Migne Patrologia Latina Tomus 126
De jejuniis per annum
De jejuniis per annum (Bertarius Cassinensis), J. P. Migne 126.0989A
De jejuniis per annum
126.0987C| Quatuor tempora, quatuor sunt legitima jejunia in anno, scilicet mensis primi hebdomada prima, feria quarta et sexta et sabbato in duodecim lectiones jejunandum usque ad vesperum. Mensis quarti, id est Junii, hebdomada secunda, feria quarta et sexta et sabbato in duodecim lectiones jejunandum usque ad nonam. Mense Septembrio, id est mensis septimi hebdomada tertia, feria quarta et sexta et sabbato in duodecim lectiones jejunandum usque ad nonam. Mense decimo hebdomada quarta, feria quarta et sexta et sabbato in duodecim lectiones jejunandum est usque ad vesperum. Ista duodecim legitima jejunia per annum excusant pro peccatis centum solidos in auro cocto. Cumque studiose haec duo . . . . . . 126.0987D| no pellit . . . liberabit . . . . animam. Extra ea jejunia, quae Prior indixerit pro quacunque tribulatione.
De reliquis jejuniis.
In vigilia sancti Matthaei et Natalis Domini et Epiphania jejunandum usque ad vesperum. In vigilia 126.0988C| Ascensionis Domini, Pentecostes, et sancti Joannis Baptistae, et sancti Petri, et sancti Laurentii, et sanctae Mariae; in vigiliis harum festivitatum semper jejunandum est usque ad nonam, et expleta missa reficiant. Si nominatae vigiliarum reliquiae die Dominico occurrerint, non licet jejunare. Octava Natalis Domini, octava Epiphaniae, Purificationis sanctae Mariae, sed et sanctae Scholasticae, sanctorum Faustini et Jovitae sancti Germani, dedicatio sancti Benedicti sursum, et dedicatio Domini Salvatoris et sanctae Mariae deorsum. In istis omnibus festivitatibus non jejunatur usque ad vesperum, nisi si evenerit sanctae Scholasticae, aut sanctorum Faustini et Jovitae, vel sancti Matthiae apostoli in 126.0988D| quinquagesima, aut in quadragesima. Quod si evenerit, sic agatur sicut in aliis sacris jejunii diebus. Nam officia ut reliqua omnia de supra scriptis festivitatibus ita agantur, quomodo diximus, sicut et in Dominico die. In sancti vero Gregorii et sancti Benedicti, et Annuntiatione sanctae Mariae duodecim lectiones fiunt, et genua in oratione fratres non 126.0989A| flectunt, sed jejunium usque ad vesperum observant; tamen post vesperas refectionem faciunt de cotto et vino. In sancti Stephani et sancti Joannis evangelistae, et in feria secunda, et in feria tertia post Pascha, novem quidem lectiones faciunt; nam missa ita agitur, sicut in die Dominico. In istis omnibus supra scriptis festivitatibus semper ad matutinum Dominus regnavit canitur, et genua non flectuntur, et capitulum et lectio ad seram non leguntur. Nam in aliis omnibus sanctorum novem quidem lectiones faciunt, matutinum et missa ita agitur, sicut in quotidianis diebus, genua flectent, jejunium observent usque ad horam statutam; Miserere mei, Deus, ad vesperas et matutinum et ad primam non cantent: nam caeteris horis cantatur, praeter si in 126.0989B| Dominico die venerit, si contigerit, celebratur sicut Dominica. De divisione matutini et nocturni ita agitur. A Kalendis novembris usque in vigiliam Coenae Domini, sicut sanctus Benedictus praedestinavit. Praeterea in vigilia Natalis Domini, et in omnibus sanctorum et Dominicis diebus, quod minime 126.0990A| licet dividere. A Natali Domini usque Epiphaniam genua non flectuntur: Miserere mei, Deus, in oratione publica ad nullum officium cantant usque in octavam Natalis Domini. Similiter a Pascha usque octavam Pentecosten; postea vero cantent. De refectorio autem omnia adimpleri debent, sicut sanctus Benedictus dicit, sive aestatis, sive hiemis, sive quadragesimae, omnia secundum tempus suum. Praeter quod consuetudo est, sive sursum, sive deorsum, ut non reficiant ad nonam, usque dum vindemiaverint. Cum autem liberi a vindemia fuerint, statim ad nonam horam reficiunt, et post vesperas gustum manducant, et bibunt iterum, quod in regula non est scriptum. Similiter et quinquagesima post refectionem secundum consuetudinem, 126.0990B| antequam lectio legatur, tota hebdomada bibunt, quod nec istud in regula dicitur. Quando autem mandatum faciunt, si Dominus abundantiam vini dederit, semper bibunt; si autem exiguum fuerit, abstinebunt.