Migne Patrologia Latina Tomus 122
Commentarii in Evangelium secundum Joannem
Commentarii in Evangelium secundum Joannem (Joannes Scotus Erigena), J. P. Migne
Commentarii in Evangelium secundum Joannem 122.1243|
122.1243B| Sanctus Ambrosius per subjectum ordinem enumerat memoratas orationes: orationes, obsecrationes, postulationes, gratiarum actiones. Orationi subponit, quando bona nobis postulamus, obsecrationi, quando absolutionem a malis, postulationi pugnam contra omnia adversa. Et praescribit, scire nos debere hoc facere, quando in unum convenimus. Sanctus Augustinus ita: precationes, orationes, interpellationes, sive, ut vestri codices habent, postulationes, gratiarum actiones. Et dicit: quas omnes sive paene omnes frequentat ecclesia in solempnitate sacramentorum. Precatio est omnis oratio ante illud quod agitur in dominica mensa; oratio est quicquid postea agitur usque ad communionem; 122.1244B| interpellatio sive postulatio est quaudo populus benedicitur; gratiarum actio omnia concludit. Ubi sanctus Augustinus dicit precationes, nostri codices habent obsecrationes. Obsecrationi, ut dictum est, subposita est postulatio a sancto Ambrosio pro absolutione peccatorum. Cetera uno modo nominamus, ut pra . . . . . . . st de sancto Augustino. Eandemque vim obtinent, quam sanctus Ambrosius subposuit eis et in celebratione sacramentorum et in ceteris officiis. In omnibus, quae scribo, suspendor virorum ac piorum Patrum judicio. Interim dico, quae sentio. Quae aguntur in celebratione missae, in sacramento dominicae passionis aguntur.
Cetera desunt.