Pagina:I dialogi ad Petrum Histrum, Livorno 1889.pdf/63

— 22 —

praesentia tua refellere ac labefactere videris, qui profecto is es, qui sapientia atque eloquentia veteres illos, quos tantopere admirari solemus vel anteiveris^{[c 1]} vel certe adaequaveris. Sed dicam quod^{[c 2]} sentio de te, nec me hercule assentandi gratia.^{[c 3]} Tu mihi videris isto tuo praestantissimo ingenio ac paene divino, etiam his rebus deficientibus,^{[c 4]} sine quibus alii non possunt, haec assequi potuisse:^{[c 5]} itaque tu unus mihi sis^{[c 6]} ab hoc sermone exceptus; de aliis loquamur, quos communis natura produxit; qui si parum docti sunt, quis tam iniquus iudex erit, qui eorum culpae hoc adscribendum putet, ac^{[c 7]} non potius temporum vitio et huic rerum perturbationi? Nonne videmus quam amplo pulcherrimoque patrimonio haec nostra tempora spoliata sint?^{[c 8]} Ubi sunt^{[c 9]} M. Varronis libri qui vel soli facere possent^{[c 10]} sapientes, in quibus erat linguae latinae^{[c 11]} explicatio, rerum humanarum divinarumque cognitio, omnis sapientiae ratio omnisque doctrina?^[1] Ubi T. Livii historiae? ubi Sal-

---

1. antevieris erroneamente A.
2. quid E.
3. causa D.
4. desinentibus non bene B.
5. Manca in E.
6. tu mihi unus sis B.
7. an male B.
8. sunt B.
9. Manca in B.
10. possent facere D.
11. latinae linguae C.

1. Cino Rinuccini nella Invettiva contro cierti caluniatori di Dante e di messer Francesco Petrarca e di messer Gio-