continue residere, dictasque portas fideliter, et diligenter custodire, videlicet de nocte ambo in dictis domibus ad custodiam cuiuslibet portae pernoctare , et debitis horis vigilare debeant, et de die saltem unus eorum, nec alicui introire, vel
egredi volenti de nocte dictas portas aperire possint, aut debeant a fine tertij sonitus campanae Arcis majoris, qui fit de
sero, pulsata secunda hora noctis, et vulgariter nuncupatur il
batocco, usque ad finem similis tertij sonitus eiusdem campanae, qui fit de mane per horam ante diem, videlicet de uno
batodcO ad aliud, nisi pro negotijs publicis, Sacramentorum
delatione, pro recursu habendo ad Medicum, et Pharmacopolas,
vel nisi quando aliquis civis, qui diu, vel longe extra Territorium nbstrum abfuit, de sero redit ad patriam. Immo tempore
pacis teneantur de sera hora praefata dictas portas claudere, illisque clausis, illarum claves ad Dominos Capitaneos deferre, et
pbstea de mane hora antedicta ire pro eisdem clavibus, et dictas portas aperire horasolita, et consueta. Et inpmnem eventum
nunquam permittent forenses, cuiuscunque conditionis existant,
ingredi Terram nostram , nisi eos particulariter, et in specie interrogaverint unde sint, quo velint ire, et ad quid agendum.
Et ulterius non permittent dictos forenses introire per portas Terrae nostras cum aliquo armorum genere , etiam in gratiam alicuius ex nostris civibus , sed facta armorum diligenti perquisitione, ipsos forenses ea deponere omnino curabunt , et introeuntium arma omnia sub bona custodia apud se retinebunt» donec, et quousque dicti forenses in nostra Terra permanserint, et de ea egredi voluerint, et si ex dictorum forensium qualitatibus , ac responsis in eorum ingressu alicuius iminentia praeiudicij nostr» libertati in mente dictoruni custodum suspicio oriretur, debeant, antequam dictos forenses introducant, pradicta omnia notificari facere Dominis Capitaneis, sine quorum licentia tunc tales forenses ingredi Terram nostram nullo pacto permittent, et praesertim diebus Mercurij et nundinarum,quibus prrefatam portam loci clausam teneri debere volumus, et mandamus, nec alicui per-custodes aperiri, nisi ex aliqua de praedictis iustis causis sub poenis tum corporalibus , tum pecuniarijs, si praedicta omnia, et singula dicti custodes non observaverint arbitrio Dominorum Capitaneorum , et Consilij duodecim eisdem infligendis.
Nec non unius scuti pro vice qualibet, et pro quolibet eorum, qui praedictas portas, seu alteram earum sine ullo custode etiam pro quocunque minimo intervallo temporis, relinquerint. Alij vero custodes Terrae praefatae non facientes suas custodias , vel eas non facientes debitis modis , et formis , aut dormientes indebitis horis prenis ordinarijs, et infra in alijs decre-
