AlpBen.ChaRen 80 Alphanus Beneventanus Parisiis J. P. Migne 1850 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin
Charta renuntiationis
In nomine Domini nostri Jesu Christi, ejusque sanctissimae Genitricis.
Temporibus domini viri gloriosissimi Arichis summi ducis gentis Longobardorum, anno vigesimo quarto gloriosissimi ducatus, qui mense Martio, indictione quarta firmatus.
Nos dominus vir beatissimus hujus sanctissimae sedis Beneventanae Alphanus reverendissimus episcopus, ob solutionem ecclesiae sancti Martini, tibi Trasemundo Schuldachis, qualiter tu nominate Trasimunde ipsam saepius dictam ecclesiam a novo fundamine, usque ad culmen consecrationis perducere visus es in tuo proprio territorio, loco qui vocatur Monsbonionis, qui esse videtur in Buente loco, canonica ratione absolvimus eam praedictam ecclesiam, ut non presbyter, diaconus, vel subdiaconus habeat potestatem eam dandam in plebutea parte esse voluerunt, aut subtrahendam, per quemlibet titulum, excepto presbytero, quem tu, nominate Trasimunde, vel tui haeredes per tempora, ordinare solveris, ipsa jam facta ecclesia, nobis, vel nostris successoribus in nominatam sanctam sedem nostram pervenit consecrandus, secundum canonicam sanctionem: nam aliam nullam rerum habeat potestatem dandi ea, neque a me Alphano Domini gratia episcopo, neque in posteris meis nunquam habeas aliquando aliquam requisitionem, aut reprehensionem de hac mea absolutione; sed ex nunc, et usque in perpetuis temporibus, qualiter superius legitur, in ipsa ratione permanere valeat ipsa nominata ecclesia. Quod monumentum absolutionis tibi Nicolao notario nostro, ut scriberes praecipimus; et ut robur habeat, effigiem sanctae crucis affiximus. Actum Beneventi in episcopio, mense et indictione nominata feliciter.
Ego Majorachi presbyt. me testem scripsi, astantibus sacerdotibus nostris, vel cuncto clero.
Ego Aripaldus scribere me jussi et testes ascribere.