vernacularum Valachico-Catholicarum Emeriti Directoris, data ad Auctorem ORODIADIS, Magno-Varadino ipso Festo die S. Michaelis Archangeli a. 1803, ex Episcopali Darabanthiano Tusculano.
Nomine non solo, (ut quidam), sed, Magne, Poësi
Vir Latia, et Patria! Vir deamate mihi!
Quis sim, qui, exemplo multorum, facta Bonorum
Canto Elegiaco Carmine, forte rogas?
Inque his Te quoque quod iubeam salvere Poëtam
Percelebrem ignotus, Res Tibi nonne nova?
Ille ego sum, cuius generavit Sinka[1] Parentes:
Exornavit quorum Cera vetusta Lares.
Nutriit in Studiis primum me Musa Szabédi;[2]
Samsondina dein Patria cara mihi.[3]
Nutriis Agropolis[4] gemina me postea messe,
Claudiaci[5] unde peto docta Lycoea fori.
Hic ego deliciis Phoebi consuescere primum
Coepi, et Parnassi scandere laeta iuga.
Bistricium[6] hinc migrans Ciceronis in arte diserta
Ingenium placuit percoluisse mihi
Inde Balasfalvam[7] docturus tendo iuventam
Annum, quo lapso, Roma videnda fuit.
Transegi Romae lustrum, quo tempore dignus
Lauro quum fuerim, Laurea bina data est.[8]
In Studiis (fateor gratus,) me Roma iuvabat:
Omnis enim patuit Bibliotheca mihi.[9]
Dum patuit, multis e Libris multa notavi:[10]
Cuius erat STEPHANUS BORGIA! causa rei.[11]
Cum Doctis solitus consummere tempora semper,
Quos adstare mihi is, iussis et esse duces.
Urbe redux annum iubeor remanere Viennae,
Natalis Socio regna petente Soli.[12]
Hic Methodum[13] didici, Canones, et Iura[14] per annum,
Et sum scrutatus plurima Scripta manu.
Hic mandata typis legi noctuque, diuque,
Historiam ut Dacicam condere rite queam.
Cornides[15] exacuit stimulis, Benkö[16], atque Garampi,[17]
Fautoremque egit quisque patrocinio.
Adstitit his cunctis mihi plus DARAABANTHIUS[18] unus,
Romam mittendi maxima Cura mei.
In Patriam reduci pariter non defuit unquam:
Nunc etiam egressum protegit, atque fovet.
Cui Deus idcirco, precor, addat Nestoris annos,
Maxima et in coelis Praemia sero ferat. –
Ad Patriam rediens, referam nunc, quae bene feci
Pro cultu Gentis, proque decore meae.
Principia edideram:[19] vulgaram Grammata:[20] quin et
Alphabeta duo, qualia Norma[21] tenet.
Doctrinam Christi[22] deduxi fusius, unquam
Quam fuerat Valachis traditus iste Liber.
Deerat Ars patriis Numerandi[23] recta Palestris:
Hanc etiam studui progenerare novam.
Ter peragranda fuit mihi Transilvania tota
IOSEPHI iussu Regis Apostolici.
Ter peragratus eam, pro Linguae, et Gentis honore,
In Valachis statui Commoda multa Scholis.
Quas modo non augere, ast una reddere firmas
Per bis sex hiemes maxima Cura fuit. [24]
His exantlatis, consecratisque Saluti
Communi, cogor pessima quaeque pati.
Quid? quod et a Studiis cogor secedere nostris,
Et colere ingenio rura aliena meo. [25]
Namque dolor! terris erepto Rege IOSEPHO,
Qui pol! perpetuo vivere dignus erat.
Primum Theutohicae mandant primordia Linguae
Ne doceam; audacter dura minando mihi.
Tum fictas Causas, – et quî me perdere possint,
Quaerunt! – propitii sed vetuere Poli.
His, aliisque malis vexatus, Munere gesto
Insons exutus, praesidioque carens,
Historiam quondam coeptam exarare resumo, [26]
Quam nequii ob fatimi continuare prius.
Hungariaeque mihi cum Spes magna esset in oris
Volvendi Libros, Scriptaque prisca Manu,
Musarum Studiis florentem commigro Vardam,
Fautores plures quae fovet alma mihi.
Hic ego dum veteres pro more saluto Patronos,
Praesulis IGNATI[27] devenerorque Lares.
