 Admonitio |
Colloquium II  |
Personae:
Unus ex Discipulis, Praeceptor.
D.
Salve, Praeceptor.
P.
Salve per Iesum Christum. An Surrexerunt omnes?
D.
Omnes praeter parvulos.
P.
Nunquis aegrotat?
D.
Nemo, gratia Deo.
P.
Quid agitur?
D.
Alii se induunt, alii iam student gnaviter.
P.
Adestne vobis hypodidascalus?
D.
Iamdudum.
P.
Ite igitur precatum, vosque diligenter commendate Domino Deo per Iesum Christum, deprecatorem nostrum; deinde pergite in studiis vestris, usque ad horam ientaculi.
D.
Ita solemus, Praeceptor.
P.
Credo equidem; sed quia fere somniculosi estis ac negligentes, idcirco ego vos admoneo saepius.
D.
Gratiam habemus, Praeceptor humanissime. Nunquid vis praeterea?
P.
Dic famulo, ut togam adferat.