Capitula quæ volumus, ut episcopi, abbates et comites qui modo ad casam redeunt per singula loca eorum nota faciant et observare studeant, tam infra eorum parrochias et missaticos seu ministeria eorum convicinantium qui in exercitu simul cum equivoco nostro perrexerunt.
1.
recensereUt indigentibus adiuvare studeant de annona, ita ut famis periculum non pereant.
2.
recensereUt medio mense Agusto cum excarritis hominibus ad nos esse debeant, si antea iussio nostra ad eos non pervenerit pro aliqua necessitate.
3.
recensereUt omnes præparati sint ad Dei servitium et ad nostram utilitatem, quandoquidem missus aut epistola nostra venerit, ut statim nobiscum venire faciatis.
4.
recensereSi alicui de illis hominibus qui in exercitu exire valent et una cum dilecto filio nostro Karolo esse videntur aliquis ad casam male fecerit, aut in uxore aut in domo aut in aliis quibuslibet causis, ut ipsi malefactores conpræhensi et in cippo et in carcere fiant missi et sub custodia salvi, usque dum ad casam remeaverint contra quos illa mala fuerit perpetrata.
5.
recensereDe latronibus et malefactoribus habeant providentiam quantum melius possunt una cum missis illorum qui in exercitu sunt.
6.
recensereUt per civitates monasteria virorum et puellarum commonere faciant, ut omnes pie et caste Dei servitio certent vivere et eorum pauperes et familias iuxta possibilitatem nutrire faciant.