Devenerorque hospes Canonis de nomine dicti[28]
Concila Graeci limina amica mihi:
Accedo plures demum, quos contigit olim
Novisse in Populo, ac Nobilitate mihi.
Hic etenim crebri florent, non Stemmate solum:
Ast etiam illustres Pallade utraque Viri.
Praecipuos inter primus mihi aditur Amicos,
TERTINA, Regalis Gloria rara Scholae!
Quem mihi falsa tulit moerenti Fama supremum
Ante duos annos oppetiisse diem:
Ecce! hunc Incolumem complector; maxima laeto
Gaudia propterea Corde movente meo.
Scilicet Ille! Tuo dignus quoque TERTINA plectro.
Nuper Apollineo, magne Poëta, coli;
Est cui dieta Salus a nostrae plurima Terrae
Luminibus doctis, ore relata meo.
Et cuius merito trans silvas Patria fusa,
In magno aestimio nobile Nomen habet.
Scire cupis nostri metam Sermonis, et ortum?
Plurima de Rebus dieta fuere novis.
Sermo fuit Studiis de Bellis, atque Magistris,
Quantum haec, atque illos extera Regna colant.
Quam Bavarus Doctis, et Russus pingue Minerval
Attribuat Sortis cum meliore Statu.
Et quam magna Borussus agat cum Consule Primo
Gallorum; vigeat Cultus ut Aonidum.
Nostra simul dubii nova Fata expendimus, aevo
Hoc queis tam recte culta Iuventa fuit. –
Sed mox ad Vatum Versus, et Scripta reversis,
Tu fueras nobis maxima Materies.
Ille mihi, ut vidit, modulamina Vestra probari,
Edita plura dein Carmina Vestra dedit.
Legi Elegos hilaris, queis VÁLYI, PRAYque canuntur:
Et quibus ornatur Csanadiense Pedum.
Legi etiam Lessum, quo flesti funera magni
GVADÁNYI Herois, Vatis et egregii.
Nec potui nostrae moderari, crede Camoenae,
Quin recolat Nomen relligiosa Tuum.
Seque Tibi notam reddat Pietate calenti,
Ingenium gestit qua celebrare Tuum.
Quumque peregrinus caream charta, calamoque,
Haec mihi mox offert TERTINA, noster Amor!
Cuius Amicitia docta uti ut Gloria magna
Est mihi, sie Vobis est specialis Honor.
Quotidie urbanos Illius viso Penates,
Excipior dulci semper et alloquio.
Doctior et redeo semper satiatus opima
Doctrina, ex hujus quae fluit ore Viri.
Quaeque mihi tanto potior, quod Pectora prodat
Lacte, et Ryphaea candidiora nive.
Atque ubi detexi me Gentis texere nostrae
A multis annis latius Historiam.
Suppetiasque simul petii, pretiosa Supellex
Librorum illius quas mihi terre potest.[29]
Continuo facilis, promptusque Volumina rara
Nondum visa mihi plurima nota facit.
Iconibus, Nummis, Libris, Scriptisque locuples,
Queis decorata nitet Bibliotheca sua.
Obstupui fugientia tot Monumenta vetustis
De Patriae Rebus conglomerasse Virum.
Omnia quae pretii sunt cari, ingentis et usus
(Cognita si fiant) pluribus illa forent.
Usibus illa meis doctus Possessor, et Ipse
Altera viva vovet Bibliotheca lubens.
Quin crebro propria dignatur me quoque Mensa,
Consiliisque bonis me relevare studet.
Est haec immerito Cultori gratia facta,
Gratibus immensis deveneranda mihi.
Non minus illa etiam pergrata mente colenda,
Reddiderit notum quod Tibi me, mihi Te!
Atque ideo Lux haec Illius Nominis alma,
Phoebea fulgens splendidiore coma,
Laetitiis amplis cunctorum culta Bonorum,
Est etiam nostra concelebrandi Cheli.
Et quam magna Borussus agat cum Consule Primo
Gallorum; vigeat Cultus ut Aonidum.
Nostra simul dubii nova Fata expendimus, aevo
Hoc queis tam recte culta Iuventa fuit. –
Sed mox ad Vatum Versus, et Scripta reversis,
Tu fueras nobis maxima Materies.
Ille mihi, ut vidit, modulamina Vestra probari,
Edita plura dein Carmina Vestra dedit.
