Migne Patrologia Latina Tomus 80
EthAng.Decret8 80 Ethelbertus Anglorum560-616 Parisiis J. P. Migne 1850 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin Haec sunt judicia quae Ethelbertus rex constituit Augustini diebus. I. Dei peculium et Ecclesiae duodecies emendetur; episcopi peculium undecies emendetur; sacerdotis peculium novies emendetur; diaconi peculium sexies emendetur; clerici peculium ter emendetur, ecclesiae pax bis emendetur; monasterii pax bis emendetur.
II. Si rex populum suum ad se vocaverit, et ipsis quis ibi malefecerit, dupliciter compensetur, et regi L solidi solvantur. III. Si rex in alicujus domo convivetur, et ibi aliquis damni quid fecerit, duplici emendatione emendet. IV. Si liber homo regi furto quid auferat, novena compensatione compenset. V. Si in regis villa aliquis hominem occiderit, L solidis emendet. VI. Si quis hominem liberum occiderit, rex L solidos pro dominio recipiat. VII. Si quis regii praefecti fabrorum aut pincernae famulos occiderit, moderatam inulctam ordinariam ( leodgelde ) solvat. VIII. Regis patrocinium violatum L solidis compensetur. IX. Si liber homo a libero quid furetur, tripliciter emendet, et rex habeat mulctam, et omnia ejus bona. X. Si quis cum regis ancilla virgine concubuerit, L solidis emendet. XI. Si ea molens serva sit, XXV solidis emendet, si ea tertiae sortis, XII solidis. XII. Regis obsonatrix XX solidis compensetur. XIII. Si quis in comitis villa aliquem occiderit, XII solidis compenset. XIV. Si cum comitis pocillatrice quis concubuerit, XII solidis compenset. XV. Plebeii patrocinium violatum VI solidis emendetur. XVI. Si cum plebeii pocillatrice quis concubuerit, VI solidis emendet, pro alia serva L scaettas, pro tertiae sortis XXX scaettas solvat. XVII. Si quis in domum alicujus primus ingredietur, VI solidis emendet; qui secundus ingredietur, III solidis, deinde unusquisque solido. XVIII. Si quis aliquibus arma accommodet ubi rixa est, et nihil mali patretur, VI solidis compenset. XIX. Si latrocinium factum sit, VI solidis emendet. XX. Si quis autem aliquem occiderit, XX solidis emendet. XXI. Si quis aliquem occiderit, moderatam mulctam ordinariam C solidos compenset. XXII. Si quis aliquem occiderit ad apertum sepulcrum, XX solidos compenset, et intra XL dies totam mulctam ordinariam compenset. XXIII. Si homicida patria exierit, cognati ejus mediam ordinariam mulctam solvant. XXIV. Si quis ingenuum hominem vinxerit, XX solidos compenset. XXV. Si quis plebeii convictorem occiderit, VI solidis emendet. XXVI. Si hospes autem occiderit primarium convictorem, LXXX solidis emendet. XXVII. Si autem secundum occiderit, LX solidis compenset, tertium autem XL solidis compenset. XXVIII. Si liber homo septi violationem fecerit, VI solidis emendet. XXIX. Si quis rem intus servatam abstulerit, is triplici compensatione emendet. XXX. Si liber homo septum superaverit, IV solidis emendet. XXXI. Si quis aliquem occiderit, proprio sensu ( agene scaete ) et proba pecunia quemlibet compenset. XXXII. Si liber homo cum liberi hominis uxore concubuerit, ejus capitale redimat, et aliam uxorem propria pecunia mercetur, et illi alteri eam adducat. XXXIII. Si quis dextrum femur lancea transpunxerit, valore suo illud compenset. XXXIV. Si comae prehensio fiat, L scaettae ad emendationem solvantur. XXXV. Si os appareat, III solidis compenset. XXXVI. Si os laedatur, IV solidis compenset. XXXVII. Si id penitus ipsi rumpatur, X solidis compenset. XXXVIII. Si utrumque fiat, XX solidis compenset. XXXIX. Si humerus claudicans reddatur, XX solidis compenset. XL. Si altera auris nihil audit, XXV solidis compenset. XLI. Si auris abscindatur, XII solidis emendetur. XLII. Si auris perforetur, III solidis compenset. XLIII. Si auris attondeatur, VI solidis emendetur. XLIV. Si oculus excutiatur, L solidis compenset. XLV. Si os aut oculus damno afficiatur, XX solidis emendetur. XLVI. Si nasus perforetur, IX