Tempus quod regnat clamidem dimisit acerbam
Ventorum, nec non frigoris ac pluvie;
Et comptas claris radiis solaribus atque
Formosis vestes induit inde novas.
Non est nunc ales, non est nunc bellua, quae non
Cantet vel clamet more sonoque suo:
Tempus quod regnat clamidem dimisit acerbam
Ventorum, nec non frigoris ac pluvie.
Et fluvii et fontes et rivi, in signa jocosae
Laetitiae, varia nunc tegamenta ferunt,
Argenti vario textas ex ordine guttas.
Assumit vestes nunc sibi quisque novas.
Tempus quod regnat clamidem dimisit acerbam
Ventorum, nec non frigoris ac pluvie.
"Tempus quod regnat clamidem dimisit acerbam"
"Tempus quod regnat clamidem dimisit acerbam"
Carmen Caroli Aurelianensis "Le temps a laissié son manteau" ab Antonio Astesano latine reddita
saeculo XV
editio: incognita
fons: Bibliotheca Augustana
fons: Bibliotheca Augustana