Legi Elegos hilaris, queis VÁLYI, PRAYque canuntur:
Et quibus ornatur Csanadiense Pedum.
Legi etiam Lessum, quo flesti funera magni
GVADÁNYI Herois, Vatis et egregii.
Nec potui nostrae moderari, crede Camoenae,
Quin recolat Nomen relligiosa Tuum.
Seque Tibi notam reddat Pietate calenti,
Ingenium gestit qua celebrare Tuum.
Quumque peregrinus caream charta, calamoque,
Haec mihi mox offert TERTINA, noster Amor!
Cuius Amicitia docta uti ut Gloria magna
Est mihi, sie Vobis est specialis Honor.
Quotidie urbanos Illius viso Penates,
Excipior dulci semper et alloquio.
Doctior et redeo semper satiatus opima
Doctrina, ex hujus quae fluit ore Viri.
Quaeque mihi tanto potior, quod Pectora prodat
Lacte, et Ryphaea candidiora nive.
Atque ubi detexi me Gentis texere nostrae
A multis annis latius Historiam.
Suppetiasque simul petii, pretiosa Supellex
Librorum illius quas mihi terre potest.[29]
Continuo facilis, promptusque Volumina rara
Nondum visa mihi plurima nota facit.
Iconibus, Nummis, Libris, Scriptisque locuples,
Queis decorata nitet Bibliotheca sua.
Obstupui fugientia tot Monumenta vetustis
De Patriae Rebus conglomerasse Virum.
Omnia quae pretii sunt cari, ingentis et usus
(Cognita si fiant) pluribus illa forent.
Usibus illa meis doctus Possessor, et Ipse
Altera viva vovet Bibliotheca lubens.
Quin crebro propria dignatur me quoque Mensa,
Consiliisque bonis me relevare studet.
Est haec immerito Cultori gratia facta,
Gratibus immensis deveneranda mihi.
Non minus illa etiam pergrata mente colenda,
Reddiderit notum quod Tibi me, mihi Te!
Atque ideo Lux haec Illius Nominis alma,
Phoebea fulgens splendidiore coma,
Laetitiis amplis cunctorum culta Bonorum,
Est etiam nostra concelebrandi Cheli.
- ↑ In Fogarasiensi Transilvaniae Districtu duo existunt Pagi, quorum alter O Sinka, seu Vetus Sinka, alter Uj Sinka, seu Nova Sinka adpellatur. Ego ex priore duco meam originem, cuius pars potior olim aviticum Bonum erat Familiae nostrae. Posterior vero in proprio nostro Praedio conditus erat, uti hoc coram Il. Statibus, et Ordinibus Transilvanis abunde probavi anno 1792. Me puero uterque Primae Valachicae Legionis limitaneae Militiae iuribus adscriptus est una cum aliis nostris, multorumque aliorum Possessionibus. Natus autem sum stilo vetere die 28. Februarii, Anno 1754.
- ↑ Szabéd, est frequens Sedis Siculicalis Maros Pagus, a meris Unitariis inhabitatus. Huc primum a Parentibus missus fueram ad condiscendam Linguam Hungaricam; sed quia locus mihi non arridebat, non diu eiatem frequentavi Scholam.
- ↑ In eadem Sede situs est cum late patente Agro suo vastissimus Pagus Samsond, cultus Siculis iuxta, ac Valachis. Hic residens Pater meus non aviticam, sed pignoratitiam duntaxat quandam Portionem Nobilitarem possedit, sub cuius vigilantia et sollicitudine paterna paulo diutius Ludum Litterarium adivi.
- ↑ Agropolis, seu Maros-Vásárhelyinum dictae Sedis Urbs Regia, et Libera, arce non ignobili ornata. Praebet ea sedem Tabulae Regiae Iudiciariae Transilvanicae, Regio Romano-Catholico Gymnasio, et Illustri Reformatorum Collegio. Habet suo in gremio Minoritas, et Franciscanos. Commendat se praeterea vehementer Erudita Hungarica Societate, cuius perpetuus Secretarius est celebris ille, ac veri nominis Polyhistor, D. GEORGIUS ARANKA de Zágon; et locupletissima praeterea Bibliotheca Publica, ab Excell. Dom. Cancellano, SAMUELE S. R. I. Comite TELEKI de Szék liberaliter erecta, donataque. In hac Urbe apud Reformatos prima Elementa Linguarum Latinae, et Hungaricae non sine notabili progressu solidius excolere coepi, operam ad meam culturam plurimum tunc conferente, Viro doctissimo, Professore ALEXANDRO KOVĂSZNAI, qui quantus Humanista fuerit, serae etiam Posteritati non dabunt oblivioni Eius Carmina Exequialia, et Paucula quaedam alius Argunienti. Trajecti Batavorum A. 1782 typis expressa.
