stari debet, exhibeant scripturas hebraicas legis veteris sacrarum paginarum , et super ipsis inanu tactis scripturis Iudaei
praedicti iurare teneantur. Et huinsmodi iuramentum sic per
eos praestitum pro legitimo habeatur.
De poena resistentis Baiulo suum officium exercenti.
Rubrica XLVII.
Statuimus, et ordinamus, quod si quis Plazario, seu Baiulo communis eum pignorare volenti contradixerit, et se pignorari non permiserit, solvat communi pro poena pro qualibet vice solidos viginti denariorum.
Et si pignus iam per dictum Plazarium captum ab eodem abstulerit, aliudve quodpiam in praedictis eidem impedimentum praestiterit , quo minus suum officium exercere possit, in centum solidis pro qualibet vice puniatur.
De laboratoribus terrarum , et quomodo eas colere, et laborare teneantur.
Rubrica XLVIII.
Laborator, vel colonus quicumque terram ad laborandum a quovis acceperit , vel conduxerit in Terra , vel Territorio, seu districtu Sancti Marini teneatur ipsam terram si debet esse magiatica, bene , ac diligenter laborare , et congruis temporibus illam colere prout quilibet bonus laborator , ac colonus facere debet, rumpendo, refringendo, ac eam de bono, et puro semine serendo.
Et omnes segetes , qnae in dicta terra reperientur, mundare, et toties purgare debeat a malis herbis quoties opus fuerit.
Et Domini Capitanei dictae Terrae eosdem laboratores, seu colonos, omni iuris ordine , et solemnitate , ac appellatione, et petitione ex gravaminis praetextu quocunque praetermissis, compellere teneantur ad solvendum locatori pro emendatione, et sui damni satisfactione , ac interesse , id quod per Dominos Capitaneos praedictos deelarabitur infra decem dies a die condemnationis fiendae de laboratore praedicto numerandos.
Teneatur etiam quilibet laborator, seu colonus, qui alienas possessiones ab aliquo ad laborandum conduxerit, sive super inde
