Migne Patrologia Latina Tomus 138
Coronatio Judithae (Carolus II Calvus), J. P. Migne
cc_id: cps_2.CaIiCa.CorJud, cc_idno: 9698
Benedictio super reginam, quam Edelulfus rex accepit in uxorem. 138.0639C| ¶
Nubas in Christo obnupta nube caelesti, et refrigerata 138.0640C| gratia spiritali, ac protecta ab omni inlicita concupiscentia, pangas foedus cum oculis tuis, ut non videas alienum virum ad concupiscendum eum, 138.0641A| et non moecheris in corpore vel corde tuo, et avertas oculos tuos, ne videant vanitatem: quatenus in via Domini vivificeris, ut possis dicere cum propheta: Ad te levavi oculos meos qui habitas in coelis. Et: Levavi oculos meos in montes, unde veniat auxilium mihi. Per conditorem et redemptorem ac dominum nostrum Jesum Christum, qui cum Patre et Spiritu sancto vivit et regnat in saecula saeculorum.
Benedic, Domine, has detes, et accipientes tua benedictione dotare digneris: ut conjugii fidem et thorum immaculatum servantes, sanctorum patriarcharum adscisci mereantur consortio. Per Dominum.
Accipe anulum, fidei et dilectionis signum, atque conjugalis conjunctionis vinculum, ut non separet 138.0641B| homo quos conjungit Deus. Qui vivit et regnat in omnia saecula saeculorum.
Despondeo te uni viro virginem castam atque pudicam futuram conjugem, ut sanctae mulieres fuere viris suis, Sarra, Rebecca, Rachel, Hester, Judith, Anna, Noemi, favente auctore sanctificatore nuptiarum Jesu Christo domino nostro, qui vivit et regnat in saecula saeculorum.
Deus, qui in mundi crescentis exordio multiplicandae proli benedixisti, propitiare supplicationibus nostris, et huic famulo tuo et huic famulae tuae opem tuae benedictionis infunde; ut in conjugali consortio secundum beneplacitum tuum affectu compari, mente consimili, sanctitate mutua copulentur. Dita eos fructibus sanctis et operibus benedictis. 138.0641C| Fac illos talem sobolem generare, quae ad tui paradisi pertineat hereditatem. Aperi, Domine, januas coeli, et visita eos in pace. Inriga terram eorum, ut germinet fructum spiritalem. Sanctifica eos, qui datus es nobis ex virgine; et praesta eis tempora salutis, quae ante tuum adventum praedixit sanctus propheta Johannes, ut hic fideliter credant, et beate viventes vitam et regnum consequantur aeternum, gratia tua, Christe salvator noster, qui cum Deo Patre in unitate Spiritus sancti vivis et regnas Deus per omnia.
Benedictio reginae. Te invocamus, Domine sancte, Pater omnipotens, aeterne Deus, ut hanc famulam tuam, quam tuae divinae dispensationis providentia in praesentem diem juvenali flore laetantem crescere 138.0641D| concessisti, tuae pietatis dono ditatam, plenam veritatis, de die in diem coram te et hominibus ad meliora semper proficere facias; ut in regimine suo gratiae supernae largitatem congaudens suscipiat, et misericordiae tuae muro adversitate undique munita, cum pace propitiationis vivere mereatur. Per Dominum.
138.0642A| Sursum corda. Domine sancte, pater omnipotens, aeterne Deus, electorum fortitudo, et humilium celsitudo, qui in primordio per effusionem diluvii crimina mundi purgari voluisti, et per columbam ramum olivae portantem pacem terris redditam demonstrasti, iterum Aaron famulum tuum per unctionem olei sacerdotem unxisti, et postea per hujus unguenti infusionem ad regendum populum Israeliticum sacerdotes, reges, et prophetas perfecisti, vultumque ecclesiae in oleo exhilarandum prophetica famuli tui voce David esse praedixisti; qui hoc etiam unguento famulae tuae Judith ad liberationem servorum tuorum et confusionem inimicorum vultum exhilarasti, et ancillae tuae Hester faciem hac spiritali misericordiae tuae unctione adeo lucifluam 138.0642B| reddidisti, ut efferatum cor regis ad misericordiam et salvationem in te credentium, ipsius precibus inclinares. Te quaesumus, omnipotens Deus, ut per hujus creaturae pinguedinem, columbae pace, simplicitate, ac pudicitia decoram efficias. Per dominum nostrum Jesum Christum filium tuum, qui venturus est judicare.
Coronatio. Gloria et honore coronet te Dominus, et ponat super caput tuum coronam de spiritali lapide pretioso; ut quicquid in fulgore auri et in vario nitore gemmarum significatur, hoc in tuis moribus, hoc in actibus semper refulgeat. Quod ipse praestare dignetur cui est honor et gloria in secula seculorum.
Benedictiones. Benedic, Domine, hanc famulam 138.0642C| tuam, qui regna regum a saeculo moderaris. Amen.
Opera manuum illius suscipe, et benedictione tua terra ejus de pomis fructuum caeli et rore atque abysso subjacente repleatur. Amen.
De vertice antiquorum montium et collium aeternorum, de frugibus terrae, et plenitudine ejus tua benedictione laetetur. Amen.
Benedictio illius qui apparuit in rubo veniat super caput ejus. Da ei de rore caeli et de pinguedine terrae abundantiam frumenti et vini; ut serviant illi ac semini ejus populi, et in honore tuo tribus illam et semen ejus adorent. Amen.
Reple eam benedictionibus uberum et vulvae. Benedictiones patrum antiquorum confortatae sint super eam et super semen ejus, sicut promisisti 138.0642D| servo tuo Abrahae et semini ejus in saecula. Amen.
Concede, quaesumus, omnipotens et misericors Deus, ut haec dona tua, quae fideles tui acceperunt de manu tua, dantibus, accipientibus, et dispensantibus ad praesentis vitae subsidium, ac redemptionem animarum, atque ad vitam capessendam proficiant sempiternam. Per Dominum.