- ↑ Agropoli, auctore germano natu maiore Fratre, Ioanne Sinkai, (qui qua Centurio Ind. Secundae Legionis Valachicae limitaneae in Lorch ad Rhenum A. 1795, heroice vitam cum morte commutavit,) translatus fui Claudiopolim, Urbem Regiam, Liberam, eamque Transilvaniae Metropolim ad Patres Societatis Iesu, a quibus in Seminarium S. Iosephi receptus, omnibus viribus contendi, ne mihi, per quadriennium beneficio Allimnatus fruenti, in scholis Grammaticis, et Poetica Classe, quisquam frequentium aemulorum Primatus palmam praeciperet*), quod plures superstites adhuc coaetanei condiscipuli hodiedum testari possunt.
- ↑ Inde propter Studium Linguae Gernianicae voluntate parentum transii Bistricium, Urbem Regiam Liberamque Saxonum, ubi in Gymnasio Scholarum Piarum Rhetoricam absolvi.
- ↑ Baiasfalva, Sedes Episcoporum Fogarasiensium, ad utriusque Cicelli amnis (Nagy és kis Kiküllŏ) confluxum condita, et respectu Comitatus Albensis Inferioris, ad quem pertinet, antequam Cicelli confluerent sola est Iurisdictioni praedicti Comitatus trans maiorem Cicellum obnoxia. Hic vetus S. Blasii vicus, hodie bifariam dividitur, in Pagum nempe, et contiguum Oppidum. Pagus operas rusticas, Oppidum censura praestat perpetuo terrestri hero loci Episcopo Graeco-Catholico. Pagus est antiquissimae, et obscurissimae originis. Oppidum regnante CAROLO VI. Augusto condì coepit, qui primus permutavit Dominium Balasfalvense cum 111. ac RR. D. Innocentio Klein, L. Barone de Szàd, Episcopo Fogarasiensi pro Also Szombat-falva, et Szamos-Ujvár. Duo praecipua sunt Balasfalvae aedificia, memoratu digna, Castellum utpote Episcopale, et Monasterium Patrum Basilitarum ad SS. Trinitatem. Illud ad pagum, hoc ad oppidum spectat. In Monasterio sunt Scholae publicae, in quod ego receptus, anno aetatis meae vicesimo Rhetoricam, et Poesim docere confestim iussus sum. Tarn subito prae ceteris Religiosis Coalumnis e Scamno ad Cathedram gravissimo Superiorum iudicio sublimatus!
- ↑ Dato unius anni specimine in tradenda
Rhetorica, eorundem venerabilium Superiorum meorum unanimi
suffragio, et decreto Romani mittendus decernor
pro Philosophia biennio, Theologia vero triennio
in Collegio de Propaganda, qua fundatus Alumnus,
audienda, condiscendaque. Ibi, per quinquenium
Studiis totus deditus, pro Coronide laborum meorum
utriusque praedictae Facultatis Gradum suscepi, uti in
Pergamena exaratum authenticum Diploma testatur,
quod sequentis est tenoris.[*]
Nota. ↑
IOSEPH MARIA TITULI S.
ALEXII S. R. E. PRESBITER CARD. CASTELLIUS,
S. CONGR. DE PROP.
FIDE PRAEFECTUS.
Omnibus, et Singulis praesentes Nostras
Litteras inspecturis, visuris, atque
lecturis Salutem in Domino.
Sacrosancta Romana Ecclesia, quam Beatissimi Petrus Apostolorum Princeps, et Paulus Doctor Gentium suo sanguine fundarunt, ac sacris institutis largiente Cliristo Domino edocuerunt, ab ipsis initiis Fidei Christianae susceptae viros in gremio suo educatos, moribus, ac doctrinis imbutos, ac demum in Divina Sapientia provectos ad disseminandum Verbum Dei in diversas Orbis partes mittere consuevit. Quod quidem ex Evangelica voce: Pasce Agnos meos, pasce Oves meas etc. et exemplo S. Petri edocti Summi Pontifices per tot saecula disponente Domino salubriter, et prò Pastorali suo munere egregie praestiterunt, ut Infideles ad Fidem Orthodoxam invitarent, et populos ab eadem aberrantes ad gregem Christi Domini r e - ducerent.
