Migne Patrologia Latina Tomus 132
Eclogia
Eclogia (Hucbaldus S. Amandi), J. P. Migne 132.1046A
Incipit ecloga domini Hucbaldi monachi Elnonensis ord. S. Benedicti ad Carolum Calvum imperatorem.
Carmina convicii cerritus, carpere calvos
Conatus, cecinit: celebrentur carmine calvi
Conspicuo clari; carmen cognoscite cuncti.
PROOEMIUM.-- Camenae invitantur ad laudem calvorum.
132.1042|
Carmina clarisonae calvis cantate Camenae.
132.1043A| Comere condigno conabor carmine calvos,
Contra cirrosi crines confundere colli.
Cantica concelebrent callentes clara Camenae:
Collaudent calvos, collatrent crimine claros
Carpere conantes calvos, crispante cachinno.
Conscendat coeli calvorum causa cacumen;
Conticeant cuncti concreto crine comati.
Cerrito calvos calventes carmine cunctos
Consona conjunctim cantentur carmina calvis.
CAP. I.-- Quod calvities in praesagio futurorum quibusque provenire videatur.
Carmina clarisonae calvis cantate Camenae.
Cum crescit capitis cervicis calva corona,
Confortem cleri consignat confore calvum
Capturum claram, Christo cedente, coronam.
132.1043B| Ceu crines capitis convellens crimina cordis,
Corde Creatorem conspectat corpore coelum,
Coelicolas cives cupiens contingere cultu.
Crimina cum curis contemnat cuncta caducis
Coeli conscensum, concentum coelicolarum
Concupiens cupide, collaudat cuncta creantem.
CAP. II.-- Calvos cantores, abbates, doctores, etiam et episcopos esse atque sacerdotes.
Carmina clarisonae calvis cantate Camenae.
Conjubilant calvi claro clamore canori.
Continuantque choros castas cantare choreas.
Conformes capiti concordi corpore cuncti,
Complacitas cleri contendunt condere caulas.
Correpto cornu coelestia classica clangent;
Conficiunt clarum Christi cognomine chrisma,
132.1043C| Consociant cuneo conspersos chrismate coetus.
Concordes cautae celebrant convivia coenae
Consaturant Christi convivas carne, cruore.
CAP. III.-- Quod calvi reges sint et imperatores, consules quoque, legislatores et judices.
Carmina clarisonae calvis cantate Camenae.
Conregnant calvi, conscendunt culmina clari,
Conspicui, compti, chrysea cervice corona
Clementes censu cedunt consulta clientum.
Concinnose, cave, condemnant crimina calvi:
Censorem calvum censuram condere constat;
Cordacem calvum, cordatum crede cavendum.
Calventem caecus caecari corpore credit:
Calvitium calvi caecatus carpere cessa.
Cessa calvastrum, cessa, corrodere cessa.
CAP. IV.-- Quod calvi sint duces exercitus, ipsi etiam bellatores, docti atque robusti.
132.1043D|
Carmina clarisonae calvis cantate Camenae,
Conducunt calvi cuneos certamine claros.
Compugnant calvi cristati casside coni:
Contorquent, crispant celeres cum caede catervas;
Comprendunt cirros, contundunt calce comatos,
Cuspide confodiunt; capulo conscissa corusco.
Colla cadunt, celebrant calvi clamore celeusma
Commotus certare catus certamine calvus,
132.1044A| Conculcat, caedit: crinitos cedere cogit.
Captivos captat, captos cervice coarctat.
CAP. V.-- Laus calvorum in experientia artis medicinae, tam pharmaciae quam chirurgiae.
Carmina clarisonae calvis cantate Camenae.
Comperies calvos columen conferre cerebro:
Comperies calvos capitis curare catarrhos;
Comperies calvos caecas curare cavernas.
Chronica cum cancro ceditque cacexia calvo.
Cardia cor carpens cassatur, colica cessat.
Contrectans chalybem, conscissa carne, coercet.
Corruptum capitis, cocta cervice, cruorem.
Cur complura cano, clandestina cuncta caduci
Corpore confutat, collapsaque corpora curat.
CAP. VI.-- Invectio increpantis adversus cavillatorem calvos conviciantem.
132.1044B|
Carmina clarisonae calvis cantate Camenae.
Cum calvis, cirrose, cave certare Creanti,
Conviciumque creaturae condicere cessa.
