sub poena in eius capitulis statuenda, et etiam arbitrio Dominorum Capitaneorum eis de facto infligenda.
Debeat etiam dictus Castellanus de mandato Dominorum Capitaneorum, vel alterius eorum pulsare campanam ad congregandum Consilium magnum, etgenerale modis, formis, et temporibus in alijs statutis appositis. Et similiter sonare eamdem campanam ad martellum ad convocandum populum nostrum sive milites nostrae militiae ad arma, et ad custodiam nostrae Terrae, et Mercatalis, et persecutionem bannitorum, semper, et quandocunque ei per Dominos Capitaneos , vel per Ducem eiusdem militiae de mandato eorumdem fuerit iniunctum , et commissum , ac etiam quoties de die , vel de nocte intus Terram , vel in Mercatali , et praesertim in diebus mercati , et nundinarum videret, vel audiret aliquam magnam rixam ortam esse inter homines nostros, vel forenses.
Sit etiam cura , et onus dicti Castellani bene , et diligenter custodiendi , et gubernandi personas nostrae iurisdictionis , sive forenses carceratas in dicta Arce de mandato Dominorum Capitaneorum , seu alterius Officialis iustitiae dictae Terrae pro dicto Consilio, et Regimine ipsius , ne fugiant, aut pereant, dummodo ipsi Castellano consignentur constitutae, et detrusae in fundo Turris dictae Arcis, quo casu sit obstrictus poenis legalibus, et non aliter, nec alio modo.
Et si secus factum fuerit ipse Castellanus de fuga ipsarum non teneatur, dummodo ipsius culpa non aufugerint.
Et tam in praedictis, quam eveniente casu, quo praefati OfFiciales iustitiae aliquem sub fideiussionibus retinerent pro causis civilibus, vel criminalibus in dicta Arce, extra tamen fundum Turris, dictus CastellanUs teneatur eisdem carceratis victum bene ordinatum praebere , et ministrare impensa ipsorum carceratorum vel sua propria, sibi postea reficienda per ipsos carceratos ante exitum ipsorum de dicta Arce, vel a Communitate , si carcerati satis non fuerint solvendo.
Teneatur quoque dictus Castellanus adhibere omnem curam , et diligentiam circa vigilantiam custodiarum , quae pro tempore a Dominis Capitaneis ponentur in dicta Arce, et in dividendo ipsas vigilias nocturnas, et diurnas, ita ut electio primae vigiliae sit ipsius Castellani , qui debeat etiam referre Dominis Capitaneis , si eius filius , aut aliquis alius custodiam suam non fecerit, et non vigilaverit , ut possint puniri sub poenis in statutis contentis. Debeat pariter dictus Castellanus temperare , sive moderare , et custodire horologium communis existens in dicta Arce pro eius posse , sive scientia , et secundum consuetudinem aliorum Castellanorum , et pro dicta cura
