Migne Patrologia Latina Tomus 138
Benedictio cereorum (Auctor incertus), J. P. Migne cc_id: cps_2.AucInc.BenCer3, cc_idno: 9587
Benedictio cereorum
138.1053A| Domine Deus omnipotens creator coeli et terrae rex regum Dominus dominantium, exaudi nos famulos tuos clamantes et orantes ad te. Precamur te, Domine sancte Pater omnipotens aeterne Deus, qui omnia ex nihilo creasti, et jussu tuo per opera apum hunc liquorem ad perfectionem cerae evenire fecisti, et qui hodierna die petitionem justi Simeonis implesti, te humiliter deprecamur, ut has can+delas ad usus hominum, et sanitatem corporum et animarum sive in terra sive in aquis per invocationem sancti tui nominis, et per intercessionem sanctae Mariae genitricis tuae, cujus hodie festa devote percolimus, et per preces omnium Sanctorum tuorum bene+dicere et sanctificare digneris, ut haec plebs tua illas in manibus honorifice portans, te cantando, 138.1053B| teque laudando, tu exaudies voces illius, de coelo sancto tuo et de sede majestatis tuae. Propitius sis omnibus clamantibus ad te, quos redemisti precioso sanguine tuo, qui vivis et regnas per omnia saecula saeculorum. Amen. Dominus vobiscum. Et cum spiritu tuo. Sursum corda. Habemus ad Dominum. Gratias agamus Domino Deo nostro. Dignum et justum est. Vere dignum et justum est, aequum et salutare. Quia per serenissimam ac placidissimam stellam genitricem tuam, cujus sacratissimum nomem per ineffabile et inenarrabile meritum stella maris interpretatur, humanum genus illuminare lignatus es. Pro hoc maxime gaudio hodierna die ovantes, et has candelas in manibus nostris venerabiliter ferentes, et incessabili voce clamantes, ut pro dulcissimo 138.1053C| amore, et clementissima intercessione tuae dignae genitricis semperque Virginis nos indignos, sed tamen pretioso sanguine tuo redemptos te aeterno ac vero lumine facias clementer perfrui. Per.
Oremus. Omnipotens sempiterne Deus, qui hodierna die Unigenitum tuum ulnis sancti Symeonis in templo tuo sancto suscipiendum praesentasti, tuam supplices deprecamur clementiam, ut hos cereos, quos nos tui famuli in tui nominis magnificentia suscipientes gestare cupimus bene+dicere et sancti+ ficare atque lumine supernae benedictionis accendere digneris: quatinus eos tibi Dno Deo nostro offerendo, digni, et sancto igne tuae dulcissimae caritatis succensi in templo sancto gloriae tuae repraesentari mereamur. Per.
138.1054A| Tunc dividantur candelae per singulos, et accendatur, stantibusque omnibus in eodem loco cantatur haec anthiphona.
Ant. Ave gratia plena Dei genitrix virgo, ex te enim ortus est Sol justiciae, illuminans quae in tenebris sunt. Laetare et tu senior juste, suscipiens in ulnas liberatorem animarum nostrarum, donantem nobis resurrectionem.
Oratio. Exaudi quaesumus Dne plebem tuam, et quae extrinsecus annua tribuis devotione venerari, interius assequi gratiae tuae luce concede. Per.
Tunc primum exeuntes inde procedant usque ad crucem cantando Ant. Responsum accepit Symeon a Spiritu sancto. Non visurum se mortem nisi videret Christum Dominum. Et cum inducerent puerum in 138.1054B| templum, accepit eum in ulnas suas et benedixit Deum, et dixit: Nunc dimittis Domine servum tuum in pace. Versiculi.
Qui sine peccato templi est oblatus ad aram.
A nobis clemens crimina quaeque demat.
Quod chorus vatum venerandus olim Spiritu sancto cecinit repletus, in Dei factum genitrice constat esse Maria Qui sine peccato.
Haec Deum coeli Dominumque terrae virgo concepit, peperitque virgo, atque post partum meruit manere inviolata. Qui sine.
Quem senex justus Symeon in ulnis in domo sumpsit Domini gavisus. Ob quod optatum proprio videret lumine Christum. Qui.
Tu libens votis, petimus precantis, regis aeterni 138.1054C| genitrix, faveto, clara quae celsi retinens Olimpi regna petisti. Qui.
Sit Deo nostro decus et potestas. Sit salus perpes, sit honor perennis. Qui poli summa residet in arce trinus et unus. Qui.
Oratio. Illumina Domine quaesumus populum tuum, et splendore gloriae tuae cor ejus semper accende, ut Salvatorem suum, et incessanter agnoscat, et veraciter apprehendat. Per eundem.
