 Colloquium XLV |
Colloquium XLVII  |
Personae:
Bergerius, Nepos.
B.
Commoda mihi parumper cultellum tuum.
N.
Semper aliquid commodato petis: accipe, quin tu emeres potius.
B.
Non habeo pecuniam.
N.
Cur non petis?
B.
Unde peterem?
N.
A patre.
B.
Non est in hac urbe.
N.
Ubi igitur?
B.
Peregre profectus est.
N.
Quo?
B.
Bernam.
N.
Quo die?
B.
Nudiustertius.
N.
Quando est reversurus?
B.
Cras, ut speramus: sic enim dixit proficiscens.
N.
Bene vertat Deus.