 Colloquium XXXII |
Colloquium XXXIV  |
Personae:
David, Ludimagister.
D.
Pater meus tibi salutem plurimam dicit.
L.
Ain' tu? quando rure rediit?
D.
Heri tantum.
L.
Ut valet?
D.
Optime.
L.
Mater vero ubi est?
D.
Adhuc est in Gallia.
L.
Ubi in Gallia?
D.
Aureliae.
L.
De illa quid auditis?
D.
Esse bona valetudine praeditam, Dei beneficio.
L.
Dominus Deus conservet eam.
D.
Ita precor.
L.
Dic vicissim patri salutem plurimam verbis meis.
D.
Faciam sedulo.