eisdem statuendis. Qui Cancellarius , et Actuarius sive terrigena, sive forensis teneatur, et sit obligatus qualibet die iuridica statim, et incontinenti dicta prima Missa in Plebe nostra Sancti Marini, et pulsata tertia, comparere in domo Communia, ibique permanere ad suum officium exercendum donec, et quousque Domini Capitanei sive alter eorum, aut alij Judices iustitiae praepositi inde non recesserint sub poena bononenorum decem pro qualibet vice qua contravenerit buic decreto de facto in cippo Communis persolvenda. .
De electione Praefectorum Archivij , et eorum officio.
Rubrica. XXX.
Proponant Domini Capitanei pro tempore existentes, et alij Consiliarij medio eorum iuramento omnes homines qui ipsis magis idonei ad hoc officium videbuntur in Consilio maiori sexaginta virorum, et ibi separatim ad scrutinium per suffragia, et balluctas admittantur, et duo ex eis qui majorem numerum suffragiorum obtinuerint sint, et esse intelligantur Praefecti Archivij nostrae Terrae Sancti Marini. Qui pro diligenti eorum officij administratione a Dominis Capitaneis praedictis, et a praecessoribus in dicto officio recipere debeant omnes, et singulas scripturas cujuscumque qualitatis, instrumenta, privilegia, indulta, litteras, libros, catastra, et generaliter omnia alia ad dictum Archivium spectantia, et quae in eo conservari, custodirive solent per inventarium manu Cancellarij Communis quod in manibus praefatorum Dominorum Capitaneorum remanere debebit. Et ea omnia quae in Archivio reposita fuerint, diligenter custodire teneantur, et nemini libros, nec scripturam aliquam tradere etiam de mandato Dominorum Capitaneorum , sed solum copias actorum , et aliarum scripturarum civilium volentibus, et interesse praetendentibus , sumptibus semper petentis , praeterquam praedictae Communitatis , cui eas, et alia quaecumque extracta manu Cancellarij Communis pro suo interesse teneantur dare gratis. Nec ex eis aliquid ullo modo extra Terram nostram praefatam Sancti Marini transmittere, vel exportare poterunt sub quovis quaesito colore absque expressa licentia nostri Consilij generalis sexaginta virorum in scriptis obtinenda , et per Cancellarium nostrum praedictum in libris propositarum adnotanda, si de instrumentis publicis, privilegijs, et indultis quibuscumqne, vel aliquo alio ad libertatem , et iurisdictionem nostram quomodolibet spectantibus transmittendo , vel exportando pertractabitur. Si autem de alijs scripturis, processibus, et sententijs quibuscumque transmittendis, vel exportandis agetur, sine licentia Dominorum Capitaneorum, et Consilij duodecim virorum similiter in scriptis
