De electione, officio , ac salario Publici Praeceptoris .
Rubrica. XXXIII.
Quia consuevit semper Respublica nostra unum virum doctrina, et moribus praeditum in praeceptorem, et iuventutis nostrae moderatorem singulo anno deputare, cujus opere, ac eruditione nostri adolescentes humanitatis artibus, et bonis moribus imbuti, cum ad maturitatem perveniunt , tempore sapientiores effecti , valeant Rempublicam nostram accuratius regere, et gubernare, idcirco maiorum, gentiliumque nostrorum vestigia in hoc sequi volentes, statuimus, et ordinamus , quod de cetero Domini Capitanei saltem per tres menses ante finem officij, tum praesentis publici ludi litterarij praeceptoris, tum etiam ejus successorum in eodem munere, in magno generali Gonsilio per eos congregando debeant proponere in supradictae nostrae iuventutis magistrum, ac moderatorem aliquem humanarum, et bonarum litterarum professorem forensem, quem probitas vitae, nec non scientia, doctrina, ac singularis, et longa docendi solertia, et experientia saltem in duabus alijs conductis publicis alicujus Civitatis, vel Oppidi reddiderit clarum , ac dignum , cui tale munus , ac exercitium in patria quoque nostra tuto committi ac demandari possit. Cujus facta propositione per Dominos Capitaneos ceteris quoque Consiliarijs liceat proponere alios hujusmodi conductam , et officium ambientes, cum quibus possit etiam concuirere magister antecedentis anni, si confirmari affectaverit. Quibus omnibus positis ad suffragia, ille , qui ceteros maiori numero balluctarum albarum superabit , sit , et censeatur electus magister, praeceptor , ac moderator nostrae juventutis per annum immediate sequentem. Cujus officium sit, postquam receperit litteras patentes suae electionis, sibi cum notula capitulorum ejus mercedem , ac salarium , et onera continente transmittendas per Dominos Capitaneos, et se in terram nostram suis sumptibus contulerit, et ad exercitium sui muneris, praevio ejus juramento in manibus Dominorum Capitaneorum de illud bene , ac fideliter exercendo admissus fuerit, recipere, dOcere, ;et instruere toto tempore ejus conductionis omnes , et singulos pueros , adolescentes , et habitantes usque in diem suae conductionis in Terra nostra , vel in Territorio , ac districtu cum infrascripta/mercede , ac salario. Et in ingressu Magistratus Capitaneefum nostrorum pro tempore eligendorum, nec non in die Festo tam Divi Marini Protectoris nostri, quam Divi Nicolai, et alijs temporibus, dum requisitus fuerit, orationem, seu sermonem latina lingua habere, seu per aliquem ex suis scholasticis