Tunc procedentes inde veniant ad altare sanctae Mariae canendo. Ant. Adorna thalamum tuum Sion, et suscipe regem Christum. Amplectere Mariam, quae est coelestis porta. Ipsa enim portat regem gloriae. Novi luminis subsistit virgo, adducens manibus 138.1054D| filium ante luciferum. Quem accipiens Symeon in 138.1055A| ulnas suas praedicavit populis Dominum eum esse vitae et mortis, et Salvatorem mundi. Oratio. Oremus. Da quaesumus populo tuo Domine inviolabiliter fidei firmitatem ut qui unigenitum tuum in tua tecum gloria sempiternum in veritate nostri corporis natum de matre virgine confitentur, et praesentibus liberentur adversis, et mansuris gaudiis inserantur. Per. Indeque incipiente cantore Ant. Cum inducerent puerum. Ps. Benedictus. Oremus. Perfice in nobis quaesumus Domine gratiam tuam, qui justi Symeonis exspectationem implesti, ut sicut ille mortem non vidit priusquam Christum Dominum videre mereretur, ita et nos vitam obtineamus aeternam. Per eundem.
(Ex codice Rhenaug. saec. XI, circ.)
138.1055B| Ave gratia. V\. Suscepimus etc. Dns vobiscum.
Oremus:
Erudi quaesumus Domine plebem tuam; et quae extrinsecus annua tribuis devotione venerari, intrinsecus assequi gratiae tuae lucem concede. Per Dum nostrum.
Domine Deus creator coeli et terrae, rex regum et Dominus dominantium, exaudi indignos famulos tuos, clamantes et orantes ad te: precamur etc.
Deus Pater omnipotens, lumen indeficiens, conditor omnium luminum! exaudi nos, et bene+dic hoc lumen, quod a te sanctificari atque benedici rogantes offerimus, ut accendamur et illuminemur igne claritatis tuae; et sicut igne illuminasti Moysen, ita quaesumus ut illumines corda, et sensus nostros, et 138.1055C| mittere digneris sanctum angelum tuum Raphahelem: ut qui evulsit et repulit a Sara et Tobia daemonem mortiferum infestantem, conterat illum, et disperdat de cunctis habitationibus colentium Dominum, de basilicis, de domibus, de angulis, de lectulis, de refectoriis, de universis locis in quibuscunque famulantes Domino habitant, et requiescunt, dormiunt, vigilant, ambulant, consistunt; nec amplius valeat inquietare, vel pavores inmittere super illos, quos sancti crismatis tui unctio fecit esse munitos.
Bene+dico te cera in nomine sanctae Trinitatis: ut sis exterminatio diaboli, et omnium contubernalium ejus. Per cum, qui vivit et regnat Deus per omnia secula seculorum. Amen.
138.1055D| Adesto supplicationibus nostris omnipotens Deus! 138.1056A| et has candelas tua bene+dictione perrunde; quatenus fidelis populus eas in manibus portans non solum exteriori lumine gaudeat, sed cecitate cordis repulsa, sic lumen, quod in tenebris lucet, apprehendat: ut nequaquam a via veritatis aberret. p. D. n. l. Ch. F. t. q. tec. v. et r. in u. Sp. S. D. per om. sc. Amen.
Dominus vobiscum etc. Sursum corda etc.
Gratias agamus Dno etc.
Vere dignum etc. aeterne Deus.
Fons, et origo totius lucis, qui mundum illuminasti lumine tuae claritatis, mittendo nobis unigenitum tuum per uterum intemeratae Virginis; et quem longe ante promisisti Prophetarum oraculis, temporibus novissimis ipsum misisti lucem, populis 138.1056B| sedentibus in tenebris, in regione umbrae mortis in ipso claritas exorta est eis: Tu quoque benedictione tua digneris bene+dicere has candelas Nomini tuo praeparatas; qui nos transtulisti a potestate tenebrarum in lucem, et regnum dilecti filii tui, per quem exortum est in tenebris lumen rectis corde, et gaudium salutis aeternae. Et qui justum Simeonem fideli replesti exspectatione, ut non prius videret mortem, antequam Christum Domini videret indutum carne: totius mundi lumen et salutare; ipse nos lumine tuae claritatis sic repleas, ut omnes infidelitatis tenebras a nobis repellas; et sicut hodie servum tuum dimisisti in pace, ita nos in pace tuae sanctae Ecclesiae digneris gubernare: ut portum quietis aeternae valeamus intrare, quatenus radiis ut lucis perfusi 138.1056C| ibi in die justi Examinis laeti cum ymnidicis Angelorum choris valeamus videre faciem indefessi solis. Per eundem. D. n. J. Ch. F. t. q. t. v. et reg. in unit. Sp. S. D. per o. secla seclum. Amen.
Deinde aspergantur, thurificentur, distribuantur.
Ant. Lumen ad Revelation. etc. V\ Accipiens Simeon puerum in manibus: gratias agens benedicit Dominum.
¶ Omnipotens sempiterne Deus! qui unigenitum tuum ante tempora de te genitum, sed temporaliter de Maria virgine incarnatum, lumen verum, et indeficiens ad depellendas humani generis tenebras, et ad incendendum lumen fidei et veritatis in mundum misisti; concede propitius, ut sicut exterius corporali, ita etiam interius luce spirituali mereamur irradiari. 138.1056D| Per eund. Chris