Migne Patrologia Latina Tomus 137
De restitutione scriptorum monasteriis
De restitutione scriptorum monasteriis (Guido II Podiensis), J. P. Migne 137.0853D
De restitutione scriptorum monasteriis
137.0853D| Ego in Dei nomine Wido abbas ex monasterio sancti Pauli Cormaricense, seu ex monasterio sancti Salvatoris Villalupae, sub ejus patrocinio degente; necnon ex monasterio sancti Petri Ferrariensis, atque ex monasterio sancti Albini Andecavensis, notum 137.0854D| fieri cupio omnibus sanctae Dei Ecclesiae fidelibus, tam praesentibus, quam futuris, qualiter locis in meo regimine consistentibus omni affectione atque conamine consulere velim. Ego siquidem quondam bonis omnibus affluens, prosperitatibus saeculi fulgens, 137.0855A| cuncta postponens, tirocinio Christi me mancipans, monasticum ideo sumens onus: sed saecularibus praepeditus negotiis, insuper inimici tentationibus instigatus, multimodis susceptum monasticum ordinem non, ut decebat, hactenus custodivi, sed plurimis interlabentibus culpis praevaricavi. Denique loca in meo regimine consistentia, qui debueram bona pro posse augendo ad meliora provehi, plurima inde subtrahens, quaesivi ad ima relabi. Nunc vero poenitudine ductus, quod minus peregi, supplere cupio. Hortante quoque Widone episcopo, avunculo meo, nec non domni abbatis Hycmari impulsu, quin potius divino instinctu, terram quam de his locis, proh nefas! sustuli, benigno animo illis reddo: fecique hanc scriptionem, 137.0856A| ut si quispiam aliquid illicite tenet, quod ego ei maligno depravatus consilio contuli, jam non audeat retinere. Hoc quoque scriptum fratri meo Gaufrido Andecavorum comiti direxi, qui gratante animo eum manu propria firmavit, fidelium quoque manibus roborandum esse decrevit. Signum domni Widonis abbatis, qui hanc editionem fieri jussit; S. Widonis episcopi, S. domni Hynmari abbatis, S. Nefingi episcopi, Fr. Wido manu propria firmavit, S. Gaufredi comitis, S. Marcoardi, S. Rainaldi, S. Warini, S. Widonis, S. Guatoni, S. Odonis, S. Odolgarii, S. Griferii, S. Burchardi, S. Ernegisi, et aliorum XV.