Migne Patrologia Latina Tomus 138
Acta conventus apud Valentianas (Auctores varii), J. P. Migne cc_id: cps_2.AucVar.AcCoApV, cc_idno: 9671
Adnuntiatio domni Hlotarii.
1.
¶
De missis directis per regnum, ut populus pacem et justitiam habeat. De raptoribus, de praedatoribus, de latronibus et aliis malefactoribus, et de omnibus justitiis.
2.
Ut ubi missatici simul venerint, missi simul veniant. Et si de uno regno in aliud aut de uno missatico in aliud fugerint, simul eos constringant.
3.
Ut ubicumque fugerint, illuc indiculus transmittatur, ut comes illos distringat, aut cum alode 138.0599C| aut per quodcumque potest, ut illuc reveniat, et emendet ubi malum fecit.
4.
Ut missis commendetur, ut faciant justitias; et si non fecerint, quod ipsi pergere debeatis.
5.
Ut si necessitas alicui fuerit, omnes sint parati, quomodo invicem vos adjuvetis.
Sequitur adnuntiatio Karoli gloriosi regis.
1.
De adnuntiatione episcopali, et de honore sacerdotum.
2.
De reaedificatione ecclesiarum, et de nonis ac decimis.
3.
De observatione capitulorum domni Karoli et domni Hludowici de ecclesiis.
138.0600B|
4.
De observatione pacis, et cavenda rapacitate et oppressione rerum ecclesiasticarum ac pauperum.
5.
Quod nos cum consilio fidelium nostrorum ordinare volumus, qualiter honeste et sine indigentia in curte nostra, sicut antecessores nostri fecerunt, vivere possimus. Et comites ac caeteros fideles nostros admonemus, ut ipsi sic suum esse et vivere ordinent, qualiter propter illorum necessitatem vicini eorum ac pauperes non opprimantur.
6.
De concordia et mutuo adjutorio episcopi et comitis, ad justitias faciendas et divinum ministerium exsequendum.
7.
De justitiis per episcopos et missos ac comites nostros in regno nostro studendis.
138.0600C|
8.
De raptis et conjunctione sanctimonialium atque propinquarum seu sponsarum aliorum, ut quod in praeterito actum est, secundum consilium et judicium episcoporum corrigatur, et de caetero omnimodis caveatur.
9.
Quod si aliquid per necessitatem in ecclesiis Dei aut contra aliquem fidelium nostrorum fecimus, hoc quam citius potuerimus libentissime emendabimus. Et de caetero si aliquis apud nos parem suum nocere voluerit, hoc secundum consuetudinem antecessorum nostrorum diffinire volumus.
10.
De placito nostro, et de communi adjutorio contra Nortmannos, et de conlocutione nostra fraterna
- NOTA. De his capitulis quae subsequuntur adnuntiaverunt populo domni reges Hlotharius et Karolus, quando in ipso anno incarnationis Domini convenerunt ad Valentianas per mensem Novembrium.
p. 0600C