 Colloquium ΧXIII |
Colloquium XXV  |
Personae:
Franciscus, Dionysius.
F.
Ubi fuisti his diebus?
D.
Rure.
F.
Quo in loco?
D.
In villa nostra.
F.
Quid agebas illic?
D.
Ministrabam patri.
F.
Quid vero ille?
D.
Pastinabat vites nostras.
F.
Quando illinc rediisti?
D.
Heri tantum.
F.
Quid pater?
D.
Una mecum reversus est.
F.
Bene factum: sed quo nunc is?
D.
Recta domum.
F.
Sed quando repetes ludum literarium?
D.
Cras, iuvante Deo, aut summum perendie.
F.
Ergo interim vale.
D.
Et tu vale, mi Francisce.