Condita cunctipotens causarum cuncta Creator
Constituit, curamque cavens conferre creatis
Coetum curavit clarum consurgere calvi.
Concedit culmen cui cedere cuncta coegit.
Cerritus cur collatrat clamore canino?
Condiderat calvum collapsa cucurbita coeno:
Conticeat citius coenosa calumnia cujus.
CAP. VII.-- Item adversus eumdem, et laus calvorum de humilitate, charitate et castitate.
Carmina clarisonae calvis cantate Camenae.
Complex carnificum corium convellere calvo
132.1044C| Cur censes? Cordis convellit crimina calvus.
Cur censes capiti cineres conspergere calvos?
Cognoscit calvus cineri concrescere corpus.
Cur censes calido carnes carbone cremari?
Corda cremant calvi Christi concocta calore.
Cur censes castum castrari corpore calvum?
Cordetenus cunctis castratur concio culpis.
Carmine carnificans calvum, compesce cavillum.
CAP. VIII.-- Exprobratio carminis ejus et paradigma de Eliseo propheta et pueris illi insultantibus.
Carmina clarisonae calvis cantate Camenae.
Carminibus caveo claris conjungere caeca,
Calcentur coeno calcando culmina calce;
Coenosus coenosa canens concludito cannam.
Censetur certe censorum codice cautum
132.1044D| Clarisonum calvum cui conscia consecuturo
Commotum catulum circumlatrante cachinno,
Clamantes: conscende citus, conscendito, calve;
Condemnasse cacos confestim crimine claren
Convicii corrosa cadunt cum corpora carptim.
CAP. IX.-- De egregio calvo Paulo apostolo, quod a Christo vocatus, caecatus sit raptus in tertium coelum.
Carmina clarisonae calvis cantate camenae.
Carmina calvorum cumulentur carmine calvi
132.1045A| Conspicui, cujus crudelis cautio caedis
Constiterat Christi cultores carnificare.
Conjubilent circumfulgente charismata calvo
Caecato cuncti: Christi clamore citatus
Corruerat cito, ceu confossus cuspide, conto,
Confestimque capit conscensum culmine coeli,
Clarivido cernens conspectu Cunctipotentem,
Confore cor cujus claret coeleste catinum.
CAP. X.-- Quod factus sit ex persecutore praedicator, et quod comam nutrire, et turpem vetarit proferre sermonem.
Carmina clarisonae calvis cantate Camenae.
Conglomerate choros, calvos cantate choreis.
Censuram celebrem calvum compsisse colendum
Comperimus; coeli consul, consulta canendi
132.1045B| Crimina confutat, coenosi cuncta coercet
Colloquii, cunctis communia commoda censet:
Confindit cirros, collegia civice condit.
Conciliando, consponsorum Christicolarum
Corda ciet, capiti corpus conjungere certans;
Cesset cerritus celebres contemnere calvos.
CAP. XII.-- Alloquitur Camenas poeta de cavillatore insinuante eum calvi regis judicio caecatum.
Carmina clarisonae calvis cantate Camenae.
Crudelem calvos casso conamine cunctos
132.1046A| Carpere conantem compescite crimine captum;
Convicii commentantem commenta caduci
Concito convictum claustris concludite caecis.
Calvaster censor caecari crimine captum
Censet; caece canis, cessa contemnere calvum:
Conquinisce, canis, confingens crimina calvis,
Conquinisce, canis, collatrans crimine calvos,
Conquinisce, canis, cessans corrodere calvos.
CAP. XII.-- Epitoma laudis calvorum a corporis situ et pulchritudine, et quod calvus microcosmus sit.
Carmina clarisonae calvis cantate Camenae.
Concilium clarum calvorum cogere coetum:
Cum cernis calvum, coeli comprendito cinctum.
Calvitii culmen coeli cognoscite centrum,
132.1046B| Circuitum cosmi commendant caetera calvi.
Calvos consocia, candentes congere calvos.
Cynthia cessabit chryseos conferre colores:
Cornua contenebrans, cedet concrescere calvis;
Collucent calvi, calvorum cassida candet,
Conrutilans coeli ceu copia clara coruscat.
Clausula carminis.
Carmina clarisonae calvis cantate Camenae.
Conveniet claras claustris componere cannas:
Completur claris carmen cantabile calvis.
132.1045| ( Explicit carmen Hucbaldi monachi ad Carolum de laude Calvorum. )