Hac ergo mediatione permotus fel: record: URBANUS Vili, cuius memoria sit in benedictione, Collegium Adolescentum ex variis Nationibus ad Fidem per universum terrarum orbem propagandam erexit: quod URBANUM a suo nomine appellavit, cuius Moderatoribus Autboritate Apostolica tribuit facultatem (pront in Litteris Erectionis, Institutionis, et Fundationis dicti Collegii per Eum editis sub Dat: Romae apud S. Mariam Maiorem Kal: Aug: Anno Incarn. Dni. MDCXXVII Pontificatus sui Anno IV. plenius continetur) illos, quos per debitum tempus in dicto Collegio studuisse, ac scientia, et moribus idoneos reperissent ad Bacca Laureatus, Licentiaturae Doctoratus, et Magisterii Gradus, servata forma Concilii Viennensii' iuxta Universitatis Studiorum Almae Urbis consvetudinem, seu alias promovendi, ac solita ipsorum Graduum Insignia conferendi. Quandoque sic promoti omnibus, et singulis Gratiis, Favoribus, Praerogativis, et Indultis, quibus alii in praedictae Almae Urbis, seu aliis Universitatibus, ex alibi iuxta illius, et aliarum Universitatum huius modi Constitutiones ad Gradus praedictos promovendi de Iure, vel Consvetudine quomodo libet potiuntur, fruuntur, et gaudere possunt. Eandem vero Facultatem praedictis Collegii Moderatoribus, ut supra concessam, fel. ree. CLEMENS XIV. non solum benigne confirmavit, sed etiam extendit in peculiari Audientia habita per R. P. D. STEPHANUM BORGIA S. Congreg.: a Secretis sub die XV. Martii Anno Dni MDCCLXXII.
Quamobrem quam[*] Dilectus Nobis in Christo Dnus GEORGIUS SINKAI de eadem, Nobilis Transylvanus, Ord: S. Basilii M. Religiosus Professus eiusdem Collegii Alumnus per integrum cursum Philosophiae, ac Theologiae tam Dogmaticae, quam Scholasticae assiduis vigiliis sedulam operam in Scholis Collegii URBANI impenderit, vitae, ac morum probitate, Christiana pietate, eruditione, ac doctrinis praeditus, idoneus repertus fuerit, volentes iuxta praedictarum Litterarum tenorem voluntatem tam URBANI VIII quam CLEMENTIS XVI. Rom. Pontificum executioni mandare, assignavimus Eidem Conclusiones ex Utraque Facúltate: Quas hodie publice in praesentia R. P . D. STEPHANI BORGIA S. Congr. a Secretis, et Celeberrimorum Theologiae, ac Philosophiae Professorum, et aliorum Celeberrimorum Virorum, ita docte, eleganter, ac copiose défendit declarando, emendo, omnes Conclusiones ex assignatis, ac comprobando, distinguendo, pro et contra arguendo, dubitationes proponendo, illasque dissolvendo argumentisque primo Dni IOAN. CAROLI BONOMI Theologiae Polemicae Lectoris; deinde P. Fr. THOMAE MARIAE CERBONI in dicto Collegio Theologiae Scholasticae Lectoris ; atque P. Dni AVRELII LEONI Philosophiae Lectoris, aliorumque acute, ac Magistrali more respondendo, ut ab omnibus Utriusque Facultatis Doctoribus idoneus habitus, et aestimatus fuerit, qui unanimi consensu, concorditer, pari voto, viva voce, vivisque Suffragiis, ac nemine penitus penitusque discrepante Philosophiae, ac S. Theologiae Laurea Doctoratus dignus approbaretur. Quapropter R. P. D. STEPHANVS BORGIA S. Congr. a Secretis habita prius de dicto D. GEORG. GABRIELE SINKAI Fide Catholica, et Religione emissa per Eum in manibus eiusd. R. P. D. STEPHANI BORGIA ibid. publicae Fidei professione