Ammonere vos cupimus, fratres et filii mei, ut ista pauca capitula, quæ hic scripta sunt, intentius audiatis.
I.
recensereInprimis, ut sacerdos dei de divina scriptura doctus sit et fidem trinitatis recte credat et alios doceat et suum offitium bene possit implere.
II.
recensereUt totum psalterium memoriter teneat.
III.
recensereUt signaculum et babtisterium memoriter teneat.
IV.
recensereUt de canonibus doctus sit et suum pœnitentiale bene sciat.
V.
recensereUt cantum et compotum scire debeat.
VI.
recensereUt nullus sacerdos feminam secum habitare permittat excepto matre et sorore et amita.
VII.
recensereUt nullus presbiter seculares curas exigat.
VIII.
recensereUt nullus presbiter usuras accipiat.
IX.
recensereUt nullus presbiter in tabernas ingrediatur.
X.
recensereUt nullus avaritiam sectetur; non sit superbus, non ebriosus, non vinolentus, non somnolentus.
XI.
recensereQuod non liceat in cæna domini ieiunium solvere.
XII.
recensereUt nullus babtizare præsumat nisi in pascha et pentecosten excepto infirmo.
XIII.
recensereUt nullus presbiter, non diaconus, non clericus chrisma alicui dare præsumat pro aliqua necessitate, quia, si hoc fecerit, honorem perdat.
XIV.
recensereUt nullus presbiter ad sinodum contempnat venire.