Qui oblationum praedictarum redditus utiliter in ornatum, et Ecclesiae praedictae utilitatem expendatur ad Consilij genera]is beneplacitum, et voluntatem.
Et dicti Massarij teneantur, non solum exigere oblationes solitas a Communitatibus nostrorum Oppidorum, sed etiam in die Festivitatis Sancti Marini stare ante valvas Palatij , ubi ius redditur, et a quolibet de Terra, et Territorio nostro sponte dante, accipere, et exigere solitas eleemosynas pie invitando singulos ad eas benigne, et largiter erogandas.
De electione Superstitum Sanitatis, et eorum officio, et iurisdictione una cum Dominis Capitaneis .
Rubrica. XLIV.
statuimus, et ordinamus, quod pro salute, praeservatione , ac conservatione, et liberatione Terrae nostrae, Curiae, et districtus, ac iurisdictionis eiusdem a peste Epidemiae, Domini Capitanei qui pro tempore fuerint possint, valeant, et debeant tempore pestis Epidemiae duos Superstites Sanitatis ad libitum ipsorum Dominorum Capitaneorum, et finito oflficio dictorum Superstitum alios similiter eligere, ut supra . Qui Superstites Sanitatis statim electi a Dominis Capitaneis de cetero una cum dictis Dominis Capitaneis pro tempore existentibus habeant plenam , et omnimodam potestatem, facultatem, et auctoritatem providendi, ac provisiones necessarias faciendi ad evitandam pestem, et consequendam liberationem ab ea dictae Terrae, Curiae , et districtus , tam in expellendo de dicta Terra , et domibus ipsorum infectos peste , aut suspectos propter practicam , et eos confinando in quibuscumque locis, quibus ipsis Dominis Capitaneis , et Superstitibus videbitur , et placebit , quam etiam in praecipiendo , mulctando, et puniendo quibuscumque paenis, et in quacumque quantitate, et tam in aere quam in persona, omnes, et singulos inobedientes, ac recusantes parere mandatis eorum de facto, sine scriptis, ac reiectis omnibus iudiciarijs solemnitatibus , etiam extraiudicialiter compellendo, et exequendo, omni appellatione remota, et omni recursu Consilij generalis, et omni audientia penitus denegata, in omnibus, et singulis casibus contentis, et comprehensis in praesenti statuto. Ac in liberando, et absolvendo confinatos, qui pro tempore steterint, et purgaverint se ab infectatione , et suspicione pestis praedictae. Ac geo-