iuxta formam traditam a fei. PIO PAPA IV. ac iure iurando«tactis corporaliter, et osculatis S.Dei Evangeliis, desuper praestito, consideratis moribus, scientia, ac virtutibus, quibus eundem D. G. GABRIELEM SINKAI Altissimus inlustravit per Auctoritatem Apostolicam memoratum D. G. GABRIELEM SINKAI uti benemeritum, dignum, sufficientem, et idoneum in Philosophia, et S. Theologia Doctorem, ac Magistrum creavit, fecit, solemniter pronunciavit, et ordinavit ita, ut in futurum omnibus, et singulis Indultis, Exemptionibus, et Privilegiis, Favoribus, Praeeminentiis, Dignitatibus, et Honoribus, quibus alii sic promoti tam in Urbe, quam in totius Orbis Universitatibus Ultriusque Facultatis Magistri, et Doctores de Iure, ac consvetudine, aut alias quomodolibet utuntur, potiuntur, et gaudent, uti, potiri, et gaudere possit, et debeat. Dans praeterea, et concedens Ei Licentiam, ac l i beram Fucultatem, et Authoritatem Legendi, Docendi, Glossandi, Interpretandi, ac Magistralem Cathedram ascendendi, similiter alios omnes, et singulos Actus Magistrales publice, et privatim exercendi prout Sibi placuerit, et videbitur. Atque ad absolutionem gestorum huius modi solita Doctoratus Insignia eidem D. GEORGIO GABRIELI SINKAI contulit, et Annulum eius digito Annulari, et Biretum capiti pro Corona imposuit, Libros clausos, et apertos mox in manibus tradidit, ac Ipsum denique induxit in Cathedram Magistralem, et conlocavit, ut intelligeret, Se inter Utriusque Facultatis Doctores admissum, et receptum fuisse : pronti ad Osculum fraternum a singulis Magistris, ac Doctoribus, ibidem praesentibus admissus, atque reeeptus fuit ad Laudem, et Gloriam Omnipotentis Dei, et SalvatorisNostris J e s u C h r i s t i . Amen. In quorum fidem, et testimonium praemissorum Praesentes fieri, et Nostra manu subscriptas Sigilli Nostri, quo in talibus utimur, iussimus adpensione muniri. Datum Romae in Collegio Urbano de propaganda Fide. Die XXVIII. Mensis Ianuarii Anno a Nati vitate Domini Nostri Jesu Christi MDCCLXXIX. Pontificatus Sanctissimi Domini Nostri P I I Divina Providentia VI Anno IV. J o s e p h M a r i a C a r d . C a s t e l l i , m. p. Praefectus. S. B o r g i a , m. p. Secret.
Sigillum est pendens e duplici zona rubro-viridi sericea, infusum, impressumque Capsae maiori aeneae, referens Christum Dominurn, post Resurectionem cum erecto Vexillo stantem, et Apostólos duodecim iubentem ubique Evangelium praedicare, cum hac, peripheriam internam ambiente sententia:EVNTES. IN. UNIVERSUM
MUND. PRAED. EVANGEL. OMN. CREAT.* ↑ Erore, in locu de quum, si XIV
- ↑ Et quidem 1. Bibliotheca Vaticana. 2. Bibliotheca vulgo: Sopra la Minerva. 3. Bibliotheca ad Aracelli. A. Bibliotheca Benedictina. 5. Bibliotheca Collegii de Propaganda, cuius sat longo tempore fui Custos.
- ↑ Enotavi autem praeprimis ea ex MSS. Codicibus, quae ad adparandam Historiam Daco-Romanam, sive Valachicam faciunt, cuius tunc fondamenta a me iacta sunt solidissima.
- ↑ Eminentissimus Princeps, et S. R. E. Cardinalis
STEPHANUS BORGIA, id temporis, quo Romae
studui, erat a Secretis S. Congregationis de Propaganda,
meque tanta benignitate complecti dignatus est, ut nedum
facultatem mihi a beatae memoriae SSmo PIO VI.
