Migne Patrologia Latina Tomus 85
AucInc.BenAqu 85 Auctor incertus Parisiis J. P. Migne 1850 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin
Benedictio aquae
[XCIII] V\. Adjutorium nostrum in nomine Domini. R\. Qui fecit celum et terram.
V\, Sit nomen Domini benedictum. R\. Ex hoc nunc et usque in seculum.
Hic faciat sacerdos signum crucis in ipso sale, et insufflet tribus vicibus: et postmodum dicat hunc sequentem exorcismum:
Exorcismus salis.
Exorcizo te, creatura salis. In nomine Pa + tris et Filii + et Spiri + tus Sancti, qui te per Elizeum in aqua mitti jussit, ut sanarentur aque steriles. Quique divina oris sui voce ait. Vos estis sal terre. Et per Apostolum suum vas electionis: sermo vester sit sale conditus. Ideoque efficere sal exorcizizatum: ut sis in remissionem peccatorum et sanitatem mentium. In protectionem animi atque [XCIV] corporis: in confirmationem salutis ad expellendas et excludendas omnes demonum tentationes. In nomine Dei Pa + tris omnipotentis + et Jesu Christi Filii ejus + qui in Trinitate unus vivit et regnat in secula seculorum. Amen.
Oratio. Virtutis tue invictam fortitudinem deprecamur Domine sancte, Pater eterne, omnipotens Deus, qui inter omnia necessaria: que per Jesum Christum Dominum meum procreare jussisti. Non minimam gratiam conferre dignatus es sali: ut ex illo possint universa condiri omnibus ad escam: filium tuum Dominum nostrum procreasti. Te supplices exoramus: ut hoc sal digneris aspicere. Quatenus majestatis tue virtute contra omnes spiritus immundos valorem possit accipere; expellat ab omni loco ubi tua fuerit invocatione adspersum: quicquid potest esse pestiferum; ut exhibeat plenum salutis effectum. Deterreat omnes prestigias inimici: et omnia monstruosorum genera longius faciat effugere. Gravedines omnes: fantasiasque compescat, et per signum Crucis Filii tui Domini nostri tutelam fidelissimam desiderantibus prestet. R\. Amen.
Deinde defert aquam in urceo ad sacrandam: et insufflat ibidem tribus vicibus et dicit exorcismum.
Exorcismus aque.
Oratio. Discede immunde Spiritus ab omnibus quibus fides nostra usura est religionis officii sacramentis, nec pretendas culpam criminis: qui agnoscis potentiam Salvatoris. Non ex meriti confidentia: sed precepto. Licet ipsa potestas [XCV] ministerii dignitas sit ministri. Te igitur communem Dominum aque creature convenio: ut conservante motus sensibilitatis intelligens subjici servicio: quod placere Deo utimur non recuses. Omnem a te communionem demonum: omne collegium iniquitatis expurges. Totam fantasmatis labem: capax dominice protectionis extermines: ut gratia sanctificationis indepta: tuo nostroque pariter creatori debito famulatu deserviens: omnem spirituum pravorum nequiciam: quocumque loco fueris adsparsa dejicias: et sancte copiam benedictionis inducas. R\. Amen. Per misericordiam tuam Deus noster: qui es benedictus et vivis et omnia regis in secula seculorum. R\. Amen. Humiliate vos benedictioni. V\. Dominus sit semper vobiscum. R\. Et.
Benedictio. Domine sancte Pater omnipotens eterne Deus: institutor et conditor omnium elementorum: qui per Jesum Christum Dominum nostrum elementum hoc aque in salutem humani generis esse voluisti: te supplices deprecamur: ut exauditis orationibus nostris: illud tue pietatis respectu sanctifices: atque ita ab ea omnium spirituum immundorum recedat incursio: ut ubicumque fuerit in nomine tuo adspersa: gratia tue benedictionis adveniat: et mala omnia te propiciante recedant. R\. Amen. Per misericordiam, etc. Dominus sit semper, etc.
Hec aqua jam sanctificata in cruce salis ponitur et dicitur. Commixtio salis et aque. In nomine Pa+tris et Fi+lii et Spiritus + Sancti qui regnat Deus in secula seculorum. R\. Amen.
Post mixtionem salis et aque.
Oratio. Eterne omnipotens Deus: qui nobis a te conditam creaturam aque: ubi distinxisti ut liquorem simplicem ad lavacrum: salsam soliditatem preberes ad condimentum: quatenus et sordida possint ablui: et fatua imbui: quo et noxa tolleretur originalis; et corrigeretur error ad viam salutis. Te officii nostri functione: immeriti deprecamur: ut hec salis et aque in tuo nomine facta permixtio clementie tue sanctificetur obtutu, quodque mysterialiter baptismo ad commodum: [XCVI] culpe traducis inimicum sapientie actum erroris manifestas adversum: Sancti Spiritus tui sanctitate reddas sanctificatum. Nec ullo contagio reddatur immundum: quod tua fieri credimus majestate beatum: sed ita per te plenum prebeat sanctificationis effectum: ut ubicumque invocato nomine tuo fuerit manu emissum vel modo quolibet assumptum: expulsis et explosis omnibus insidiis contrarie partis: non solum cuncta demonum machinamenta ex eodem loco fugata deficiant: sed etiam Sanctorum Angelorum custodia semper ibi mansura consistat. R\. Amen. Per misericordiam, etc. Dominus sit semper vobiscum. R\. Et. Benedictio Dei Patris omnipotentis et Filii, et Spiritus Sancti descendat et maneat super hanc creaturam salis et aque. R\. Amen.
Antiphona. Sparsit nos Deus hyssopo: et mundabimur: lavabis nos et super nivem dealbabis nos. V\. Miserere mei Deus secundum magnam misericordiam tuam: et secundum multitudinem miserationum tuarum dele iniquitatem meam. Presb. Lavabis. V\. Gloria et honor Patri et Filio et Spiritui. Presb. Lavabis. V\. Ostende nobis Domine misericordiam tuam. R\. Et salutare tuum. V\. Beati qui habitant in domo tua Domine. R\. In secula seculorum laudabunt te. V\. Domine exaudi orationem meam. R\. Et clamor. Dominus sit semper vobiscum. R\. Et cum spiritu.
Oremus.
Oratio. Exaudi nos Domine sancte Pater eterne Deus et mittere dignare sanctum Angelum tuum de celis, qui nos custodiat: foveat: protegat: visitet; et defendat omnes habitantes vel convenientes in hoc habitaculo Dei. Per Christum Dominum, etc.