Concilium Virdunense.
Flodoardus Remensis, Annales ad anno 947:
Synodus prædicta Virduni habita est præsidente Rotberto Treverensi præsule cum Artoldo Remensi, Odalrico Aquensi, Adalberone Mettensi, Gosleno Tullensi, Hildebaldo transrhenensi, Israhele Brittone; præsente Brunone abbate fratre regis Othonis, Agenoldo quoque et Odilone cum aliis quibusdam venerandis abbatibus. Ad quam Hugo episcopus evocatus missis etiam duobus ad eum deducendum episcopis Adalberone et Gosleno venire noluit. Universa vero synodus domno Artoldo Remense tenendum adiudicavit episcopium. Indicitur iterum synodus Idus Ianuarii habenda.