solidis emendetur. XLVII. Si sit una membrana, III solidis compenset. XLVIII. Si ambae perforatae sint, VI solidis emendetur. XLIX. Si nares singulae attondeantur, unaquaeque VI solidis emendetur. L. Si perforentur, VI solidis emendetur. LI. Qui menti os absciderit, XX solidis compenset. LII. Pro quatuor dentibus prioribus, pro singulis VI solidi; pro dente qui tunc proximus est, IV solidi; pro eo qui tunc juxta stat, III solidi, et deinceps pro singulis solidus; si elocutio deterior fiat, XII solidi; si maxilla fracta fuerit, VI solidi compensentur. LIII. Qui brachium pertundit, VI solidis compenset. Si brachium fractum fuerit, VI solidis emendetur. LIV. Si pollex abscindatur, XX solidis; si pollicis unguis abscindatur, III solidis emendetur; si quis indicem digitum absciderit, VIII solidis compenset; si quis medium digitum absciderit, IV solidis compenset; si quis digitum annularem absciderit, VI solidis compenset; si quis autem minimum digitum absciderit, XI solidis compenset. LV. Pro unguibus singulis solidus compensetur. LVI. Pro minimo naevo III solidi, et pro majoribus VI solidi. LVII. Si quis alteri pugno nasum verberet, III solidi. LVIII. Si plaga sit, solido; si elata manu plagam exceperit, solido compenset. LIX. Si plaga nigra sit extra vestes, XXX scaettis emendet; si sit intra vestes, quaelibet XX scaettis emendetur. LX. Si diaphragma vulneretur, XII solidis compenset; si perforetur, XX solidis emendet. LXI. Si quis claudicans reddatur, XXX solidis emendetur. LXII. Si callum quis vulneraverit, III solidis emendet. LXIII. Si cui genitale membrum abscindatur, triplici mulcta ordinaria illud compensetur; si pertusum sit, VI solidis emendet; si quis inciderit, VI solidis compenset. LXIV. Si femur ruptum fuerit, XII solidis compensetur; si is claudus fiat, ibi amici judicare debent. LXV. Si costa rumpatur, III solidis compenset. LXVI. Si femur quis transpunxerit, quaelibet incisio VI solidis compensetur; si supra pollicem penetret, solido; pro duobus pollicibus duo, supra, tres III solidi solvantur. LXVII. Si vertebra vulneretur, III solidis emendetur. LXVIII. Si pes amputetur, L solidis compensetur. LXIX. Si major digitus pedis amputetur, X solidis compensetur. LXX. Pro aliis digitis pedis singulis dimidium pretii, sicuti de digitis manus dictum est, solvatur. LXXI. Si majoris digiti pedis unguis amputetur, XXX scaettae ad emendationem, pro caeteris singulis X scaettae compensentur. LXXII. Si libera femina capillata inhonesti quid fecerit, XXX solidis emendet. LXXIII. Virginis compensatio sit ut liberi hominis. LXXIV. Patrocinium violatum potioris viduae nobilis familiae L solidis emendetur; secundariae XX solidis; tertiae XII solidis; quartae VI solidis. LXXV. Si quis viduam non sui juris duxerit, bis compenset patrocinium violatum. LXXVI. Si vir virginem mercetur pretio, empta sit, si sine dolo factum sit; si autem dolus subest, postea domum reducatur, et illi peculium suum reddatur. LXXVII. Si ipsa vivum fetum pepererit, medietatem bonorum habeat, si vir ante moriatur. LXXVIII. Si cum liberis recedere velit, dimidium facultatum habeat. LXXIX. Si maritus habere velit liberos, sint ipsi sicuti unus liberorum. LXXX. Si ipsa prolem non pepererit, cognati bona habeant, ipsa alimenta, et dotem. LXXXI. Si quis virginem per vim ceperit, possessori L solidos det, et postea secundum possessoris voluntatem eam redimat. LXXXII. Si ea alteri in pretio desponsata sit, XX solidis compenset. LXXXIII. Si gravida fuerit, XXXV solidos, et regi XV solidos solvat. LXXXIV. Si quis cum servi uxore concubuerit, vivo marito, bis emendet. LXXXV. Si servus alterum occiderit innocentem, omnibus facultatibus compenset. LXXXVI. Si servi oculus et pes excutiatur, omni valore compensetur. LXXXVII. Si quis servum alicujus vinxerit, VI solidis emendet. LXXXVIII. Servi latrocinium sit III solidi. LXXXIX. Si servus furetur, duplici emendatione compenset.