cede, et salario bononenos duos pro qualibet libra denariorum,
qui ad Cameram Communis, ejus ofncio mediante pervenient,
et bononenum unum pro quolibet pignore sumptibus domini
pignoris.
De officio Cancellarij , et Notarij Communis.
Rubrica. XXIX.
Scribantur in folio omnes Notarij Terrae Sancti Marini, qui a maiori parte Consiliariorum sexaginta virorum , per suffragia, et balluctas, exclusis de Consilio eorum consanguineis , et affinibus usque ad secundum gradum inclusive , secundum ius canonicum computandum, habiles, et idonei reputabuntur ad officium Cancellariae nostrae, et dictum folium reponatur in bussulo particulari conservando in capsula aliorum officialium extrahendorum. Et Domini Capitanei, qui pro tempore fuerint, in ingressu eorum officij , sumpto in manibus dicto folio , debeant eligere unum de descriptis in eo, quem maluerint in eorum Notarium , et Cancellarium per sex menses , et non pro minori spatio temporis ; et casu quo Domini Capitanei forent discordes in eligendo, talis electio sit Consilij generalis, dummodo eligendus sit de comprehensis in dicto folio, in quo non possit aliquis addi, nisi servata forma, et modo praedictis, et nisi post annum, de una ad aliam balluctationem numerandum. Qui Cancellarius Communitatis sic electus debeat iurare in manibus Dominorum Capitaneorum ejus officium bene, et legaliter exercere , nec non obedire ipsis Dominis Capitaneis , qui eidem teneantur consignare libros colligatos, et in quibus numerus cartarum sigillatim fuerit adnotatus, et signo Communis obsignatus, et in eis, et non alibi scribere debeat omnia acta tam in civilibus, quam in criminalibus causis, et cetera alia ad causas spectantia, adeo ut omnia gesta quandocumque haberi possint, et perpetuo conservari , nec non debeat scribere omnia Consilia ad libros propositarum, et alia facere adl quae tenetur tam de stilo, et consuetudine , quam ex forma aliorum statutorum praesentis voluminis. Declarantes, quod Notarij Dominorum Capitaneorum , qui pro tempore fuerint, teneantur, et obligati sint gratis facere, et complere omnia instrumenta, et scripturas ad dictam Communitatem pertinentia, et spectantia, sive in causis civilibus, vel criminalibus, vel in quibuscumque alijs negotijs pertinentibus ad dictam Communitatem , et etiam pro commissionibus , et alijs actis , quae fierent pro reluendis , et exigendis creditis a debitoribus Communitatis ad petitionem Camerarij Fiscalis , et Massariorum ; et quod per eum o
