Migne Patrologia Latina Tomus 89
Diploma pro fundatione Gorziensis
(1119C)In nomine Patris, et Filii, Spiritus sancti, amen. Ego Chrodegangus, ac si indignus, si non opere vel nomine, gratia Dei episcopus, una cum commeatu et voluntate inlustris viri Pippini, majoris domus, senioris nostri, et cum consensu omnium parium nostrorum abbatum, presbyterorum, diaconorum, subdiaconorum, seu hominum sancti Stephani ecclesiae Metensis, vel illorum laicorum bonorum, qui ibidem in servitio sancti Stephani esse videntur, cogitavi, casu humanae fragilitatis, qualiter peccata nostra, donante Domino, possimus abluere, et ad aeterna gaudia pervenire. Idcirco donamus de rebus sancti Stephani ad illam basilicam sancti Petri et sancti Stephani, vel caeterorum sanctorum, quam a novo aedificavimus, in fine Haldiniaca, in pago Scarponinse, (1119D)ubi Gorzia consurgit, et ad ipsam cellam, quam ibidem construximus, et ad opus servorum Dei habitantium ibidem, per hoc testamentum, unde illi monachi vel pauperes ibidem victum et vestitum vel aliam consolationem possint habere; hoc est quicquid in fine Haldianica, ubi ipsam basilicam sancti Petri aedificavimus, quicquid comparavimus aut ad nos per venditionem, donationem, commutationem advenit, et quicquid de ipsa fine Haldiniaca, in unaquaque parte, leuas duas comparavimus, aut nobis traditum vel commutatum fuit, vel in antea ibidem comparatum aut, de quolibet ingenio, legibus ad nos pervenit. Hoc ad ipsam cellam jam dictam (1120C)per hoc testamentum, pro mercedis nostri augmento, et quicquid in ipso fine Haldiniaco casa sancti Stephani ibidem habuit ad ipsam basilicam, vel ad illam cellam sancti Petri proficiat in augmentis. Donamus etiam in ipso pago Scarponinse, in loco nuncupato Siurone, quicquid Rigoaldus ad partem sancti Stephani per suarum strumentum cartarum delegavit, cum illa basilica quae est in honore sancti Pauli constructa, vel quicquid ad hoc aspicit in Godolinovilla et Bodelocurte, vel in fine Haldiniaca et in fine Baudiciaca, vel in fine Aconiaca, vel quicquid in ipsas fines Rigoaldus et germanus suus Gontrannus ad partem sancti Stephani, per illorum strumenta, delegaverunt, et quicquid Bavo in Tantalino villa, per suum strumentum, ad casam sancti Stephani delegavit. Donamus (1120D)etiam, in pago Scarponinse, in villa Buesarias, quod casa sancti Stephani legibus ibidem habere videtur, vel in illas fines, sicut jam dictum est, quod boni homines, per illorum strumenta, ad casam sancti Stephani delegaverunt. Donamus etiam in ipso pago Scarponinse villam sancti Stephani, cujus vocabulum est Puina, cum mansis, curtilis, ortilis, domibus, aedificiis, terris, campis, pratis, vineis, silvis, cultis et incultis, aquis, aquarumve decursibus, mancipiis, litis, alcolabus vel epistolariis, peculiis utriusque generis sexus, mobilibus vel immobilibus, vel quicquid ibidem per venditionem, donationem, commutationem, pervenit ad ipsam casam sancti (1121A)Petri vel ad ipsam cellam cum Dei adjutorio proficiat in augmentis. Donamus ad Novum Sartum medietatem de illa silva ubi illi fratres vel illorum homines ad ipsam casam sancti Petri madramen possint facere. Donamus etiam illas res sancti Remigii, cum ipsa basilica in Sigeio constructa, vel quicquid ad hoc aspicit, vel quod usque nunc Adventius per beneficium tenuit sancti Stephani. Donamus etiam in ipso Sigeio vineas quatuor cum vinitoribus et illorum mulieres et illorum mansos et illorum sortes. Haec sunt nomina eorum: Harduinus vinitor, uxor sua epistolaria, Erlofridus vinitor, uxor sua Raganlindis, Erlulfus vinitor, uxor epistolaria, Wandelbertus vinitor, uxor sua epistolaria. In ipsa villa donamus ancillas his nominibus: Amelbergane ancilla, (1121B)Rigobertane ancilla, Eminane ancilla et illam decimam de illis vineis dominicatis, tam de vino quam de annona, aut aliunde. Donamus etiam ad Castellum vineas tres cum vinitoribus et illorum uxores et illorum mansos vel illorum sortes; haec sunt nomina eorum: Adelfridus vinitor, uxor sua ancilla nomine Gaucia, Anglifridus vinitor cum uxore sua, item Adelfridus cum uxore sua Wandelbergane ancilla et germana ancilla. Donamus etiam ad Gaudiacum illud oratorium quod est in honore sancti Andreae constructum, vel quicquid ad hoc pertinet, vel quod Teudonius per beneficium sancti Stephani ibidem tenuit. Donamus etiam ad Cuberacum illam basilicam quae est in honore sancti Martini constructa, quod Candidianus cancellarius per beneficium tenuit, vel (1121C)quicquid ad ipsam basilicam aspicit, ad ipsam casam sancti Petri et ad illos fratres vel monachos proficiat in augmentis, et illa decima de Prunido, de annona, de feno, de vaccis, de porcis, de vervecibus, vel de jumentis, vel aliunde ad ipsam casam jam dictam (1122A)proficiat in augmentis. Donamus etiam decimam de Miliriaco, de illo vino quod ibidem annis singulis collectum erit. Donamus etiam supra Musellam villam Cluserado cum illo villacerlo qui dicitur Riviniacus, cum mansis, curtulis, ortulis, domibus, aedificiis, terris, campis, pratis, vineis, silvis, cultis et incultis, aquis, aquarumve discursibus, mancipiis, litis, accolabus, epistolariis, peculiis utriusque generis sexus, mobilibus et immobilibus, vel quicquid in ipsa fine casa sancti Stephani habere videtur, ad ipsam casam sancti Petri vel ad ipsam cellam, sicut superius dictum est, ad ipsos monachos, vel ad ipsos fratres proficiat in augmentis. Donamus etiam illam decimam de illo vino de Bredraculo totam annis singulis. Haec omnia superius intimata ad ipsam Gorziam vel (1122B)ad illos monachos, et pauperes ibidem elemosynam sperantes, omni tempore proficiant in augmentum. Si quis vero, ex successoribus vel fratribus meis predicti cleri Metensis, seu quaelibet persona, contra hujus testamenti mei paginolam venire temptaverit, aut aliquid exinde facere voluerit, absque mea voluntate, minuere conatus fuerit, aut devotionem meam in omnibus adimplere noluerit, vel sacramenta supra intimata observare contempserit; dum maledicere quemquam nolo, nichilominus noverit se in tremendum diem judicii ante tribunal Christi mecum ex hoc causaturum; et, ut omni tempore haec paginola testamenti nostri maneat inconvulsa, manu propria eam roboravi, et fratribus nostris vel reliquis bonis hominibus, qui consentientes fuerunt, (1122C)affirmandum rogavi. Actum apud Andernacum in palatio publice. Anno ab Incarnatione Domini DCCXLV, indictione XIII, epacta XIIII, concurrente IIII, anno VI Childerici regis, XX die mensis Maii. Sigillum inlustris viri Pipini majoris-domus.