In sanctæ Trinitatis nomine. Cum in diocesim Burdigalense Modogarnomo castro super fluvio Garonna per iussorium gloriosi principis Childericis regis convenissemus et ibidem in æcclesia sancti Petri apostoli cum provinciales Acutanis pro statu æcclesiæ vel stabilitatem regni fuissemus adunati ibique multa contraria contra statuta patrum vel cannonica auctoritate inventa sunt, eo quod clerici per contumacia propriis episcopis dispicerint et secularem abitum et adhuc, quod peius est, amplius quam secularis diversa contraria agerent, ibidem decretum est secundum statuta patrum:
I.
recensereUt abitum concessum clerici religiose habitare debeant et nec lanceas nec alia arma nec vestimenta secularia habere nec portare debeant, sed secundum quod scriptum est: Non in gladium suum possidebunt terram et brachium eorum non liberabit eos, set dextera tua et brachium tuum et inluminatio vultus tui, statutum est, ut, qui post hanc definitionem hoc agere aut adtemtare presumserit, canonica feriatur sententia.
II.
recensereSimiliter presbyteri, diaconi aut quicumque ex clero seculari mundeburdo, vel familiare est, nisi cum convenientia episcopi, cum caritatem, dilectionem, absque contumatia episcopi ausus fuerit ordine temerario habere, simili sententia subiaceat.
III.
recensereDe subintroductis vero mulieribus episcopus aut aba aut quicumque ex ordine sacro contra antiqua patrum statuta, nisi quod continent canones, vel in deinceps habere præsumserit, ipsa canonica sententia iudicetur.
IV.
recensereEpiscopi vero, qui, ut scriptum est, quasi caput æcclesiæ præminent et, ut beatus Hieronimus scripsit, sicut apostoli esse debeant, formam talem æcclesiis ostendant, ut ipsi diligant clero et ipsi diligantur a clero et formam sint fidelium concessum habitum, conversatione, in verbo, in obedire; in omni modoque eo, quod seculare est, omnibus postposito teneant religionem; et, sicut dicit apostolus, veram talem formam et religionem teneant, ut et stabilitas regni per eos debeat stare et salus populi, sicut decet, per eos debeat Domino auxiliante durare. Et si contra ordine canonico aliquid adtemtare præsumserint, cannonica sententia se noverint esse cohercendos.
Unde mediante viro inlustri Lupone duce per iussionem supra fati gloriosi principis Childerici hæc omnia, que superius abentur inserta, in omnibus conservari convenit. Quod si quis inmemor, quæ superius conpræensa sunt, contemptor fuerit senodali concilio, canonica se noverit incurrere sententia. Abbates vero vel monachi sub religionem sanctorum patrum in omnibus conversari debeant.
(Subscriptiones episcoporum):
recensere- Adus metropolitanus Bituricensis urbis episcopus.
- Iohannes metropolitanus Burgdigalensis urbis episcopus.
- Scupilio metropolitanus Elosane urbis episcopus.
- Ermenomaris Petrogoris urbis episcopus.
- Leutadus Auxiensis urbis episcopus.
- Saluius Benarnensis urbis episcopus.
- Gundulfus Pasatensis urbis episcopus.
- Ursus Uicoiuliensis urbis episcopus.
- Agnebertus Sanctonis urbis episcopus.
- Bosolenus Lactorinsis urbis episcopus.
- Sesemundus Coseramnis urbis episcopus.
- Artemon Ellerona urbis episcopus.
- Tomianus Æquilesiminus urbis episcopus.
- Maurolenus Coserannus urbis episcopus.
- Beto Caturcino urbis episcopus.
- Siboaldus Agennis urbis episcopus.
- Iohannes abba missus Lemouicine urbis episcopi.
- Onoaldus abba missus Albige urbis episcopi.