Summo Pontifice impetraverit omnes Libros legendi,
omnesque Bibliothecas perlustrandi, et consulendi : sed
etiam proprio aere eruditum quemdam Presbiterum conduxerit,
qui me hospitem, et peregrinum omni, quo animus
ferebat, tempore per Bibliothecas Romanas publicas,
perque Eruditorum Societates circumduceret, indigitaret,
et domum reduceret. Quid? quod ipsemet etiam
saepius exquisiverit, et praebuerit legendos, mihi antea
ignotos, Scriptores tales vara idiomatis, qui de Valachis
quidpiam memoriae prodiderunt. Adhibuit me quoque
saepius hospitali Mensae suae, quae cum domesticis, tum
exteris etiam Eruditis referta erat, et ex horum doctissimis
serniocinationibus, ac disputationibus nimiopere in
Historia, aliisque Scientiis profeci. Facultas legendi Libros
prohibitos, sequentis tenoris Scripto fuit mihi attributa.[*]
Nota. ↑ Ex Audientia SSmi Dni Nri PII PP. VI habita die 20. Februarii 1780.
SSmus me infrascripto, Sacrae Congregationis de Propaganda Fide Secretario referente, benigne concessit GEORGIO GABRIELI SINKAI Ordinis S. Basilii M. facultatem retinendi omnes, et cumque damnatorum Auctorum, etiam Haereticorum, prohibitos Libros, quos secreto, et sub clave teneat ne ad aliorum manus deveniant, idque induisit, quoad ipse Orator vixerir. Datum Romae ex aedibus eiusdem Sacrae Congregations, die, et anno quibus supra.
(LS)
Stephan Borgia, m. p.secr. - ↑ Roma redux Viennae in Austria iussus sum subsistere, et ingredi Generale Graeco-Catholicum ad S. Barbaraní Seminarium, altero socio inde paulo post Balasfalvam revocato, remanente tarnen ibidem adhuc A. R. ac CI. D. SAMUELE KLEIN de Szád, mihi coniunctissimo populari. — Doleo, mirorque vehementer, tam omnibus scientiis, et litteris abundanter ornatum, et singularibus editis operibus conspicuum Virum, ab iis domesticis Scriptoribus, qui Hungariae, et Transilvaniae Historiam Litterariam ex professo scripsere, Biographiasque Patriae Eruditorum vulgavere, alto silentio hactenus praeteritum esse; quasi vero iam Graeco-Catholici homines ne sapere quidem possent, aut vellent; ac in censum litteratorum hominum in Patria venire nequirent! quos inter tarnen frequentes sunt, qui Litteris serio, intimeque dediti, etiam arctissimas inter rei familiaris angustias, Ingenia sua percolere non desinunt. Hinc temperare mihi nequeo, quin ea studiosissimi huius familiaris mei, quae mihi nota sunt, nominatiora vitae adiuncta» meritaque litteraria, paucis hicce non perstringam.
- ↑ Lapsus in citando: Invalid
<ref>tag; no text was provided for refs namedfn-13 - ↑ Lapsus in citando: Invalid
<ref>tag; no text was provided for refs namedfn-14 - ↑ Lapsus in citando: Invalid
<ref>tag; no text was provided for refs namedfn-15 - ↑ Lapsus in citando: Invalid
<ref>tag; no text was provided for refs namedfn-16 - ↑ Lapsus in citando: Invalid
<ref>tag; no text was provided for refs namedfn-17 - ↑ Lapsus in citando: Invalid
<ref>tag; no text was provided for refs namedfn-18 - ↑ Lapsus in citando: Invalid
<ref>tag; no text was provided for refs namedfn-19 - ↑ Lapsus in citando: Invalid
<ref>tag; no text was provided for refs namedfn-20 - ↑ Lapsus in citando: Invalid
<ref>tag; no text was provided for refs namedfn-21 - ↑ Lapsus in citando: Invalid
<ref>tag; no text was provided for refs namedfn-22 - ↑ Lapsus in citando: Invalid
<ref>tag; no text was provided for refs namedfn-23 - ↑ Lapsus in citando: Invalid
<ref>tag; no text was provided for refs namedfn-23b - ↑ Lapsus in citando: Invalid
<ref>tag; no text was provided for refs namedfn-24 - ↑ Lapsus in citando: Invalid
<ref>tag; no text was provided for refs namedfn-23c - ↑ Lapsus in citando: Invalid
<ref>tag; no text was provided for refs namedfn-24b - ↑ Lapsus in citando: Invalid
<ref>tag; no text was provided for refs namedfn-25 - ↑ 29.0 29.1 Lapsus in citando: Invalid
<ref>tag; no text was provided for refs namedfn-26