 Azoara CXXIII |
In nomine d. pii, et mis. Te sanctificando, omnium gentium dominum, omnium regem, omnium Deum, iugiter atque suppliciter exora, ut a diabolo humana corda penetrante, hominibusque diabolicis atque perversis te defendat, et liberet.
Subiiciuntur in Arabica scriptura versus aliquot vice coronidis. Qua de causa Latinus interpres omiserit, non possum satis intelligere.
Illustri gloriosoque viro Petro Cluniacensi Abbate praecipiente, suus Angligena Robertus Retenensis librum istum transtulit. Anno domini MCXLIII. anno Alexandri MCCCCIII. anno [1]Alhigere DXXXVII. anno Persarum quingentesimo undecimo.
Explicit liber legis diabolicae Saracenorum, qui Arabice dicitur Alchoran, id est, collectio Capitulorum, sive praeceptorum.
Per manus Clementis Poloni de Vislicia, Anno Domini millesimo CCCCXXXVII. mensis Ianuarii ultima, in Constantinopoli. Et ad instantiam magni Ioannis de Ragusio ordinis praedicatorum, tunc in Constantinopoli degentis.
- ↑ Alhigere est regnum Saracenicum, ut in vitis successorum Machumeti.